Hợp tác xã kôngz nuv, doanh nghiệp, tsôngv px VN  hâur hur si têz qơưs tsênhv taz tov shir phaz lul tok hội nghị sik thav đros Thủ tướng Chính phủ Phạm Minh Chính chiê hêik lok sđ têx tsưr ziv huôv tsar kinh tế txuôk đros Thủ tướng Chính phủ, cov huôv tsar uô trâu truôx đrênhk.

Zos iz hâur têx luôs hâux lưv huôv tsar cêr uô nox hâur Hợp tác xã nhoz Sơn La tâu sik thav đros Thủ tướng Chính Phủ ntơưv Hội nghị, tix lâus Trần Như Kiên, Giám đốc Hợp tác xã Phương Nãm, xã Lóng Phiêng, huyện Yên Châu cux tok njôngr Thủ tướng Chính Phủ, tsuv muôx têx tsênhv chêi paz max cov têx kôngz lôngk VN muôs tâu đhâu trâu têz qơưs Suôr: “Pêz cux tok njôngr, cxuiô zav hax huv muôs tâu trâu ciêz đrôngl Trung Quốc, viv txix shông 2020 txos trâu nhiv no, caz moz Covid-19, uô tuôr thênhv txos; chênhr zos li hêik ntơư, hâu nov têz qơưs Suôr cux uô truôx jông luôs hauax lưv tir thêir tsik chiê caz moz Covid-19 cik đêz đar trâu cxuô thax tsav qơư. VN têx hax huv muôs tsik tâu tơưv trâu têz qơưs Suôr. Zos thôngz đhâu ciêz đrôngl têz qơưs Suôr, txơưv li chas, hur si tsôngv px VN têx hax huv, txir ntông cxuô zav, cux zuôr muôs trâu trâu têz qơưs Suôr”./.

Tsu cxêik nhênhv-Thanh Thuỷ-Chia BT

Ban seiz car qơư kinh têr trôngx đriv Ma Lù Thàng (Lai Châu) puz pâuz, hnuz 25/5 Việt Nam chor hax huv xuz thơưx ciês tưz tâu muôs muk trâu Trung Quốc đhâu trôngx đriv ntiêx têz Ma Lù Thàng (Việt Nam) thiêz Kim Thủy Hà (Trung Quốc).

Lơưr co, chiê taz por ngaz tuk trâu huôx tôngv thương mại ntus đriv, oz tos tưz thôngx ziv uô jông côngz xưv tsuôs yuôx tuô lov caz moz thiêz njuôk shuôk caz moz hâur ntu uô hâux lưv chiê muôs tơưv têx hax huv muk saz đrâuv têz qơưk, muôx côngz jênhv tsuôs yuôx tuô lov caz moz, ntâuz ntơưr njuôk shuôk tsik trâus muôx caz moz hâur iz hnuz hmo; muôx qơư hlôngr hax huv trâu têx yêz thâuv choz zok hax huv thiêz nênhs tsar yêz tsuv muôx ntâuz ntơưr cungz jênhv tưz tsuôs yuôx tuô lov caz moz têx hax huv, njuôk shuôk tsik trâus moz Covid-19. Saz Trung Quốc cux tưz tso tsês cui tênhv hnhar muôx 30 tấn xav tas nro luz yêz thiêz hax huv thâuv muk đhâu qox. Uô ntêx co, hnuz 23/10/2021, tiv qênhx shênhx caz moz Covid-19 phiv liv, saz Trung Quốc tưz tso tsês tsik zuôr tas hax huv txix Việt Nam đhâu trôngx đriv Ma Lù Thàng (Việt Nam)-Kim Thủy (Trung Quốc). Txix co txos nhiv no, hax huv kôngz nuv tỉnh Lai Châu njiz lok six ntâu phiv liv hâur muôs têx hax huv./.

(Khắc Kiên-Lik Thox cxêik nhênhv)

Nhiv no sâuv thax tsav tỉnh Laox Cai, muôx yênhx cxênhz lênhx shuv xênhz tsik muôx ntơưr bảo hiểm y tế, qir tiv zos shuv xênhz nhoz thax tsav jêx jos, xã tax tâu luôs hâux lưv cxiv tsa jêx jos yiêz, trơưk li quyết tênhv 861/QĐ-TTg mak cxuô xã thax tsav 3, tâu nhoz hâur thax tsav 1, chênhr zos li hêik ntơư, têz qơư tsik muôx phênhv nhiêx paz zuôr ntơưr bảo hiểm y tế trâu shuv xênhz (Tsuôk zos chor chuôz zis pluôs) thiêx tâu têz qơưs paz niêx zuôr ntơưr bảo hiểm y tế.. Zơưv Trần Xuân Thịnh, Giám đốc bảo hiểm xã hội huyện Mường Khương hêik pâuz tiêk: Chor shuv xênhz tsik muôx ntơưr BHYT, thâuv têx shuv xênhz muôx moz gênhk tsuv tâu muk tsêr kho moz, chuôz zis tsuv thêv 100% nhiêx sêiz njuôk shuôk moz moz. Chor chuôz zis hêik sâu tsik muôx txâuk nhiêx txiêx thêv tâu./. 

                                 Tsu cxêik nhênhv-VOV4-Chia BT

Ntux nas đêx ngaz cuôr têx hnuz đhâu ntơưv Sơn La tưz uô hiêv txos 28 luz tsêr nhoz têx huyện Sông Mã, Sốp Cộp, Thuận Châu tiv ar poz; hâur co, muôx 4 ziv chuôz zis tsuv txar qơư nhoz sêi đrơưv, uô hiêv tas muôx 6 héc ta ntâu blêx, iz lênhx nhuôs zâu trâus tuôs tiv trâus đêx cuôr yôngz ntơưv jok Liềng, xar Púng Bánh, huyện Sốp Cộp, tỉnh Sơn La. Njuôk xav têx trâus hiêv tas muôx 1,1 tiv đêiv.

Ntơưv tỉnh Điện Biên, ntâu thax tsav qơư trâus hiêv ntâu, iz lênhx nhuôs zos Cường Xênhv Thox, zus shông 2013,muôx 9, nhoz jok Huổi Toóng 2, xar Huổi Lèng trâus tuôs thâuv 11 six iz tas hmo 24/5. Ar poz lok cxuz luz tsêr thâuv hmo ntux cux uô niêv tix Hồ Thị Dung, zus shông 1999, nhoz jok Huổi Toóng 2 trâus saz. Đuô li, ntux nas lox cux tưz uô hiêv txos ntâu ziv chuôz zis nhoz sâuv thax tsav têx vax tsêr thiêz ntâu ntu cêr sâu thax tsav trâus xưz poz, đêx ngaz, uô phiv liv ntâu txos pêx xênhv li muk lok.

Ntơưv Lai Châu, hnuz 25/5 ntâu ntu cêr sâuv thax tsav tưz trâus xưz poz, uô cêr muk lok tsik tau hâur ntâu six hơưv.

Ciês đhâu txêik tâu têx xor mông hêik pâuz, chính quyền cxuô thax tsav qơư tưz tso nênhs sêiz đrơưv khưx phưx cov taz por ngaz tuk, zok nriêr chơưv paz, sêiz nus, paz trâu chor chuôz zis muôx nênhs trâus tuôs, trâus saz ssâuv thax tsav./.

(TTTB-Lik Thox cxêik nhênhv)