Zar hnuz kêix hnuz 26/1, pos Trương Thị Mai, Uỷ viên Bộ chính trị, Bí thư Trung Đảng, tsar Ban tsưr tsix Trung ương, tưz đros đoanx côngz xưv muk sêiz shuôk, phôngv tsiêz thiêz muôz huv puz trâu  cán bộ, tuz lênhv Biên phôngx  thiêz tsôngv px hâur thax tsav ntus đriv huyện Nậm Pồ, tỉnh Điện Biên.

Đros ntơư, pos Trương Thị Mai, tsar Ban tsưr tsix Trung ương đros trâu đoanx côngz xưv tưz muôz 140 poz huv tsiêz puz trâu chor chuôz zis muôx côngz têz qơưs, chuôz zis pluôs thiêz têx lênhx cán bộ, tuz lênhv muôx luz nênhx txov nhêv hâur thax tsav; muôz huv puz trâu hâu nov xã Si pa Phìn thiêz Đảng Bộ huyện Nậm Pồ.

Shuôk thiêz phôngv tsiêz cán bộ tuz lênhv Si Pa Phìn; đoaxkinh tế Quốc phôngx 379 (Quân khu II). Hâur jiês muk sêiz shuôk thiêz phôngv tsiêz no, pos Trương thị mai, muôx luk, lực lươngx tuz lênhv Biên phôngx tsuv sir cov tas đas jos tsưr ziv tsưx phưv cov tâu truôx ntus đriv pêz têz qơưs, paz trâu px huôv tsar cêr khưr uô nox, iz thênhv jux juk txo grêk tâu yêiz pluôs thiêz tsuv uô jông cxuô faz tsưr ziv tir thêir cov tâu caz moz Covi-19, tsik uô caz moz gênhk siz cik hâur têx hnuz tsiêz têz qơưs shông 2022./.

Tsu cxêik nhênhv-Khắc Kiên -Hạnh BT

Tas cik hnuz 26/1, Ủy viên Bộ Chính trị, Tsar ban kinh tế T.Ư Trần Tuấn Anh đros Ban kinh tế T.Ư Đoanx côngz xưv tưz muk phôngv tsiêz Đảng bộ, hâu nov, tsôngv pêx xênhv tỉnh Lai Châu thiêz dưv tsaz yênhx “Tsiêz sor si-shông yiêz truôx tuk” shông 2022 hâur thax tsav qơư.

Dưv tsaz yênhx heik sâuv, Tsar Ban Kinh tế T.Ư Trần Tuấn Anh tưz ntâuk grê siêz txos tỉnh Lai Châu li têx cêr moz siêz thiêz tsưr tsix công đoanx ntơưv qơư têx hâux lưv uô, cêr paz max tsês trâu đoanx viên, nênhs lox tôngv hâur six hơưv đhâu. Txix ntơư, paz têx đoanx viên, nênhs lox tôngv thâuv tưs tưz njênhs njôngr trâu Đảng tsưr ziv chox car, têz qơưk têx tsênhv chei. Tsar Ban Kinh tế T.Ư vav chiê siêz, shông 2022 thiêz têx shông tsuôk lơưr co, công chức, viên chức lox tôngv tỉnh Lai Châu zuôr tror sir jos, gra siêz đuô thiêz têx tsưr ziv lês  uô hâux lưv chiê uô tâu ntâu luôs hâux lưv đuô.

Ndax six hơưv no, Ban Kinh tế T.Ư Đoanx côngz xưv tưz muôz 200 poz huv, tsiv grê nhos 250 tsov đeiv puz trâu đoanx viên, nênhs lox tôngv muôx luz nênhx txov nhêv thiêz muôz huv puz trâu Liên đoanx lox tôngv tỉnh Lai Châu; muk shuôs, muôz huv puz trâu Bộ Chỉ huy Bôv đôiv Pênhz phax tỉnh Lai Châu thiêz iz cxiê chuôz zis pluôs hâur thax tsav TP Lai Châu, tỉnh Lai Châu./.

 (Khắc Kiên-Riê Lâux cxeik, nhênhv)

Hâur oz hnuz 26 thiêz 27/1, Hội chữ Thập đỏ tưz đros tsêr nhiêx tuz lênhv ntơưv tỉnh Sơn La tưz kriz uô “Tsaz yênhx, tsiêz viv lênhx nênhs pluôs, lênhx nênhs trâus tsơưr tưx da cam” chêix ntux yiêz shông 2022.

Zuôr xar 1 cxênhz poz hax huv, ntơư zos nhiêx txiêx, cxuô zav nox, grê nhiêx zos 500 triệu đêiv, tâu muôz trâu chor chuôz zis pluôs, chor trâus tsươr tưx da cam thiêz chor chuôz zis trâus caz moz Covid-19 uô ruôr hiêv, nhoz trâu chor xã ntus đriv li: Phiêng Khoài, huyện Yên Châu; Mường Sai huyện Sông Mã; Mường Và, huyện Sốp Cộp thiêz iz cxiê hax huv cux tâu muôz trâu hâu nov ntơưv qơư; têx cán bộ tuz lênhv tsênhv uô hâux lưv trâu thax tsav ntus đriv. Tus muôv Giang x Vix, nhoz xã ntus đriv Phiêng Khoài-Yên Châu hêik pâuz: “Cur chuôz zis lok six jông siêz, hnuz no tâu têx hâu nov hâur tỉnh muôz huv tsiêz puz. Cur chuôz zis uô luz nênhx txov nhêv, tsik muôx zav tưs nox tsiêz, cur chuôz zis muôx luk uô tsâus sđ gra huv tsiêz tuôx trâu cur chuôz zis./.                          

Tsu cxêik nhênh-Lê Hạnh –Cà Thành  BT

Sơưr thơưx paz ziv chuôz zis pluôs zos tsưr ziv, hâux lưv uô jông, phuôx huiz tâu canr bôv, Đảng viên li pưs txux, txơưx jênhv hâur txo grêk cêr yeiz pluôs nhoz huyện tox siêz Bát Xát, tỉnh Lào Cai. Đhâu iz shông fuô uô, lok six ntâu têx tsưr ziv jông thiêz uô zênhx max tưz tâu tso tơưv; ntâu lênhx nênhs tsênhv cir ntơưr chos luk sir jos uô cov tiêr hâux lưv zok muôz. Txos kaz shông 2021, 400 ntâu chuôz zis xuz thơưx tưz hla đhâu chuôz zis pluôs, tsav zuôr xar 50% têx ziv chuôz zis zuôr trâul tâu paz max. Trơưk li têx tưz uô tâu txix thâuv ntêx lok nhoz Bát Xát, chor chuôz zis no shông nor tsênhv tâu ntơưv qơư kruôs txos thiêz muôz huv puz hur si; đhâu ntơư paz têx chuôz zis đros luôs lưv tus muôx tsiêz nox, shir phaz tok shông yiêz.

Trơưk li Bí thư Huyện ủy Nguyễn Trung Triều, uô hâux lưv paz têx chuôz zis pluôs chênhr zos tsưr ziv chiê ntâuk grê canr bôv, đảng viên lês uô têx hâux lưv chính trị ntơưv thax tsav tox siêz, ntus đriv tsênhv yuôr ntâu txov nhêv xưk li Bát Xát: “Bát Xát tsưr ziv zos tsuv gra siêz tsơưr lươngv đảng viên. Đảng viên uô tâu jông hâux lưv mak thiêx uô trâu tsôngv pêx xênhv chiê siêz, njênhs njôngr trâu Đảng, têz qơưk têx chei fuô kriê li uô tâu lơưr hâur luz nênhx, txix ntơư tsôngv pêx xênhv thiêx jông siêz, thôngx ziv đros, huôv tsar uô nox uô hnar, gra siêz phênhv sâu tâu. Pêz sir jos txos shông 2025, cov Bát Xát yênhx huyện ntus đriv huôv tsar jông hâur tỉnh Lào Cai”./.

 (An Kiên-Riê Lâux cxeik, nhênhv)