Txix hâur shôngk shông txos nhiv no, gri chor qir zuôv chuôz ndê siêz uô trâu pêx xênhv li hâux lưv uô nox njiz ntâu kror phiv liv. Lơưr njuôk xav, gri qir zuôv tsav xar muôx 30% nhiêx txiêx uô, yuôx por vêv đrox tsuôs tsav txix 30-40%, têx thâuv tsênhv siêz đuô zos tiêk caz moz nho têx tsoz chos huôv xênhz. Hok hâur hâux lưv tu zus, gri zav nox tsav xar muôx 50-60% nhiêx txiêx… Thâuv tas nro cxuô zav tsoz chos no puôr lênhx ndê gri siêz, pêx xênhv li hâux lưv chos kôngz lôngk njiz ntâu kror phiv liv, têx thâuv tsênhv sâu tsik tâu liv, pôngz pênhr thiêz. Đros kriz uô iz cxiê tsưr ziv chiê taz por uô nox trau pox nhuôs, cxuô thax tsav qơư thiêz pêx xênhv tox siêz Yên Bái lok six tok khov trâu nganhx muôx vax huôv li têx tsưr ziv chiê truôx tuk gri muôs qir zuôv, zav nox hâur tu zus. Zơưv Đinh Văn Dũng nhoz Năm Hăn, xar Phù Nham, huyện Văn Chấn, tỉnh Yên Bái hêik: “Vav tiêk cxuô cấp muôx vax huôv zuôr tsov cưv txos, sêiz shuôk, paz trâu pox nhuôs chiê pox nhuôs sơưr đơưk tror tso siêz yưv pênhr uô nox”./.

(Thừa Xuân-Lik Thox cxêik nhênhv)

Phong Thổ zos thax tsav chos ntâu tsơưz tiv zix nhoz tỉnh ntus đriv Lai Châu. Taz sik nhiv no mênhv chêx chos tsơưz tưz txu grês zuôr xar 1 cxênhz hecta pir đros thâuv ntêx viv grê muôs txu grê 7-8 jiês thâuv niêv ciêz sâu zuôr tsênhv zos Trung Quốc 2 shôngk no tsi sâu zuôr tiv moz Covid-19 huôv xênhz, pox nhuôs tsi muôx pênhr thiêz tror truôx siêz tos ntêr li ntơưv. Nhoz Phong Thổ, txơưv tsơưz zos iz tsoz chos tsênhv, taz sik ntơưv tiv phaz nhiv no cux tsi tâu muôx qơư por coar txiêk lok sik tsiv uô tsơưz tưs. Tix lâuk Hoàng Phủ Hò, nhoz jos Thèn Sin, xã Ma Ly Pho, huyện Phong Thổ, tỉnh Lai Châu, iz chuôz zis chos tsơưz puz pâuz: “Txix shông 2020 grê muôs txu grês thiêz 1 luz hlik no tsi muôx lênhx tưs zuôr thiêz. Nhiv no chuôz zis tưs zus buô mak muk txiêr lok puz buô nox, tsi zus buô mak lênhx tưs thor txơưv puz xưz, tsi muôx lênhx tưs thor mak chiê tsơưz siêr thiêz jênhs pôngz tas pêv têz xưz”./.

(K.Kiên-Txâur Vax cxeik nhênhv)

Hợp tac xã côngv thôngx Cho Liêz, xar Tả Phìn, thị xar Sa Pa tâu yênhx lix txix hli 10/2015 đros muôx têx paz txix Chính phủ Úc li Dự án Great, muôx 7 thành viên, zos niêv tix Tẩn Tả Mẩy uô giám đốc. đhâu 6 shông kriz uô, HTX tưz hla đhâu ntâu kror phiv liv chiê muôx tâu qơư sơưr sâuv ciêz đrôngs lok yuôx đrox njuôz mênhx cxưx. Nhiv no, HTX li thax tsav yuôx đrox njuôz tâu kriz uô lox đar ntơưv oz xar Tả Phìn thiêz xar Ngũ Chỉ Sơn, đros thax tsav chos thiêz tu, tuôr tsês chiê mênhx cxưx Cho liêz li cxuô zav yuôx đrox njuôz muôx 115 héc ta ntâu. Đhâu co tưz paz muôx hâux lưv uô trâu 224 ziv chuôz zis sik côngv thiêz 120 xar viên zos pox niêv mênhx cxưx Cho thiêz Hmôngz. Nhiv no, đrâuv dịch vụ đa têx đêx cuô yuôx ntơưv qơư dịch vụ, HTX tưz uô ntâu zav li: Cuô yuôx đa trâu chor nhuôs zâu, cuô yuôx đa trâu chor pox niêv nhiv kruôr zus mê nhuôv, Cho liêz chor yuôx đa trâu cxuô lênhx nênhs./.

(VOV4-Lik Thox cxêik nhênhv)

Tsaz yênhx “gra têx suôz gâux tuôx txos tsêr kho moz” jiês xuz thơưx tâu tsưr tsix ntơưv tsêr kho moz đa khoa tỉnh Sơn La, nhoz hâur luôk hâux lưv paz nênhs moz. Têx lênhx nênhs hu gâux tuôx txix ntâu taz viv, hội, Câu lạc bộ tưz hu gâux lok siêz nhiêv têz nhiêv qơư, đros ntâu jax đhiê yiêz, yuôz trax....tâu chôngz lênhx nênhs moz, nênhs moz li nênhs cxênhz jê tsênhv kho moz ntơưv tsêr kho moz tuôx seiz. Tsaz yênhx paz uô trâu khôngz qiv sor so, lov jêv đuô, tsaz yênhx tsưr tsix chiê tôngv vênhx, pheiz kênh đros nênhs moz paz lơưr sir jos kho tâu jông moz. Ntơưv tsaz yênhx, zênhx hangx Agribank nhoz TP Sơn La đros têx taz viv paz txưv tưz khơưk muôz 20 phênhv huv trâu têx nênhs moz muôx luz nênhx txov nhêv tsênhv kho moz ntơưv tsêr kho moz./.

(Lê Hạnh-Txâur Vax cxeik, nhênhv)