Shông cơưv 2022-2023, huyện Phong Thổ, tỉnh Lai Châu njuôk xav muôx 48 tsêr cơưv, 900 ntâu lớp; hâur co, tas nro chor shux xênhz lớp 3 thiêz lớp 7 zuôr qir cơưv trơưk li tsaz yênhx zoz zux phưv thôngz yiêz lơưr cui tinhv. Ngênhx zoz zux ntơưv qơư nhiv no cux tsênhv sir jos chox kriê cxuô luz tsêr cơưv qênhz shuôs têx chuôz zênhx phưx vưv kriê thiêz cơưv ntơưr, chor ntơưr cơưv yiêz….chiê heik bax tsês, muôx txâuk phưx vưv kriê thiêz cơưv hâur shông cơưv yiêz. Zơưv Nguyễn Vương hùng, Phưv tsar phongx zoz zux huyện Phong Thổ heik pâuz nzir:

“Chiê uô jông tsênhv njiêz zoz zux phưv thôngz yiêz 2018, pêz cux tưz chox kriê chor nênhs lês car uô đreiv têx luôs hâux lưv co bax tsênhv njiêz kriê cxaz nzir têx txux chi tsưr ziv yuôr trâul hâur cheix so sor trâu chor cưk kriê ntơưr. Txix têx kriê cơưv cxaz nzir li co, pêz tưz tso têx taz viv bax cxiv tsa tsưr ziv đros yênhx lênhx cưk kriê, txix ntơư zuôr chêx tsôngk lơưr yênhx lớp cơưv. Thơưx seiz car tsêr cơưv zuôr zos lênhx cir ntơưr uô tsưr ziv hâur shông cơưv no chiê taz por huv đros yênhx lênhx nênhs, suôv qơư thiêz tsênhv tsênhz hâur thax tsav qơư lok luôs hâux lưv kriê thiêz cơưv txux chi”./.

(Khắc Kiên-Riê Lâux cxeik, nhênhv)

Lơưr tsênhv qơư jix vuv, paz txưv huôv tsar kôngz nuv huyện Văn Yên, tỉnh Yên Bái, uô chủ trương hlôngr yiêz tsoz chos hâur hâux lưv chos blêx, tsênhv qơư nhiv kruôr chos siv yênhx côngz nôngz blêx ST 25. Đhâu co, krêz tơưv tsưr ziv yiêz hâur chos blêx muôx tsơưr lươngv siêz nhoz Văn Yên. Pos Nguyễn Thanh Huyền Giám đốc tsênhv qơư puz pâuz, chiv ntux yiêz shông 2022, huyện tưz chos siv 15 hecta nôngz blêx ST 25 muôx 170 ziv chuôz zis cxaz chuôz nhoz 4 xã zos Đông Cuông, Tân Hợp, Đông An, Yên Phú thiêz thị trấn Mậu A. Têx ziv chuôz zis cxaz chuôz trâur nuv tâu huyện paz 100% nôngz thiêz têx ziv chuôz zis paz hnuz côngz, qir zuôv, yuôx por vêv đrox tsuôk. Trâur nuv tâu chos sâuv liêx 2 chiv blêx, muôx cêr zaoz thôngz, đêx liv jông chiê phưx vưv tsêz chos thiêz tsoz phưz, coar lik trâur nuv./.

(DTMN-Txâur Vax cxeik nhênhv)

Hâur shông 2021, đêx nas lox tưz uô ruôr hiêv trâu jok Minh hạ 1, xã Minh Lương, huyện Văn Bàn, tỉnh Lào Cai, uô 3 lênhx nênhs trâul tuôs, iz lênhx trâul pôngz plox mông thiêz uô puôk tsuôx tas 25 luz tsêr , cuôr yôngz tas ntâu chuôz zênhx, kôngz lôngk. Đhâu trâul đêx nas uô ruôr hiêv, huyện Văn Bàn tưz qênhz shuôs thiêz muôx tsưr ziv yêik txar 5 chuôz zis nhoz jok Minh hạ 1, xã Minh Lương muk nhoz qơư truôx tuk. Taz sik txos nhiv no, luôs hâux lưv yêik txar co cux tsênhv tsi tâu fuô uô. Trơưk li zơưv Ngô Quang Trung, Chủ tịch Uỷ ban xã Minh Lương: Qir tiv zos chor chuôz zis heik sâuv tsi xar yêik txar viv thax tsav no zos qơư jông huôv tsar uô nox. Txơưv hâu nov hâur xã tưz vênhv tôngv têx chuôz zis co yêik txar muk nhoz qơư truôx tuk đuô, taz sik lơưr cux tsi yêik, 5 chuôz zis pêx xênhv nor cux six nhoz kror kuz, txơưv lơưr pâuz tiêk thax tsav co riêz nênhs./.

                                  (VOV4-Riê Lâux cxeik, nhênhv)

Thôngz sâu txix Sở zaoz zux tỉnh Sơn La tso pov, điểm chungz fênhx jiês thik cơưv tiêr cxênhx 3 nhoz tiv phaz shông no chuôz tsar 10 jiês pir đros tsêiz no. Tsênhz mênhx, shux xênhz tỉnh Sơn La li điểm chungz fênhx têx môn thik shông no tax 6, 137 điểm, chuôz ndê 0,097 điểm pir đros tsêz no. Phênhv điểm no paz Sơn La txix sơưr 59 ndê txos 49 hâur tas nro 63 tỉnh, thành nhoz tas nro têz qơưk. Jiês thik cơưv tiêr cxênhx 3 shông no, Sơn La muôx 4 môn điểm chungz fênhx siêz đuô điểm chungz fênhx tas nro têz qơưk zos Vật Lý, Hóa Học, Sinh học thiêz zaoz zux công dân. Iz cxiê môn cơưv txơưr txơưv điểm chungz fênhx siêz đuô shông 2021, taz sik tsênhv kis pir đros tas nro têz qơưk, tiv zix zos Toán, luk Anh, Lịch sử thiêz Địa Lý./.

(Lê Hạnh-Lan dịch đọc)