Hâur tsôngv box Lào li jiês tsav txênhz tir ntâuk chiê têz qơưk tâu độc lập, ntâu cán bộ, chiến sĩ txưv zênhv zos nênhs VN tưz cxaz chuôz tơưv txênhz thiêz tâu tas siv nênhx sâuv têz qơưk Lào. Txix thâuv yênhx lix lok kaz shông 1994 txos nhiv no, Tuêv côngz xưv tsov cưv Quân khu 2 uô jênhv vưv sâuv thax tsav 6 tỉnh Bắc Lào tưz xav tênhv, ntâuk grê tâu 4 cxênhz 200 têx xor mông lok nza liệt sĩ; nriêr thiêz chox lok VN zuôr xar 1 cxênhz 800 têx liệt sĩ tâu tas siv nênhx ntơưv Lào. Hâur ntu txos cheix ntux kruôr shông 2021-2022, lưx lươngv cux nriêr tâu 20 lênhx liệt sĩ li chor poz cxa chiê chox lok VN. Thiếu tướng Trần Ngọc Tuấn, Phưv chính ủy Quân khu, Tsar Ban chox kriê thiêz nriêr, xav tênhv xor mông liệt sĩ tâu tas siv nênhx quân khu 2 (Ban chox kriê 515) puz pâuz:

“Pêz tsênhv uô jênhv vưv seiz nus, uô tsâus Ban côngz xưv tsov cưv têx tỉnh Bắc Lào thiêz têx đ/c hâur Ban congz xưv tsov cưv têx tỉnh puôr lênhx tso pov siêz jông, txơưx jênhv chiê đros Ban chox kriê 515 Quân khu II thôngx ziv têx njiêz luv coaz tsôngv. Tiv zix zos yax mông đêz đar xor mông txix têx đồng chí bộ đội lâuk Bộ đội Pathet- Lào, têx lâuk jos, tsar jos, tsôngv box têx tỉnh Bắc Lào. Txix co thôngx ziv tsưr ziv phuôx huiz siêz tiv zix txơưx jênhv chiê uô 2 Đangv, 2 têz qơưk li chủ trương”./.

(VOV4-Txâur Vax cxeik nhênhv)

Tỉnh Lai Châu muôx zuôr xar iz cxênhz lênhx tuz lênhv tâu tas siv nênhx, 400 ntâu lênhx trâul moz trâul saz thiêz zuôr xar 300 lênhx trâul tsơưr tsưx da cam. Txos nhiv no, ntơưv qơư muôx zuôr xar 8 cxênhz lênhx nênhs muôx côngz têz qơưk li têx ntâuz ntơưr trơưk chei têz qơưk tâu sơưv têx chei paz; hâur têx lênhx nênhs no xar muôx 700 lênhx tâu paz tsi so. Uô lơưr ndo côngz pâux txiêx njis, ntu 2017-2021, ntơưv qơư tưz muôz têx paz hâur niêx luz hlik trâu zuôr xar 3.500 lênhx nênhs muôx côngz têz qơưk, đros thiêz têx nhiêx muôz zuôr xar 83 tyv đeiv. Iz chas co, tsưr tsix ntâu hâux lưv tsoz phưz đas jos trâu chor nênhs muôx côngz têz qơưk, nênhs muôx côngz li heik co chor nênhs hâur tsêr ; muk shuôs, muôz huv puz, paz max nhiêx txiêx uô tsêr nhoz trâu têx lênhx nênhs muôx côngz têz qơưk, nênhs muôx côngz têz qơưk li lênhx nênhs hâur tsêr sâuv thax tsav…../.

(Khắc Kiên-Riê Lâux cxeik, nhênhv)

Sở thôngz xor mông tỉnh Yên Bái đros Kênh đas jos thiêz taz por zav nox-Đaix nta suôz VN nhiv kruôr muôx têx thôngx ziv lok hâux lưv krêz uô đêz đar ứng dụng heik kriê, seiz njuôs thiêz kho moz txix đêz VOV Bacsi24 txos tsôngv box têx mênhx cxưx sâuv thax tsav. Thâuv sir zôngv ứng dụng, nênhs mo tâu heik kriê, kho moz thâuv tưs lơưr muôx zoz qơưx, nhoz qơư zuk xar nhoz; zuôr jênhv tâu paz txưv, heik kriê txix têx bác sĩ mak tsi pôngz six hơưv, nhiêx txiêx muk lok; jênhv tâu têx bác sĩ li heik kriê zênhx max thâuv zuôr trâus....Hâux lưv krêz uô ứng dụng heik kriê, seiz njuôs thiêz kho moz txix đêz no zuôr paz tsôngv box tỉnh Yên Bái tâu heik kriê, seiz njuôs moz txix têx bác sĩ txơưx tiv zix sâuv tas nro têz qơưk. Đhâu co, tsôngv box tâu pâuz txos têx y tế yiêz tiv zix đros têx phênhv nhiêx phí kis, thôngx cxix gôngr phênhv lok hâur nganhx y tế li hâux lưv hlôngr yiêz số./.

(Tuấn Xuân-Txâur Vax cxeik nhênhv)

Shông 2015, txix têx pênhr nhiêx kêr txeik tsêr nhiêx tsênhv chei xã hội thiêz chuôz zis têx nhiêx txiêx cxênhx txuôs tâu, niêv lâul Tsaz Xênhv Muôk, nhoz jok Na Lù, xã Phiêng Khoài, huyện Yên Châu (Sơn La) tưz muôz têx liêx têz uô tsi jông kôngz hlôngr chos cxuô zav tsoz chos ntông nox txir muôs tâu gri, huv đros ntơưv qơư. Txos nhiv no, chuôz zis têx liêx têz đar muôx iz ha ntâu tưz muôx 400 tsoz txir khơưz, 100 tsoz tsoz txir lưv tsiz sôngz muôx phênhv sâu tâu truôx. Iz chas ntơư, niêv lâul cux chos nzir têx tâux, poz cưk uô jâuz nox trâu têx tsiêx tu zus muôx 30 ntâu tus buô, yis, nhux đas sha mê nhuôv thiêz têx keiz ok. Txix chuôz zis tsưr ziv huôv tsar uô nox li heik sâuv, hâur 2 shông jê lok no, đhâu thâuv yưx tas têx nhiêx txiêx zuôr krâur puz, zuôr nôngz kôngz…, niêv lâul chuôz zis cux tâu liv nhos 200 tsov đeiv:

“Thâuv ntêx cur chuôz zis cux lok six txov nhêv cơưk, luz nênhx phênhv ntâu zos khov trâu uô têx kôngz thiêz ziv trâul txov đuô thâuv muôx 2 lênhx nhuôv. Seiz pov hâux lưv tu zus tsơưs têx tsiêx cxu txov nhêv, muôs tsi tâu đaz tsi, đros thiêz tsưr ziv xar, sir jos hla đhâu cêr pluôs, cur thiêz cur tus txir tưz zok nriêr cêr huôv tsar uô nox yiêz chiê muôx luz nênhx jông thiêz truôx tuk đuô”./.

(Trấn Long-Riê Lâux cxeik, nhênhv)