Têx tsênhv njiêz chor đại biểu Côx hội seiz lax ntơưv jiês cơưv tiv 5, Côx hội khóa 15 tâu cử tri cxuô heir nênhs tỉnh Sơn La moz siêz txos. Cử tri Hà Duy Thành, nhoz xã Chiềng Ngần, TP Sơn La, tỉnh Sơn La heik: Chính phủ li pov cov tso pov, kinh tế pêz têz qơưk truôx tuk, phax tir thêir tâu têx tsi jông. Taz sik, ntơưv cxuô thax tsav, hâur co muôx Sơn La, ntâu doanh nghiệp njiz trâul phiv liv hâur huiz tôngv, buôk ti têx tsêr nhiêx, tsưr tsix nhiêx txiêx li pênhr txeik, lar heik zos chor doanh nghiệp mê thiêz tov thơưx ziv njiz phiv liv đuô: “Doanh nghiệp mê thiêz tov thơưx lơưr njiz trâul phiv liv lok têx pênhr txeik, đros thiêz nhiêx nju siêz li nhiv no, doanh nghiệp ziv phiv liv đuô. Chênhr viv li, cur xar cov Côx hội, Chính phủ muôx têx chox kriê, tsưr ziv tsênhv tsênhz thiêz jông hâur tsês pênhr trâu chor doanh nghiệp kêr txeik chiê lơưr tâu buôk ti, khưx phưx huôv tsar uô nox, lax luôv; têx doanh nghiệp mê thiêz tov thơưx thiêx tsi trâul so, nduô hâux lưv viv tsi muôx pênhr li nhiv no”./.

Trấn Long-Riê Lâux cxeik nhênhv

         Nhiv kruôr đhâu, Ủy ban huyện Mườn Khương, tỉnh Lào Cai tsưr tsix jiês hênhr kruôk, khơưk kruôk trâu shux xênhz cơưv ntơưr txơưx shông 2023. Têx shông đhâu, côngz xưv zoz zux hâur huyện tror muôx ntâu hlôngr yiêz, chor nhuôs huv hnuz nhôngs  tâu tuôx tsêr cơưv ntơưr tax tâu siêz, Côngz xưv Phôv cấp zuz zux, cơưv hâur pâuk

          ntơưr tror tâu sir jos uô thiêz tax tâu siêz lok tsơưr lươngv. Tas nro huyện muôx 37/59 tsêr cơưv tax ploz tsênhr têz qơưk. Shông cơưv 2022-2023, tas nro huyện muôx 3.798 lênhx shux xênhz cơưv ntơưr txơưx, 990 lênhx thik tưr tâu hâur chor jiês thik tưr shux xênhz cơưv txơưx cxuô cấp… Ntơưv jiês khơưk kruôk, 200 ntâu lênhx shux xênhz tưz tâu Ủy ban huyện Mường Khương hênhr kruôk, khơưk kruôk; Hôiv cxơưz cxiz cơưv ntơưr huyện khơưk kruôk trâu 46 lênhx shux xênhz tax tâu giải hâur jiês thik cơưv ntơưr txơưx cxênhx oz-cxênhx pêz cấp tỉnh, shông cơưv 2022-2023./.

Báo Lào Cai-Lik hox cxêik nhênhv

           Jiês thik cơưv tiêr ntơưr lớp 12 shông no zuôr tsưr tsix txix hnuz 27-29/6, nzor đuô pir li shông uô ntêx zuôr xar 2 ciêz. Txos nhiv no, luôs hâux lưv bax trâu jiês tưr thik ntơưr co tưz tâu cxuô thax tsav qơư nhoz tỉnh tox siêz Yên Bái sir jos fuô uô, cov tâu trơưk li tsưr ziv, siêz xar. Pos Tô Thị Ánh, Phưv Giám đốc Sở Zoz zux tỉnh Yên Bái heik pâuz, txos nhiv no, ngênhx zoz zux tỉnh Yên Bái cux tưz tsưr tsix cơưv shâuv têx txux chi, tsưr ziv yuôr trâul phưx vưv tưr thik ntơưr trâu hur tiz si têx lênhx canr bôv, cưk kriê ntơưr lês uô têx hâux lưv seiz car tưr thik. Đros trâu co zos qênhz shuôs, cxaz nzir têx chuôz zênhx, qơư uz no cov muôx cxix cxuô phưx vưv uô hâux lưv tưr thik taz por truôx, trơưk cui tinhv: “Ngênhx zoz zux hux jos đros têx cơ quan yax xa mông, yax kriê têx hlôngr yiêz hâur jiês tưr thik cơưv tiêr ntơưr lớp 12 chiê shux xênhz li niêv txir thiêz sơưr đơưk pâuz tsênhz, thôngx ziv, chor shux xênhz bax tâu jông têx txux chi, sir jos tưr thik tâu ntơưr”./.

An Kiên-Riê Lâux cxeik, nhênhv

              Hnuz 29/5, Tòa án tỉnh Điện Biên piz xét xử txuz anr ruôr hiêv jôngr ntơưv trôngz Pha Đin, nhoz xar Tỏa Tình, huyện Tuần Giáo, tỉnh Điện Biên. Tòa piz xét xử 5 lênhx nênhs. hâur txuz anr no, Trần Duy Tuấn (zus shông 1982), nhoz Tiểu khu 5, thị trấn Hát Lót, huyện Mai Sơn, tỉnh Sơn La zos nênhs sơưr thơưx thiêz đros Trương Văn  Cường (zus shông 1988), nhoz thị trấn Hậu Lộc, huyện Hậu Lộc, tỉnh Thanh Hóa kriz uô txiêr ntông tsik zos chêi; Đinh Văn Cường (zus shông 1963), nhoz thị trấn Tuần Giáo, huyện Tuần Giáo, tỉnh Điện Biên (Kuz Hạt trưởng Hạt Kiểm lâm huyện Tuần Giáo), Lầu A Dùa (zus shông 1978) nhoz jo Hua Sa B, xar Tỏa Tình, huyện Tuần Giáo, tỉnh Điện Biên (kuz Chủ tịch xar Tỏa Tình) thiêz Phạm Duy Nguyện (zus shông 1988), nhoz phường Thanh TRường, thành phố Điện Biên Phủ, tỉnh Điện Biên zos chor nênhs uô hâux lưv, muôx vax huôv jênhv pâuz tsênhz thax tsav jôngr tâu cêv kuôk zos jôngr phax phưv zos têz qơưk uô tsưr tsuv uô ntâuz ntơưr thor txiêr ntông đros Ủy ban tỉnh Điện Biên, taz sik viv kror liv cux tso chêi kriz uô ntông thâuv tsik tâu muôx cấp muôx vax huôv tso chêi, thôngx cxix, sik đros uô ciês têx hâux lưv co-zos uô cxâuv txos cui tênhv lok sêiz car por vêv jôngr. Lơưr tsưr ziv, tòa anr zuôr muôz tik cêr cxâuv trâu hnuz 30/5./.

Vũ Lợi-Lik Thox cxêik nhênhv