Hội Liên hiệp pox niêv huyện Sìn Hồ, tỉnh Lai Châu nhiv no muôx 180 ntâu chi hội, 16 cxênhz ntâu lênhx pox niêv vir ndâuk, hâur co 95% zos heir nênhs tsơưs. Pos Lâm Bích Hiến, Phưv chủ tịch Hội Liên hiệp pox niêv huyện heik pâuz: Chiê têx pox niêv vir ndâuk jux juk hlôngr yiêz tsưr ziv, siêz xar, sir jos hla đhâu phiv liv, têx shông đhâu, cxuô cấp hội tưz yax kriê chei pox niêv txir nênhx vax huôv siz luôs têx tsênhv njiêz txos sơưr đơưk pâuz txos. Tsênhv njiêz yax kriê phênhv ntâu zos lok sâuv ntâuk tsiv chuôz zis, cxiv tsa chuôz zis vênhx huôv, chuôz zis huôv tsar, tsâu sor: “Hội LHPN huyện Sìn Hồ cux tưz fuô uô têx hâux lưv chiê cxiz pox niêv txir nênhx vax huôv siz luôs hâur cxuô cêr nuv. Pêz tưz tsưr tsix yax kriê, gra siêz tsưr ziv jênhv pâuz lok pox niêv txir nênhx vax huôv siz luôs trâu canr bôv, hội viên pox niêv thiêz pêx xênhv hâur thax tsav. Iz chas ntơư, tsưr tsix têx khóa cơưv cxaz txux chi lok sâuv cêr uô nênhx jông, uô trơưk chei têz qơưk chiê chor pox niêv vir ndâuk huôv tsar thiêz sir jos đuô hâur luz nênhx”./.

Khắc Kiên-Riê Lâux cxeik, nhênhv

            “Sik côngv siêz- xar njôngr- xar tơưv jông- huôv tsar” zos njiêz luv Đại hội teiv plor Hội liên hiệp hluôk nênhs VN tỉnh Điện Biên jiês tiv 6, six cxiv 2024-2029 tsưr tsix hâur 2 hnuz 28-29/10.

          Hâur six cxiv đhâu, Hội liên hiệp hluôk nênhs VN tỉnh Điện Biên tưz krêz uô ntâu huôx tôngv tax chês cuk jông. Tiv zxĩ zos heik kriê hâux lưv uô, kriê cxaz hâux lưv uô…trâu 5 cxênhz ntâu lênhx nênhs lox tôngv hluôk nênhs; tsưr tsix seiz njuôs moz, muôz yuôx tsi zuôr nhiêx txiêx trâu 15 cxênhz ntâu lênhx tsôngv box; txưv zênhv tso nyar jông siêz tâu 15 cxênhz taz viv nyar; 100% hội liên hiệp hluôk nênhs cấp xã, phường, thị trấn cxiv tsa tsơưs tiv zix 1 trâur nuv paz hluôk nênhs jông…

            Six cxiv zuôr txos, Hội liên hiệp hluôk nênhs VN tỉnh Điện Biên tso tơưv tsưr ziv tsưr tsix Hội huôv tsar lok siêz xar chính trị thiêz sik côngv siêz, cxiv tsa tênhx qơư chiê hluôk nênhs huôv tsar tas nro lok siêz xar, đas jos…Đrâuv co zuôr phuôx huiz hluôk nênhs li pưs txux hâur têx huôx tôngv uô ntêx nyuôk, txưv zênhv, xar tơưv chiê gôngr phênhv cxiv tsa thiêz por vêv têz qơưk. Hâur khôngz qiv jênhv chuv, shir phaz, đại hội tưz bo xeir 41 lênhx hluôk nênhs cxaz chuôz UB Hội khóa 6, tix lâuk Mùa Chiến Thắng, Phưv Bí thư tỉnh đoàn Điện Biên tâu bo xeir uô Chủ tịch Hội liên hiệp hluôk nênhs VN tỉnh Điện Biên khóa 6./.

Vũ Lợi-Txâur Vax cxeik nhênhv

             Ntơưv jiês cơưv chuyên đề tiv 24, HĐND tỉnh Sơn La tas cik hnuz 29/10, chor đại biểu tưz thôngx ziv thôngz đhâu Nghị quyết phênhz nhiêx txiêx txix T.Ư thiêz têx tỉnh paz max chiê cxiv kho têx tsi jông tiv trâus đêx nas uô ruôr hiêv hâur thax tsav shông 2024.

             Chiê paz tsôngv box thax tsav trâus đêx nas uô ruôr hiêv nzor cxiv kho têx tsi jông li heik sâuv, jux juk truôx tuk luz nênhx, huôv tsar uô nox uô hnar, T.Ư thiêz ntâu tỉnh, TP hâur tas nro têz qơưk tưz paz tâu zuôr xar 32 tyv đeiv trâu Sơn La. Đhâu thâuv lênhk txeik tâu têx nhiêx txiêx sơưr đơưk paz tuôx co, Ủy ban tỉnh Sơn La tưz heik trâu HĐND tỉnh cir ntơưr, phênhz muk paz trâu cxuô huyện, TP cxiv kho têx tsi jông tiv trâus đêx nas ruôr hiêv. Zơưv Nguyễn Thái Hưng, Chủ tịch HĐND tỉnh Sơn La heik mênhx: “Têx Nghị quyết tâu thôngz đhâu chiê fuô uô tâu jông, đơưk têx phiv liv lok truôx tuk xã hội, côx phax, taz por pênhr jos yưv pênhr uô thiêz nzor truôx tuk luz nênhx trâu tsôngv pêx xênhv đhâu coz nas chuô sôr 2, sôr 3 uô ruôr hiêv thiêz fuô uô jông têz qơưk têx tsaz yênhx hâur thax tsav./.

Trấn Long-Riê Lâux cxeik, nhênhv

              Txix nhiv no txos hnuz 15/11/2024, Tsênhv qơư seiz car moz uô côngz xưv hâuk yuôx tuô chaz trâu shux xênhz cxênhx 1 jiês 2 thiêz pox niêv hâur hov hnuz nhôngs xênhz zus nhuôk (15 txos 45 shông) sâuv thax tsav tỉnh Lào Cai.

          Tsaz yênhx tâu uô taz por tsưr ziv 100% shux xênhz cxênhx 1 hâur têx tsêr cơưv nhoz têx xã, 100% têx pox niêv nhoz hov hnuz nhôngs xênhz zus nhuôk tâu thôngz xor mông lok qir tiv uô hiêv, têx tsưr ziv phax tar moz chaz thiêz liv zix hâux lưv hâuk yuôx tuô chaz; 95% ntâu shux xênhz cxênhx 1 thiêz 90% ntâu pox niêv nhoz hov hnuz nhôngs xênhz zus nhuôk tâu hâuk yuôx tuô chaz.

          Hâuk yuôx tuô chaz trơưk six hơưv zos hâux lưv uô zuôr trâus chiê paz muôx jông đas jos. Tsi taz li ntơưv, hâux lưv hâuk yuôx tuô chaz tsênhv paz phax tar têx zav moz tiv chaz thiêz luz chêr xâuk tâu têx tsơưr pưr jông đuô./.

VTV-Txâur Vax cxeik nhênhv