Ntơưv thành phố Sơn La nhiv no chor nênhs trâus moz Covid-19 yiêz tưz tâu txo grêk tsơưs ntâu, kuôk no 10 hnuz xav luz đraz mak muôx 500-900 lênhx nênhs trâus moz iz hnuz, nhiv no tưz grêk txos muôx 200 lênhx nênhs iz hnuz xưz. Lơưr co, txix hnuz 28/3, chor tsêr cơưv ntơưr sâuv thax tsav thành phố Sơn La tưz chiê shux xênhz tror tuôx tsêr cơưv chiê cơưv ntơưr. Lơưr Phongx Zoz zux thành phố Sơn La li thôngz sâu, đhâu iz ntu cơưv online, 18.800 ntâu shux xênhz tưz tror tuôx cơưv ntơưr, tax tâu muôx 70% ntâu; hâur co, nhoz têx tsêr cơưv nhuôs zâu zuôr xar 40%, cxênhx iz xar muôx 80% thiêz cxênhx oz zos 86%. Nganhx Zoz zux thành phố Sơn La hêik chor tsêr cơưv ntơưr tror sir jos yax kriê, uô truôx jông têx cui tênhv lok phax, tar caz moz. Bax tsưr ziv zoz zux chiê phax tar zos muôx  yưv têx phiv liv hâur ntu shux xênhz tror tuôx cơưv ntơưr. Cưk kriê Nguyễn Thị Quế, Nênhs sêiz car tsêr cơưv cxênhx iz Chiềng Lề, thành phố Sơn La puz pâuz:

“Chiê taz por tâu txux chi trâu chor shux xênhz, pêz zuôr chuôz cxax six hơưv kriê trâu iz cxiê môn cơưv chênhr txix 10-15 phênhz. Têx txux chi chênhr mak zuôr tâu kriê nzir trâu zar hnuz kêix, chiê paz muôx nzir txux chi trâu chor shux xênhz, paz trâu chor shux xênhz pâuz ntâu đuô têx ntơưr cơưv hâur tsaz yênhx cơưv. Đros chor shux xênhz tsuv cêv kuôk mak tsêr cơưv hêik cưk kriê ntơưr sêiz car kriê ciês ntơưr đros trâu kriê trực tuyến ciês hâur six hơưv kriê ntơưr pêv tsêr lớp”./.

(Lê Hạnh-Lik Thox cxêik nhênhv)

  Xor mông txix Sở vênhx huôv, thiv thao thiêz ju lix Lai Châu, hâur quý I, tiv phaz tưz tos zuôr xar 153 cxênhz jiês kruô tuôx ndis shuôk uô si, chêx chôngk nhoz têx tsưr ziv ju lix côngv thôngx, ndis shuôk trôngz jôngr ntông, muk ndê trôngz... đros tas nro phênhv sâu tax 136 tỷ đeiv ntâu. Zơưv Trần Quang Kháng, Phưv giám đốc Sở vênhx huôv thiv thao thiêz ju lix Lai Chai puz pâuz: Chiê nhoz uô nênhx shưv đros moz Covid-19, txix ciês hâur shôngk shông 2022, nganhx tưz seiz car têx qơư nox so thiêz têx qơư phưx vưv jix vuv ju lix chiê bax cxuô zav, taz por phax tar moz. Thôngx cxix, têx taz viv cux tưz sik côngv đros chiz coaz muôx txơưx jênhv qênhz yuôx, seiz car têx huôx tôngv kinh doanh jix vuv, taz por têx jông tiv zix chiê tos kruô:

“Pêz tưz chêx chôngk muôz siêz tsơưr lươngv thiêz heik kriê, cxơưz cxiz ju lix, tiv zix zos zôngv công nghệ thôngz xor mông hâur hâux lưv cxơưz cxiz tỉnh li ju lix. Tiv 2 zos chuôz tsar sik côngv hâur huôv tsar ju lix, hâur co tsov cưv krêz uô têx huôx tôngv sik côngv hâur huôv tsar ju lix 8 tỉnh Tây Bắc krêz đar đros TPHCM thiêz Hà Nội”./.

(K.Kiên-Txâur Vax cxeik nhênhv)

  24 công nhân tsêr mêir đêx tênhv Mây Hồ cik txos txuz hâux lưv siz char đros pêx xênhv hnuz 14/3 ntơưv jok Lủ Khấu, xã Ngũ Chỉ Sơn, thị xar Sa Pa, tỉnh Lào Cai nhiv kruôr trâus khởi tố chiê qênhz yuôx, xưv lik. Xor mông qênhz yuôx xuz thơưx puz pâuz, chor nênhs zos Hoàng Quang Chương (zus shông 1979, nhoz ntơưv tôv 12, phường Cốc Lếu, thành phố Lào Cai) sơưr thơưx. Chương tâu công ty TNHH MTV cxiv tsa An Phú (nhoz ntơưv sôr 788, cêr Điện Biên Phủ, phường Phan Si Păng, thị xã Sa Pa) zos taz viv uô tsêr mêir đêx tênhv Mây Hồ ntiêr chiê por vêv công trường, đros gri zos 200 triệu đêiv (piz txix trâus pêx xênhv tir thêir tsik khênhr uô tiv tsik tâu thôngx ziv pâux nzir 3 luz pak njel hồi njiz trâus phiv liv txix chor đêx). Đhâu co, Chương thiêz Chương chor nênhs ntiêr 2 luz yêz ô tô muk trâu thax tsav tsêr mêir đêx tênhv Mây Hồ gra đros iz chor car kuôr hlâu chiê tir thêir tsik khênhr pêx xênhv tuôx trâu hâur thax tsav uô tsêr mêir đêx tênhv. Thâuv tir thêir, Chương chor nênhs tưz zôngv chor car hlâu co đros pêx xênhv siz ntâuk. Uô trâu 17 lênhx pêx xênhv thiêz Chương tos li 9 lênhx nênhs trâus saz, 1 luz yêz ô tô trâus puôk tsuôx./.

(An Kiên-Lik Thox cxênhv nhênhv)

Phongx cảnh sát hình sự, Công an tỉnh Lai Châu nhiv kuôr đros Công an huyện Phong Thổ, tỉnh Lai Châu ntês tâu 2 lênhx nênhs cxênhx tsês thiêz sir zôngv nhiêx txiêx chuôr, sâuv tâu 28 cxênhz nhiêx Trung Quốc chuôr, bâuv muôx nhos 100 tsov đeiv ntâu nhiêx VN đros iz cxiê chuôz zênhx thiêz ntâuz ntơưr muôx lênhx coaz. 2 lênhx nênhs no zos Sài Xênhv Zax 39 shông thiêz Da Xênhv Zax 50 shông, puôr lênhx nhoz jos Sàng Sang, xã Mù Sang, huyện Phong Thổ tsênhv gra nhiêx txiêx Trung Quốc chuôr muk muôs. Ntơưv chiz coaz qênhz yuôx, Sài Xênhv Zax thiêz Da Xênhv Zax  jênhv no zos nhiêx txiêx Trung Quốc chuôr tâu zuôr chox muk muôs chiê sâu liv, tsênhv chox muk muôs txơưv trâus lưx lươngv muôx txơưx jênhv pov. Da zos Sài tul txir nzơưv. Hâux lưv no tsênhv tror tâu chiz coaz muôx txơưx jênhv tror qênhz yuôx uô cov tsênhz mênhx./.

(K.Kiên-Lan dịch đọc)