Zar hnuz keix hnuz 29/5, Thủ tướng chính phuv Phạm Minh Chính thiêz Chính phuv li đoàn côngz xưv muôx jiês uô hâux lưv đros Ban thường vụ Tỉnh ủy Sơn La lok chêx cuk huôv tsar kinh têr xã hội, taz por côx phax txiv ngaz, cxiv tsa cxix luôk chính trị shông 2021. Phuôx plov ntơưv jiês uô hâux lưv, Thủ tướng Chính phuv Phạm Minh Chính heik mênhx iz cxiê tsưr ziv lox đros Sơn La ntu zuôr txos, zos tsuv huôv tsar seiz taz sik truôx vênhs, huôv tsar kinh têr njuôz, kinh têr số; tror cxơưz tiês hlôngr yiêz kinh têr sâuv têx yênhx tix tưz tax tâu lok kôngz nuv; huôv tsar ju lix reik đros tuôr tsês vênhx huôv chax chês. Xar njôngr tỉnh sik côngv siêz hla đhâu têx phêv liv, chêx chôngk pênhr jos car chêx têx tsi tâu uô tâu, têx vênhv thix tâu thav ntơưv jiês uô hâux lưv, Thủ tướng njênhs njôngr tỉnh zuôr uô tâu, uô jông hâur têx shông zuôr txos, chiv chir sir tas đas jos cov zuk têz qơưk huôv tsar jông./.                        

(VOV-Txâur Vax cxeik, nhênhv)

Đhâu iz shông sir jos huôv tsar uô trâu 10 luz xã nhoz thax tsav txov nhêv tỉnh Laox Cai, chor chuôz zis pluôs tưz txo grêk tsơưs lơưv jux juk. Viv tsôngv pêx xênhv hêir nênhs tsơưs nhoz thax tsav tox trôngz siêz, cưx ha toz, cêr muk lok phiv liv thiêz tsik so trâus ntux têz uô ruôr hiêv.

Xav tâu truôx huôv tsar uô kôngz lôngk, chos shôngz ntông, zos iz luôs hâux lưv uô txo grêk yêiz pluôs nhoz 10 luz xã hêik sâu thiêz ngênhx kôngz nuv tỉnh laox cai tưz đros hâu nov ntơưv qơư uô huv đros. Hur si têx pênhr nhiêx muôz paz huôv tsar uô zos 54 tỷ đêiv thiêz tâu fuô uô txix ntu 2021-2025./.

                              Tsu cxêik nhênhv-DTMN -Chia BT

Tsêr kho moz plơưr Hà Nội thiêz tsưr tsix phi chính phuv Mỹ côngv đros Cuiv pov tsở mê nhuôs zâu tỉnh Lai Châu nhiv kruôr tsưr tsix njuôs shuôk moz plơưr tsi zuôr nhiêx txiêx trâu 2 cxênhz ntâu lênhx mê nhuôs sâuv thax tsav. Lơưr co, côngz xưv njuôk shuôk tâu tsưr tsix ntơưv 2 qơư zos huyện ntus đriv Mường Tè thiêz tsêr kho moz đa khoa tỉnh Lai Châu. Lênhx nênhs tâu seiz njuôk jiês no zos mê nhuôs mos txos chor mê nhuôs 16 shông, muôx zoz qơưx seiz njuôk shuôk moz plơưr lok sik tưz tâu seiz njuôk moz ntơưv qơư y tế tiv phaz, njuôk xav trâus moz plơưr; mê nhuôs tưz tâu fuô moz, kho moz plơưr têx shông tov ntêx. Đhâu 2 hnuz tsưr tsix seiz njuôk, têx y, bác sĩ Tsêr kho moz plơưr Hà Nội tưz pov muôx 60 ntâu lênhx mê nhuôs trâus moz plơưr, zuôr xar 20 lênhx tsuv fuô moz. Têx mê nhuôs no zuôr tâu fuô hâur six hơuv nzor tiv zix./.

(K.Kiên-Txâur Vax cxeik nhênhv)

Trơưk li njuôk xav, hnuz no thiêz cax ntus, sâuv thax tsav tỉnh Yên bái cux tsênhv zuôr muôx ntux nas lox, zôngx ziv uô trâu tox poz, đêx nas cuôr yôngz.

Chênhr zos muôx yưv têx tsik jông hêik sâu, Ban sêiz car tir thêir, chơưv paz lênhx nênhs nhoz Yên Bái tưz hêik trâu hâu nov cxuô tsênhv qơư tso tơưv cxuô faz tsưr ziv tir thêir tsik chiê nas chuô uô ruôr hiêv txos tsôngv pêx xênhv sđ luz nênhx nhox nhoz muk lok hâur niêx hnuz. Zơưv Vũ Đức Trung, phưv chủ tịch uỷ ban thị xã Nghĩa Lộ, tỉnh Yên Bái hêik pâuz: “Uỷ ban thị xã tưz chox car cxuô cơ quan, uỷ ban cxuô xã, tsuv uô truôx jông cxuô faz tsưr ziv tir thêir tsik chiê nas chuô uô ruôr hiêv txos lênhx nênhs thiêz chuôz zênhx chuôz tav, kôngz lôngk”

Tsu cxêik nhênhv-Thừa Xuân-Chia BT

Công an huyện Điện Biên Đông, tỉnh Điện Biên nhiv kruôr lov lik côngv đros têx taz viv muôx txơưx jênhv hâur tỉnh ruôr yênhx côngz chuyên án 522D, ntês tâu Juôs Xênhv Zax xênhz shông 1992 nhoz jos Tồng Sớ, xã Pú hồng, huyện Điện Biên Đông viv muôv muôs zax zênhz. Chuôz zênhx sâu tâu muôx 2 đeiv zênhz đơưz, 12 cxênhz njiêr zax zênhz shơư yuôx, 1 luz yêz meir thiêz 1 traz triêv. Thâuv trâus ntês cxovm Juôs tưz zôngv triêv sir jos tir ntâuk lưx lươngv công an. Taz sik đros chinhz yênhx truôx siêz ntês cxov nênhs phamv cxâuv, tuêv côngz xưv tưz ntês tâu Juôs. Nhiv no Juôs thiêz chor chuôz zênhx sâu tâu tưz tâu Công an huyện Điện Biên Đông choz trâu phongx cảnh sát qênhz yuôx nênhs phamv cxâuv lok zax zênhz Công an tỉnh Điện Biên chiê tror tơưv txênhz krêz đar qênhz yuôx, yưr lir trơưk pháp luật li cui tênhv./.

(Vũ Lợi-Txâur Vax cxeik, nhênhv)