Nhiv kruôr đhâu, ntơưv tỉnh Sơn La tsưr tsix ntênhs phuôx tôngv Tsiêz chos ntông hâur shông yiêz Mir shông 2023. Ntơưv ntênhs, zơưv Nguyễn Hữu Đông, Ủy viên T.Ư Đảng, Bí thư Tỉnh ủy Sơn La đros hâu nov tỉnh, cxuô sở, ban, ngênhx, đoanx thêv tưz chos zuôr xar 80 tsoz ntông pax lâus trơưk 2 saz ntus cêr txox cêr 6A, jok 1, phường Chiềng Cơi, TP Sơn La. Hâur shông 2023, tỉnh Sơn La sir jos chos xar muôx 300 cxênhz tsoz ntông uô nzôngr nzông, 2 cxênhz ha ntông uô jôngr; tsưx phưv 690 cxênhz ntâu ha jôngr ntông; sir jos cov têx shôngz ntông njuôz vor tox trôngz câuv har hâur Sơn La tsar ndê tax 48%. Zơưv Nguyễn Thành Công, Phưv Chủ tịch Ủy ban tỉnh Sơn La heik pâuz: “Chos ntông hâur shôngk shông yiêz zuôr paz chuôz tsar Sơn La têx jôngr ntông, txix co tỉnh zuôr uô jông đuô, huôv tsar têx tsaz yênhx dưv anr chos têx yuôx đrox njuôz hâur xuz jôngr, chos cxaz nzir jôngr ntông, hu zâuv têx dưv anr yưv pênhr lok sâuv chos jôngr”./.

VOVTB-Riê Lâux cxeik nhênhv

Hâur ntu kriz uô gra siêz cêr uô nênhx nhoz shir phaz trâu pêx xênhv, tỉnh Yên Bái tưz muôx iz cxiê tsưr ziv uô jông, tsênhv tsênhz, li: 100% jêx jok cxiv tsa tâu 500 ntâu câu lạc bộ “Chuôz zis shir phaz”; tsưr ziv “Jêx jok shir phaz” ntơưv chor thax tsav qơư nhoz tox siêz cux tâu kriz uô siv thiêz tưz pov uô tâu jông; nganhx Y têr kriz uô phongz yaox sik tưr “Bác sĩ sir jos, moz siêz uô hâux lưv, nênhs moz shir phaz” ntơưv tas nro têx qơư y têr; canr bôv, công nhân viên chor cơ quan, taz viv cux sir jos cxiv uô qơư uô hâux lưv jông, shir phaz… Hâur zoz zux, zơưv Vương Văn Bằng, Giám đốc Sở Zoz zux tỉnh Yên Bái puz pâuz, đhâu sir jos uô phongz yaox sik tưr cxiv tsa “Tsêr cơưv ntơưr shir phaz”, “Lớp cơưv shir phaz”, txos nhiv no, tas nro tỉnh tưz muôx 165 tsêr cơưv tax ploz tsênhr “Tsêr cơưv shir phaz”…/.

(TTTB-Lik Thox cxêik nhênhv)

Nhiv kruôr đhâu, chôngz lênhx ntâu tus pêx xênhv thiêz kruô ndis shuôs têz qơưk uô si siz zâuv tuôx trâu đras liêx ntơưv xã Mường Cang, huyện Than Uyên (Lai Châu) chiê đros côngv nênhs Poz Ziz cêr lov jêv Lùng Tùng (lok zos ntênhs hội sik đros muk uô liêx têz). Chei uô co muôx 2 ntu: Iz zos uô têx cxênhx cxênhv chei đaz kruôs, 2 zos nthuôr uô cêr lov jêv. Đhâu uô têx chei li: Txi đaz xênhz têz xênhz qơư, car đêx car ar….tas, zuôr qir nthuôr uô lov jêv ntâuk đruôl, siz zâuv đhiê pax vuôk uô si. Đhâu hlo co, têx lênhx hlôngr njêx muôs hâu nov ntơưv qơư đros pêx xênhv hâur jok muk hâur liêx têz lêix liêx, tsêz chos kôngz, krêz iz shông yiêz uô tâu nox tâu hâuk, kôngz lôngk uô sâu tâu nju, pêx xênhv sơưr đơưk nhoz khax kha tsi muôx moz gênhk. Pêx xênhv thiêz têx lênhx kruô đros côngv uô têx cêr lov jêv li: Lêiv poz, ntâuk tik keiz, tuô hnênhr, ntâuk los txir toz, siz truz hluô, sik lâuz pak……/.

DTMN-Riê Lâux cxeik, nhênhv

Suôv câuv jiês so tsiêz Têz qơưk Mir shông 2023, Sở Du lịch Lào Cai puz pâuz, chor kruô tuôx Lào Cai ndê 160% pir li six chênhz tsêiz no (ndê 98.000 lênhx kruô), tax tâu muôx 255.013 lênhx, hâur co muôx 3.056 lênhx kruô ntiêx têz thiêz 251.957 lênhx kruô hâur têz qơưk. Ciês ntơưv Qơư du lịch têz qơưk Sa Pa, tas nro chor kruô du lịch hâur têz qơưk thiêz ntiêx têz tuôx trâu Sa Pamuôx 88.800 lênhx, ndê 3.500 lênhx pir li Tsiêz shông 2022. Hâur co, chor kruô ntiêx têz muôx 2.316 lênhx. Tas nro phênhv sâu txix dịch vụ du lịch njuôk xav tâu muôx 305 tiv đêiv./.

(VOV4-Lik Thox cxêik nhênhv)