Jiês cơưv chuyên đề tiv 23 tsưr tsix têis cik 2/10, Hôiv đôngx tỉnh Sơn La khóa 15, ntu 2021-2026 tưz thôngz đhâu nghị quyết kho đuô tsưr ziv yưv pênhr côngz ntu 2021-2025 phênhv cxaz nzir txix nhiêx txiêx têz qơưk tỉnh. Lơưr co, tỉnh Sơn La tưz kho đuô 70 tiv đêiv ntâu tsưr ziv pênhr choz uô têx dưv anr tsik tâu zov chênhr, kriz uô paz trâu doanh nghiệp, hợp tác xã yưv pênhr trâu kôngz nuv, jêx jok tsik tâu muôx têx paz… chiê muôz phêiz trâu 5 dưv anr yưv pênhr côngz sêi đrơưv kho đuô têx trâus ntux nas chuô, đêx ngaz cuôr ruôr hiêv shông 2024./.

Thùy-Hạnh-Lik Thox cxêik nhênhv

          Txix têx trâus ruôr hiêv tiv coz nas chuô số 3 txos nhiv no, ntơưv niêv đrôngs Lào Cai, tỉnh Lào Cai pov muôx ntâu qơư ar poz, tsi taz por uô ntâu ziv chuôz zis tsuv txar qơư nhoz, lav xênhz huôx hâur têx tsêr tax tsi pâuz txos thâuv tưs thiêx car chêix tâu chiê tror ngaz tus luz nênhx. 53 zivc huôz zis nhoz phố Tùng Tung, phường Nam Cường, TP Lào Cai tiv zix zos 17 ziv chuôzz is nhoz ciês cêr yuôv Trần Phú 3 ciêz ntâu no tsuv txar qơư nhoz viv pov muôx ntâu caz ar xưz poz lox uô ntâu luz tsêr trâus poz vâu, muôx têx luz tsêr nhiv kruôr tâu cxiv tsa cux keix tas iz saz. Niêv lâuk Thàn Thị Vững, nhoz tuêv 12, phường Nam Cường pheiz kênh: “Tsi muôx qơư nhoz, phường lav tso lok nhoz ntơưv tsêr vênhx huôv, cux phêv liv, tsi pâuz uô li chas thiêz”./.

An Kiên-Txâur Vax cxeik nhênhv

           Lok nas lox tsik so hâur têx hnuz đhâu tưz uô ar xưz poz, muôx têx caz xưz jơưx trôngz ntơưv xar Hoang Thèn, huyện Phong Thổ, tỉnh Lai Châu, ntêr xar muôx 60-100 thiêr, caz xưz jơưx đar muôx iz đok txos oz đok ntau; qơư xưz jơưx nhoz sâuv kâuv cêr kuôk txox cêr 12 xar muôx 30-40 thiêr. Hlôngr njêx muôs xar Hoang Thèn, huyện Phong Thổ puz pâuz, zos caz xưz jơưx no trâus poz mak zuôr uô phiv liv txos txox cêr 12, ntu txix cêik cêr 14+700 txos cêik cêr 14+900, txox hluô tênhv 35 kv thiêz iz ziv chuôz zis uô nênhx nhoz zar đrav kaz. Ciês pov muôx caz xưz jơưx, Ban sêiz car phax tar ntux têz ruôr hiêv thiêz zok nriêr cơưv paz huyện Phong Thổ tưz hêik ziv chuôz zis uô nênhx nhoz đrav kaz txar thiêz njêis têx chuôz zênhx chuôz tav muk đhâu kror qơư phiv liv; đros co zos chox kriê taz viv sêiz car tsưr tsix rêik fiêx hêik trâu lênhx nênhs thiêz têx yêz cxaz chuôz zoz thôngz muk lok đhâu sâuv txox cêr no pâuz./.

Khắc Kiên-Lik Thox cxêik nhênhv

             Hnuz 30/9, ntơưv tsêr cơưv phổ thôngz mênhx cxưx bán trú cxênhx 1 thiêz cxênhx 2 Nậm Khánh, huyện Bắc Hà, tỉnh Lào Cai pov muôx 13 lênhx nênhs trâus moz khâuz thuôk A. Hnuz xiêz 1/10 tsêr kho moz đa khoa huyện Bắc Hà đhâu njuôs siv pov muôx 3 lênhx trâus moz khâuz thuôk A, 5 lênhx trâus moz khâuz thuôk B. Nhiv no têx lênhx nênhs no tsênhv tâu seiz shuôk, kho moz, cêv kuôk, tsi sâu jênhv cxaz têx moz yưv hnhar. Têx taz viv y tế huyện Bắc Hà thiêz Bảo Yên cux tsênhv qênhz yuôx njuôs siv moz ntơưv qơư nênhs moz nhoz uô nênhx, pov nzor lênhx nênhs trâus moz, qơư huôv xênhz moz zos muôx./.

VTV- Txâur Vax cxeik nhênhv