Têx hax huv xuz thơưx muôs trâu luôs 2 chas têz qơưk hâur shông 2023 nhiv kruôr tâu fax thâux muk đhâu trôngx đriv Ntiêx têz cêr ar sôr II Kim Thành, tỉnh Lào Cai lok tas cik hnuz xiêz 01/01. Co zos iz kro jông tso pov luôs hâux lưv zuôr muôs xiv huv trâu luôs 2 chas thax tsav zuôr muôx ntâu têx jông hâur shông 2023.

     Shông 2022, tiv muôx moz gênhk uô tuôr thênhv txos, hâux lưv zuôr muôs xiv huv trâu luôs 2 chas têz qơưk đrâuv njiz trâul phiv liv. Gri têx hax huv muôs trâu saz têz qơưk đrâuv hâur shông 2022 njuôk xav tax 2,2 tyv ntâu USD, bâuv iz đraz pir li tsưr ziv tso tơưv.

      Hâur shông 2023, tỉnh Lào Cai tso tơưv tsưr ziv, têx xiv huv muôs trâu luôs 2 chas thax tsav, têz qơưk đrâuv tax 5 tyv USD, ntâu đuô 2 jiês pir li shông 2022. Chiê uô tâu têx li heik co, tỉnh Lào Cai tsênhv cxiz sei cxiv tsa têx côngz trênhx li: Qơư trâu yêz nhoz đrêk, hu zâuv doanh nghiệp yưv pênhr uô….chiê taz por côngz fênhx, tsênhz mênhx; truz lur six hơưv, hnuz nhôngs têx yêz thâux xa hax huv nhoz tok chiê tâu muk lol đhâu Trôngx đriv ntiêx têz cêr ar sôr II Kim Thành./.

(VTV-Riê Lâux cxeik-Lik Thox nhênhv)

     Txơưv tox siêz, ntus đriv tsênhv yuôr ntâu phêv liv, taz sik đros tas nro cxix luôk chính trị li sir jos, tsaz yênhx têz qơưk cxiv tsa nôngx cxênhz yiêz ntơưv huyện Mường Tè, tỉnh Lai Châu muôx ntâu hlôngr yiêz jông. Jêx jos hlôngr yiêz ntâu, tsôngv box luz nênhx yênhx trus tâu muôz siêz. Taz sik ntơưv ntâu xã, thax tsav tox siêz, thax tsav tsôngv box mênhx cxưx tsơưs nênhs txov nhêv li Cống, Mảng, La hủ, Si La....tsôngv box tsênhv phêv liv lok uô ploz tsênhr phênhv sâu, ziv chuôz zis pluôk, tênhx qơư, vênhx huôv....Zơưv Đao Văn Khánh, Chủ tịch Ub huyện Mường Tè, tỉnh Lai Châu puz pâuz: “Huyện tsênhv yuôr ntâu phêv liv, tsôngv box luz nênhx tsênhv txov nhêv, viv li KTXH tsi tâu huôv tsar. Viv li, thix ziv êx cấp, têx nganhx tror tsov cưv muôz pênhr jos chiê paz trâu huyện tror chox kriê krêz uô tsaz yênhx cxiv tsa nôngx cxênhz yiêz sâuv thax tsav”./.

(Vũ Lợi-Txâur Vax cxeik nhênhv)

      Nhiv kruôr đhâu ntơưv jok Tả Chải, xã ntus đriv Sì Lở Lầu, huyện Phong Thổ, tỉnh Lai Châu tưz nthuôr uô tsaz yênhx “Cheix ntux yiêz-Tuz lênhv Pênhz phax đros tsôngv box uô têx nuv jông siêz”. Tsaz yênhx zos Bộ chỉ huy Bộ đội Pênhz phax tỉnh Lai Châu đros Hội chữ thập đỏ thiêz huyện Phong Thổ tsưr tsix chiê ndo tsôngv box cxuô heir nênhs ntơưv qơư li côngz đas jos sik đros seiz car, tsưx phưv đriv têz.

     Tsaz yênhx tsưr tsix đros ntâu hâux lưv muôx liv li: Nthuôr uô cêr lov jêv, pêx xênhv xã Sì Lở Lầu đros chor tuz lênhv pênhz phax krưr nduôr nzâuv puôz puz trâu chuôz zis pluôs, tsưr tsix “têx hax huv tsi zuôr nhiêx txiêx” chiê pêx xênhv xeir tsov bax trâu hnuz tsiêz thiêz seiz njuôk shuôs moz tsi zuôr nhiêx trâu tsôngv box.

      Ntơưv tsaz yênhx, Bộ chỉ huy Bộ đội Pênhz phax tỉnh Lai Châu tưz muôz huv tsiv grê nhos 25 tsovd deiv puz trâu tsôngv box jok Tả Chải; Hội pox niêv tỉnh, Hội chữ thập đỏ tỉnh, Huyện ủy, Ủy ban huyện Phong Thổ tưz muôz 70 poz huv, iz poz tsiv gri 300 cxênhz đeiv puz trâu têx lênhx pox niêv pluôs, chuôz zis pluôs, chuôz zis muôx côngz têz qơưk, shux xênhz hâur thax tsav./.

 (Khắc Kiên-Riê Lâux cxeik, nhênhv)

    Tsâus ntux hnuz 31/12/2022, têx tỉnh Tây Bắc cux shir phaz tsưr tsix ntâu huôx tôngv hơưv tos shông yiêz 2023.

    Ntơưv TP Lai Châu thiêz huyện Than Uyên, txix 7 six tsâus ntux, tsôngv box têx mênhx cxưx tưz tuôx ntơưv qar tiêx seiz tsaz yênhx nghệ thuật hơưv tos shông yiêz. No zos tiv phaz nhoz Lai Châu tsưr tsix tuô fov ntơưr hơưv tos shông yiêz hâur Tsiêz zax lix 2023.

    Ntơưv qar tiêx Tây Bắc, TP Sơn La, tỉnh Sơn La cux tsưr tsix tsaz yênhx nghệ thuật đros njiêz luv “Hơưv tos shông yiêz 2023”.

     Hơưv tos shông yiêz, tsôngv box TP Điện Biên Phuv tưz sik zâuv tuôx qar tiêx xiêz 7/5 seiz tsaz yênhx vênhx ziv nghệ thuật đros têx tiết mục jông hơưv Đangv, hơưv ntux yiêz, hơưv têz qơưk hlôngr yiêz, heik mênhx txos têx yênhx tix, chêx cuk jông mak iz tiv phaz tsênhv yuôr ntâu phêv liv li Điện Biên tưz tax tâu./.

(TTTB-Txâur Vax cxeik, nhênhv)