Hâur 4 hnuz so ntênhs 30/4 thiêz xiêz 1/5 shông no, tỉnh Sơn La tưz lênhk tok muôx 125 cxênhz lênhx kruô tuôx ndis shuôs têz qơưk uô si, phênhv sâu tâu txix têx hâux lưv uô phưx vưv tsôngv kruô zos 112 tyv đeiv ntâu. Tox siêz Mộc Châu zos qơư txeik tok chôngz lênhx kruô tuôx ndis shuôs têz qơưk uô si đuô hur si, muôx nhos 70 cxênhz lênhx. Đros trâu co, ntâu thax tsav, qơư ju lix hâur Sơn La cux hu zâuv chôngz lênhx ntâu tus kruô tuôx ndis seiz uô si li: Muk seiz têx huôz ha Tà Xùa, trôngz chiêz Háng Đồng (Bắc Yên); Ngọc Chiến (Mường La), ndis seiz têx qơư jông jav pak đêx tênhv Sơn La (Quỳnh Nhai), tsêr tux Sơn La…… Trơưk li Sở Vênhx huôv, Thêv thao thiêz ju lix tỉnh Sơn La thôngz sâu, đros trâu cxuô cơ quan muôx vax huôv, têx thax tsav qơư bax fuô uô têx tsưr ziv taz por txiv ngaz, truôx tuk zoz thôngz, phax tar moz Covid-19, viv li chor thax tsav, qơư ndis shuôs uô si, qơư kruô tuôx nhoz so…..ntơưv Sơn La tưz uô tâu truôx tuk, zôngx ziv trâu sơưr đơưk mul lok hâur têx hnuz so ntênhs./.

 (Lê Hạnh-Riê Lâux cxeik, nhênhv)

Tỉnh Lào Cai nhiv kruôr muôx iz jiês sâu tâu ntâu txix du lịch hâur jiês so 30/4-1/5, sâu tâu muôx 500 tiv đêiv ntâu đhâu 4 hnuz so ntênhk. Lơưr co, tas nro chor kruô tuôx trâu Lào Cai hâur 4 hnuz so ntênhk muôx nhos 150.000 lênhx nênhs, ndê chôngz đuô oz jiês pir li shông uô ntêx; paz sâu tâu lok xar muôx 540 tiv đêiv, siêz đuô 3 jiês pir li jiês so ntênhk shông 2021 thâuv caz moz Covid-19 jiês tiv plâuz huôv xênhz. Chor kruô tuôx Lào Cai jiês no phênhv ntâu zos chor kruô txix têx tỉnh txơưr hâur têz qơưk tuôx. Chor kruô chôngz uô trâu chor qơư nhoz so cux chuôz ndê muôx 75%; ciês thax tsav du lịch Sa Pa muôx 95%, thâuv muôx zuôr xar 100.000 lênhx kruô tuôx ndis shuôk, uô si. Chiê tok thiêz phưx vưv trâu chor kruô, hâur jiês so ntênhk 30/4-1/5 shông no ntơưv Lào Cai tưz muôx ntâu kror huôx tôngv vênhx huôv, vênhx nghệ, paz trâu tsôngv kruô muôx ntâu kror xêir tsov chiê ndis shuôk, uô si thiêz nriêr pâuz đuô./.

(An Kiên –Lik Thox cxêik nhênhv)

Hâur têx hnuz so ntênhs 30/4 thiêz xiêz 01/5 shông no, ntơưv têx cêr muk tơư hâur đrôngs li: Hào Gia, phường Đồng Tâm; Lý Đạo Thành, phường Nguyễn Thái Học, TP Yên Bái, tỉnh Yên Bái muôx qơư jông trâu tsôngv kruô ndis seiz uô si. No zos qơư ju lix yiêz, tso chei lênhx nênhs ndis seiz nhoz ntơưv qơư, taz sik uô đhâu têx đuôz cux iz zav li tâu buôk ti ndis seiz têx qơư jông jav hâur thax tsav li: Đras liêx Mường Lò, thị xã Nghĩa Lộ; Liêx tơư ntêir Mù Cang Chải….. Chênhr zos li heik co, tưz muôx ntâu tus chôngz lênhx kruô đros cxaz chuôz. Zơưv Trịnh Minh Đức, Giám đốc Công ty công nghệ 360 Plus heik pâuz: Xiv huv jux lix li heik sâuv zos tsưr ziv uô huv đros hâur ntu nhiv no.  “Xiv huv ju lix Yên Bái 360 zos iz hâur têx xiv huv công nghệ jông yax hâur ntu nhiv no lok têx đuôz, huv đros mạng xã hội li: Facebook, zalo…. Co zos xiv huv chiê tso đuôz ju lix tỉnh Yên Bái txos trâu cxuô lênhx sơưr đơưk”./.

Thừa Xuân-Riê Lâux cxeik, nhênhv)

Jiês so ntênhk 30/4-1/5 shông no, Lai Châu muôx ntux lok nas ntâu viv li chor tour du lịch ndis shuôk uô si sâuv têx trôngz tsuv tâu tso tsês. Chôngz lênhx kruô tưz muk trâu têx jêx jok du lịch côngv thôngx mênhx cxưx Hmôngz, Cho, Thái, Lự Giáy…. Chiê nriêr pâuz lok tsôngv box têx vênhx huôv, phongx cxưx. Chor jêx jok du lịch côngv thôngx tâu tsôngv kruô tuôx ndis shuôk uô si ntâu tiv zos Vàng Pheo, Sin Suối Hồ (huyện Phong Thổ); Sì Thao Chải, Nà Luồng, Bản Hon, Lào Chải 1 (huyện Tam Đường)… chiê phưx vưv trâu tsôngv kruô, pêx xênhv nhoz têx jêx jok tưz kriz uô têx kror li: kriz uô têx ntênhk hôiv cxôngx nzor, têx huôx tôngv xênhz huôx vênhx huôv yênhx hnuz thiêz cxuô zav uô si cxôngx nzor chiê tsôngv kruô đros uô si. Niêv tix Vũ Hồng Hạnh, txix Hà Nội tuôx puz pâuz: “Hâur ntu tuôx trâu Lai Châu mak cur xar muk ndis shuôk, uô si thiêz nriêr pâuz txos tsôngv box cxuô mênhx cxưx nhoz ntơưv no têx jêx jok chiê nriêr pâuz lok têx vênhx huôv, qơư nox nhoz, têx zav nox kaz thiêz lênhx nênhs nhoz Lai Châu”./.

(Khắc Kiên-Lik Thox cxêik nhênhv)