Zar hnuz kêix xiêz 04/1, Ủy ban Mặt trận Tổ quốc Việt Nam tỉnh Yên Bái tưz tsưr tsix lênhk txeik 1.600 poz huv tsiêz, xav hur si tsiv grê nhos 800 tsov đeiv txix têx tsêr nhiêx hâur thax tsav siz chos gôngr paz. Chor huv co zuôr tâu choz txos trâu lênhx nênhs pluôs hâur thax tsav tỉnh ndax six hơưv tsiêz têz qơưk Mir shông 2023.

Uô ntêx co, tas cik hnuz xiêz 03/1, tsêr nhiêx Kôngz nuv thiêz huôv tsar tox siêz Việt Nam ntơưv Yên Bái cux đros Ủy ban Mặt trận Tổ quốc Việt Nam tỉnh uô tsaz yênhx “muôz huv tsiêz puz trâu nênhs pluôs ndax six hơưv Mir shông 2023”.

Ntơưv tsaz yênhx, tsêr nhiêx Kôngz nuv thiêz huôv tsar tox siêz tỉnh Yên Bái tưz choz 1.150 poz huv đros thiêz hur si 575 tsov đeiv trâu têx lênhx hlôngr njêx muôs Mặt tổ quốc Việt Nam tỉnh. Têx phênhv huv no zuôr choz trâu chor chuôz zis, lênhx nênhs muôx côngz têz qơưk, chuôz zis pluôs, lênhx nênhs muôx luz nênhx txov nhêv tâu têz qơưk paz max hâur thax tsav tỉnh Yên Bái. Đhâu co, heik lol tas nro tsêr nhiêx Kôngz nuv thiêz huôv tsar tox siêz Yên Bái li txơưx jênhv, sik pheiz kênh phiv liv đros côngv thôngx cov cxuô lênhx cxuô tus, cxuô ziv chuôz zis puôr lênhx muôx tsiêz nox sor si, shir phaz lus./.

 (Đinh Tuấn-Riê Lâux cxeik-Lik Thox nhênhv)

Têx shông jê lok no sâuv thax tsav tỉnh Điện Biên tưz muôx têx chor nênhs uô ntêx hlo thor tơưv đhâu bê ntơưr chuôz zis pluôs chiê phêiz kênh têz qơưk têx paz trâu chor chuôz zis muôx luz nênhx txov nhêv đuô. Chor jax pêv thav txos chor nênhs thor tơưv đhâu bê ntơưr chuôz zis pluôs no tâu hêik pâuz đêz đar đuô, paz uô hlôngr yiêz đuô jênhv pâuz, txo grêk siêz xar nhoz tok khov thiêz zos kror paz trâu chor chuôz zis  txơưr đuô sir jos hâur luz nênhx.

Tix lâus Lường Văn Toán, jok Hốc, xar Mường Mun (huyện Tuần Giáo, tỉnh Điện Biên ziv chuôz zis xar thor tơưv đhâu chuôz zis pluôs zos kror hêik pâuz tsênhz txos hlôngr yiêz đuô jênhv pâuz, sir jos chiê hla đhâu cêr pluôs. Đhâu oz pêz shông tâu têz qơưk paz, shông 2020 đros siêz xar tiêk zuk thiêz têx pox niêv mê nhuôv muôx đas jos jông, muôx ar uô nox mak tsuv sir jos huôv tsar kinh têr txo grêk cêr yêiz pluôs, tix lâus Toán tưz sêiz lax, thôngx ziv đros pox niêv mê nhuôv chiv chir thor tơưv đhâu bê ntơưr chuôz zis pluôs. Hêik chêk uô, hâur iz jiês cơưv jêx jok chiê njuôk xav chuôz zis pluôs, zuôr xar pluôs, tix lâus Toán tưz hêik pâuz tsik thor sơưv têz qơưk têx phênhv paz trâu chuôz zis pluôs lơưv, thiêz jênhv tiêk zuôr sir jos chiê tơưv đhâu tâu chuôz zis pluôs. Tix lâus kror hâux lưv uô no tưz uô trâu chôngz lênhx nênhs hâur jok shir phaz đros./.

(Báo Điện Biên-Lik Thox cxêik nhênhv)

Trơưk li njuôk xav, cux tsênhv zuôr muôx chôngz lênhx kruô, lar heik zos chor kruô nhoz oz chas têz qơưs. Cxuô faz tsưr ziv chiê muôx txâuk yêz thâux xa kruô muk lol, iz chas ntơư, taz por truôx tuk zoz thôngz zos iz hâur têx hâux lưv zov chênhr tâu tỉnh Lào Cai tsov cưv txos hâur ntu ndax trâu tsiêz têz qơưs. Iz chas co, ngênhx cêr hlâu tưz bax tsưr ziv phênhz nzir yêz hlâu thâux xa kruô muk lol Hà Nội trâu Lào Cai thiêz Lào Cai trâu Hà Nội hâur ntu txix hnuz xiêz 01-04 tsiêz têz qơưk.

Hok ntơưv qơư tsav yêz kruô tsênhv qơư tỉnh Lào Cai, nhiv no, hâur tas nro 200 luz yêz đas cir zuôr thâux xa kruô muk lol, nhiv kruôr muôx nhos iz đraz ntâu luz uô hâux lưv thâux xa kruô, zos tiêk zuôr trâul txos, chor tsưr yêz cux muôx têx hu zâuv nzir lưv luz yêz đros uô luôs hâux lưv heik sâuv./.

(An Kiên-Riê Lâux cxeik, nhênhv)

Lơưr thôngz sâu, hâur 3 hnuz kriz uô taz por ngaz tuk jiês Tsiêz Zax lix 2023, lưx lươngv Công an Sơn La tưz qênhz yuôx, pov thiêz xưv lik 116 lênhx nênhs uô cxâuv; bluô nhiêx muôx 300 triệu đêiv ntâu; cxov tsês 43 luz yêz; sâu tsês 29 ntơưr tsar yêz cxuô zav. Hâur co muôx uô cxâuk lok hâuk chơưr, bia zos 19 lênhx nênhs.

Thượng tá Hoàng Thị Thanh Huyền, Phưv trưởng phòng CSGT, Công an tỉnh Sơn La puz pâuz: txix tsênhv tsênhz uô cônzg xưv, taz viv tưz ntâuk gri huv zos qênhx shênhx chor nênhs tsar yêz hâuk chơưr bia, chiê muôx tsưr ziv sêiz car, paz phax tar, txo grêk tsơưs txiêz nanv zoz thôngz, tiv zix zos chor txuz txiêz nanv muôx qir tiv txix hâuk chơưr bia, muôx zênhk zax zênhz.

Tsiêz têz qơưk Mir shông tsênhv txos jê jux juk, Công an tỉnh Sơn La zuôr tror chuôz cxaz lưx lươngv, chuôz zênhx chiê qênhz yuôx, xưv lik truôx chor nênhs uô cxâuv chêi têz qơưk têx cui tênhv, chiê taz por trâu pêx xênhv tâu tok tsiêz shir phaz, lov jêv thiêz ngaz tuk./.

(TTTB-Lik Thox cxêik nhênhv)