Chor xor xưv jiês cơưv Thủ tướng sik thav đros pêx xênhv Việt Nam shông 2022, Festival txir ntông thiêz chor hax huv OCOP Việt Nam shông 2022 zuôr tâu tsưr tsix ntơưv tỉnh Sơn La txix hnuz 21 txos hnuz 24/5 zuôr txos. Hâur co, Jiês cơưv Thủ tướng Chính phủ sik thav đros pêx xênhv zuôr tâu tsưr tsix trâu hnuz 22/5. Jiês cơưv tâu tsưr tsix trực tuyến ntơưv Tsênhv qơư tỉnh Sơn La txuôk đros txos trâu 62 tỉnh, thành phố hâur tas nro têz qơưk. Đros thiêz Festival txir ntông thiêz hax huv OCOP Việt Nam 2022 zuôr tâu tsưr tsix đros muôx ntâu kror li: Piêr pâuz lok uô kôngz nuv, “Kôngz nuv Việt Nam thiêz hax huv OCOP-tsưr ziv chiê muôs muk trâu sâuv ntiêx têz”; “Hâux lưv huôv tsar kôngz nuv Việt Nam”; “Hnuz hôiv hax huv Việt Tây Bắc”; qơư piêr pâuz lok “Cxuô zav nox kaz nhoz Tây Bắc”; sik tưr uô têx zav jông gâux txix txir ntông; sik  tưr uô zav nox kaz txix txir ntông; sik tưr têx đuôz jông gâux lok txir ntông; Jiês cơưv siz txuôk đros chiê sâu zuôr muôs têx txir mo môngk thiêz hax huv kôngz nuv tỉnh Sơn La shông 2022./.

(Lê Hạnh-Lik Thox cxêik nhênhv)

Zar hnuz kêix 4/5, Ủy ban tỉnh Điện Biên tưz lênhk txeik chor nhiêx muôx 30 tyv đeiv zos Tổng công ty yar yêz za VN (ACV) chơưv paz trâu tsaz yênhx “paz sóng thiêz meir tính trâu têx shux xênhz muôx luz nênhx txov nhêv tâu đros luôs lưv tus cơưv ntâuz cơưv ntơưr”. Zơưv Lại Xuân Thanh, Chủ tịch Hôiv đôngx quản trị Tổng công ty yar yêz za VN heik pâuz: No zos hâux lưv uô siz hluz siz paz, heik lol nênhs VN cêr uô nênhx jông heik cxuô, cux iz zav li tas nro canr bôv, nhân viên Tổng công ty yar yêz za VN heik taz. Tâu pâuz, iz chas têx nhiêx paz max no, txix shông 2021 txos nhiv no, Tổng công ty yar yêz za VN tưz paz 200 tyv đeiv trâu têz qơưk Cuiv nhiêx Vắc xin phax tar moz Covid-19. Heik ntơưv jiês lênhk txeik chor nhiêx Tổng công ty yar yêz za chơưv paz no, Chủ tịch Ủy ban tỉnh Điện Biên Lê Thành Đô chos luk, zuôr seiz car jông thiêz sir zôngv trơưk tsưr ziv chor nhiêx heik sâuv. Tsênhv tsênhz zos đhâu thâuv lênhk txeik tâu, Ủy ban tỉnh zuôr chox kriê ngênhx zoz zux bax zuôr têx chuôz zênhx, meir tính, muôz pheiz trơưk tsưr ziv, lênhx nênhs tâu sơưv./.

(Vũ Lợi-Riê Lâux cxeik, nhênhv)

Hâur 4 hnuz so ntênhk 30/4 thiêz 1/5 shông no, Lai Châu tok muôx 17.000 ntâu lênhx kruô tuôx ndis shuôk, du lịch; hâur co, muôx zuôr xar 4.600 lênhx kruô nhoz so, paz muôx tâu phênhv sâu zuôr xar 12 tiv đêiv. Zơưv Trần Quang Kháng, Phưv Giám đốc Sở Vênhx huôv, Thể thao thiêz Du lịch tỉnh Lai Châu puz pâuz: hâur ntu so ntênhk, ntơưv têx qơư du lịch, chor qơư nhoz so, qơư kinh doanh dịch vụ…côngz xưv taz por ngaz tuk, vêv xênhz tênhv qơư, vêv xênhz ngaz tuk zav nox, ngaz tuk zoz thôngz tâu uô truôx jông. “Chor kruô tuôx trâu Lai Châu hâur chor hnuz so nhiv kruôr đhâu zos kror paz trâu Lai Châu tror sir jos uô cov tiêr cxuô kror, chiê huôv tsar cxuô zav du lịch mak tỉnh muôx tâu zos du lịch côngv thôngx thiêz cxuô zav tox trôngz, đrox tsuôs chiv xênhz. Pêz zuôr tror sik côngv hâur 8 tỉnh Tây Bắc, tiv zix zos Hà Nội thiêz thành phố Hồ Chí Minh chiê kriz uô lơưr têx tsưr ziv tưv tso tơưv hâur yênhx shông. Tiv zix zos paz trâu chor doanh nghiệp lữ hành ntơưv Lai Châu txuôk đros trâu chor doanh nghiệp lữ hành faz Nam chiê sik thav, zaz zâuv chor kruô du lịch txix faz Nam thiêz Hà Nội tuôx trâu Lai Châu”./.

(Khắc Kiên-Lik Thox cxêik nhênhv)

Zênhx Pênhz phax Y Tý, huyện Bát Xát, tỉnh Lào Cai nhiv kruôr ntêk tâu MyV Xênhv Zax, xênhz shông 1999, heir nênhs Hmôngz nhoz ntơưv jok Phan Cán Sử, xã Y Tý lok sâuv zuôr muôs uô luôv zax zênhz tsi trơưk chei. Tsênhv tsênhz uô ntêx ntơư, Tổ côngz xưv Zênhx Pênhz phax thâuv tsênhv uô hâux lưv qênhz yuôx ntơưv jok Phan Cán Sử, xã Y Tý tưz qênhz pov Myv tsar luz yêz meir tâu xav zôngx ziv muôx têx uô tsi trơưk chei. Đhâu thâuv heik cov đrêk yêz qênhz shuôs têx ntâuz ntơưr, Tổ côngz xưv tưz qênhz pov hâur Myv hnaz tril muôx 3 poz mê krưr ntơưr tâu xav zos zax zênhz, đhâu qênhz yuôx shuôs, no zos zênhz đơưz, hnhar muôx iz las 3 txiêx lok zos 13g. Thơưx seiz car Zênhx Pênhz phax Y Tý tưz tso tơưv quyết tinhv tik cêr cxâuv. Đhâu qênhz nus, Myv krêz lênhk tiêk: Myv trâul muôx zênhk zax zênhz, tưz muk zuôr chor zênhz co tas muôx 3 tsov đeiv chiê lok sir zôngv. Iz chas  ntơư, cux gra muk pheiz trâu Myv lênhx niêv đros zôngv thiêz, viv lênhx niêv cux trâul muôx zênhk zax zênhz tâu ntêr shông lok./.

 (An Kiên-Riê Lâux cxeik, nhênhv)