Trơưk li Ủy ban tỉnh Lào Cai, xav txos tas hli 11/2022, tas nro tỉnh tưz zok nriêr hâux lưv uô trâu zuôr xar 15 cxênhz lênhx lox tôngv, đhâu tỉnh tsưr ziv choz hâur shôngk shông muôx 114% ntâu. Hâur hli 12/2022, Tsênhv qơư dịch vụ nuv uô Lào Cai cux muk ntâu jiês ntơưv cxuô thax tsav tox siêz chiê piêr kriê, heik pâuz doanh nghiệp hâur thiêz đrâuv luôs 2 chas tỉnh li têx mông   xeir zuôr nênhs uô hâux lưv, hu zâuv ntâu lênhx pêx xênhv moz siêz txos. Lơưr zơưv Trương Hồng Trường, Giám đốc Tsênhv qơư dịch vụ nuv uô Lào Cai, hâur shông đhâu, ngênhx lox tôngv, saz pênhz thiêz xã hội tỉnh tưz uô ntâu têx nuv li heik sâuv chiê piêr kriê hâux lưv uô trâu nênhs lox tôngv. Ngênhx tưz tsưr tsix tâu 10 jiês ntơưv 10 xã pluôs hâur tỉnh, paz yênhx puô lênhx zos tsôngv box heir nênhs tsơưs cir hux thôngx lox tôngv ntơưv têx tỉnh, TP hâur tas nro têz qơưk./.

(Báo Lào Cai-Riê Lâux cxeik-Lik Thox nhênhv)

Nhiv kruôr đhâu, tuêv côngz xưv zênhx pênhz phax Thanh Luông thiêz Phongx phax tar zax zênhz thiêz nênhs phamv cxâuv, Bộ đội pênhz phax tỉnh Điện Biên uô jênhv vưv ntơưv thax tsav ndêx 104 cêr ntus đriv VN-Lào pov iz lênhx nênhs muk tơư đhâu ntus đriv. Tuêv côngz xưv tưz qênhz yuôx thiêz pov lênhx nênhs co jeik hâur hnaz yo iz poz zênhz đơưz hnhar 40 gram, 19 njiêr zax zênhz shơư yuôx. Lênhx nênhs co zos Lò Văn Trưởng, xênhz shông 1982 nhoz jos Nghịu, xã Thanh Luông, huyện Điện Biên. Trưởng jênhv zuôr chor zax zênhz txix iz lênhx txir nênhs tsi pâuz bê chiê chox muk muôs. Krêz đar qênhz yuôx Zênhx pênhz phax Thanh Luông tưz ciêr chênhr ntês Lò Văn Hiên, xênhz shông 1979 cux nhoz jos Nghịu, xã Thanh Luông, zos lênhx nênhs muôz nhiêx trâu Trưởng muk zuôr zax zênhz. Nhiv no hâux lưv no tsênhv tror tâu Zênhx pênhz phax uô tiêr ntâuz ntơưr, tik cêr cxâuv trơưk pháp luật li cui tênhv./.

(Vũ Lợi-Txâur Vax cxeik nhênhv)

Chiê taz por truôx tuk zoz thôngz thiêz têx yêz muk lol tâu đhâu hâur six hơưv tsiêz têz qơưk zuôr txos, ngênhx zoz thôngz Yên Bái tưz sir jos uô hâux lưv qênhz yuôx, qênhz shuôs têx yêz muk lol tâus cêr cov truôx tuk. Tsưr tsix qênhz shuôs jông chiê muôx têx cxiv kho huv đros, cov pêx xênhv sơưr đơưk zôngx ziv muk lol thiêz thâux xa tâu têx hax huv muk lol đhâu hâur six hơưv tsiêz têz qơưk thiêz ntênhs hội cheix ntux yiêz Mir shông 2023. Thiếu tá Phùng Nguyên Ngọc, Đội trưởng Đội Cảnh sát zoz thôngz-txiv ngaz, Công an huyện Lục Yên, tỉnh Yên Bái heik pâuz: “Hâur ntu so no, sơưr đơưk zuôr muk lol ntâu viv li têx yêz cux zuôr ntâu hênhr. Tiv 2 zos nênhs hâuk chơưr bia cux zuôr tsar ndê chôngz lênhx đuô pir li têx hnuz fênhx yax. Pâuz tâu têx cui tinhv cxuô cux iz zav li têx chei hâur thax tsav, pêz phênhz lênhx nênhs uô hâux lưv qênhz yuôx qênhz shuôs njôngr têx cêr muk lol chiê taz por truôx tuk, xưv bluô ntov jông têx lênhx nênhs uô cxâuv chei cheix yêz muk lol tâus cêr….”./.

 (Thừa Xuân-Riê Lâux cxeik, nhênhv)

Hnuz đhâu xiêz 5/1, ntơưv thax tsav xã Tông Lạnh, huyện Thuận Châu, tỉnh Sơn La. Phongx cảnh sát tênhx qơưk, công an tỉnh Sơn La đros têx lưx lươngv muôx txơưx jênhv pov 1 lênhx nênhs tsênhv thâux tsiêx cxu tsi pâuz tsênhz hâur pâus. Thâuv qênhz yuôx, lưx lươngv muôx txơưx jênhv pov 2 thùng xốp thiêz 2 hnaz tax tso 400 cir plaz hnhur tưz tsư lưx. Nênhs tsar yêz zos Lò Văn Trường, xênhz shông 1994 nhoz jos Công Mường, xã Tông Lạnh, huyện Thuận Châu, tỉnh Sơn La tsi muôx ntâuz ntơưr tưs heik kriê hâur pâus chor hax huv co. Lưx lươngv muôx txơưx jênhv tưz cuiz tênhv sâu por tsês tas nro chor hax huv heik sâuv thiêz xưv phuôv hành chính Lò Văn Trường đros chor nhiêx txiêx zos 5 tsov đeiv./.

(TTTB-Txâurr Vax cxeik, nhênhv)