Têis cik 5/2, đoanx côngz xưv zos zơưv Nguyễn Minh Sơn, Phưv Chủ nhiệm Ủy ban Kinh têr Côx hôiv uô Tsar đoanx tưz muk qênhz shuôk thax tsav qơư thiêz uô hâux lưv đros tỉnh Lào Cai thiêz cxuô qơư hâur thax tsav uô dưv anr cêr hlâu muk chênhr Lào Cai-Hà Nội-Hải Phòng. Chiê paz trâu dưv anr tâu kriz uô uô ntêx hnuz 10/12/2025 trơưk Thủ tướng Chinhr phuv li chox kriê. Phưv Chủ nhiệm Ủy ban Kinh têr Côx hôiv Nguyễn Minh Sơn hêik: “No zos tsênhv tsênhz ntơưv cxuô thax tsav qơư chiê kriz uô cêr, paz trâu pêx xênhv trâus sâu ar uô cêr… mak sơưr đơưk tsuv uô jông sêiz shuôk sêz zuôr muôz kror tưs tso tâu trâu hâur têx chêi. Taz sik, cux tsuv huv zos, kror tưs zos Côx hôiv vax huôv mak hêik ciês hâur Côx hôiv. Uô li mak pêz thiêx zuôr tso tơưv tâu têx Nghị quyết huv zos, txix co kriz uô cov tâu truôx jông tiv zix”./.

An Kiên-Lik Thox cxêik nhênhv

             Lênhs tov tỉnh Điện Biên muôx jiês uô hâux lưv đros CÔng ty CP hàng không Vietjet chiê thôngx ziv tsưr ziv tuôr truôx têx jiês za txix Điện Biên muk TPHCM đhâu thâuv Vietjet Air thôngz pov so tsi za. No zos cêr za coaz tsôngv, gôngr phênhv cxơưz tiês muôv muôs thiêz huôv tsar KTXH tỉnh Điện Biên heik taz, thax tsav Tây Bắc heik cxuô. Zơưv Lê Thanh Bình, Chánh văn phòng UB tỉnh Điện Biê puz pâuz: hâur jiês uô hâux lưv hnuz xiêz 5/2, đhâu thâuv heik tsênhz têx muôx jông thiêz phev liv, tỉnh thiêz công ty CP hàng không Vietjet tưz thôngx ziv zuôr tror tuôr truôx cêr yê zza txix Điện Biên muk TP HCM. Taz sik zuôr seiz shuôk têx jiês za cov huv đros tsôngv kruô zoz qơưx. Thôngx cxix cux zuôr thôngx ziv pâux nzor têx trâus pôngz nhiêx txiêx chiê paz jông tiv zix trâu tsôngv kruô tuôx Điện Biên thiêz thax tsav Tây Bắc. Lok saz tỉnh Điện Biên cam kết cux zuôr paz cxuô zav jông tiv zix trâu Vietjet Air huôx tôngv./.

VOVTB-Txâur Vax cxeik nhênhv

             Cxuô nganhx, thax tsav qơư hâur tỉnh Sơn La tsênhv sir jos kriz uô têx tsưr ziv, sir jos cov uô tiêr cxuô kror, ntâuz ntơưr chiê kriz uô tâu ntu cêr muk chênhr Hòa Bình-Mộc Châu, ntu đhâu thax tsav tỉnh Sơn La trâu thâuv hli 7 shông no.

             Ntu cêr muk chênhr Hòa Bình-Mộc Châu ntu đhâu tỉnh Sơn La ntêr muôx nhos 32 cêik cêr ntâu, tas nro pênhr yưv uô zos 4.900 tiv đêiv ntâu; ntu cêr tâu uô txix ntơưv xar Chiềng Yên, huyện Vân Hồ, tỉnh Sơn La txos trâu txos cêr 43 ntơưv xar Phiêng Luông, thị xar Mộc Châu. No zos ntu cêr lok six zov chênhr, thâuv uô tiêr zuôr paz trâu txox cêr lox 6 txuôk txix thủ đô Hà Nội tuôx trâu têx tỉnh Tây Bắc hêik cxuô thiêz tỉnh Sơn La hêik taz txo grêk tsơưs têx yêz muk lok, paz đơưk kho têx phiv liv lok zoz thôngz thiêz paz thơưz huôv tsar kinh têr-xar hôiv thiêz côx phax, ngaz tuk sâuv thax tsav tỉnh Sơn La thiêz têx tỉnh thax tsav Tây Bắc./.

VOVTB-Lik Thox cxêik nhênhv

             Lơưr UB thị xã Sa Pa, tỉnh Lào Cai hâur ntu Tsiêz Naz shông, njuôs xav kruô tuôx ndis seiz tax 141 cxênhz ntâu jiês kruô tuôx ndis seiz hâur co kruô saz đrâuv têz qơưk tax muôs nhos 16 cxênhz jiês. Xav txos hnuz xiêz 3/2 nhiv kruôr đhâu, phênhv sâu txix ju lix hâur tas nro jiês so tsiêz tax 587 tỷ đeiv ntâu, bâuv 151% pir đros shông 2024. Thị xã Sa Pa tưz sik côngv đros thax tsav qơư ju lix Sun World fansipan Legend Sa Pa tsưr tsix yênhx côngz ntênhs krêz uô cheix ntux yiêz đros ntâu huôx tôngv jông. Taz viv tsênhv uô tsaz yênhx txu grês gri muôs trâu tsôngv box mênhx cxưx tsơưs nênhs. Ntơưv qơư ju lix Cát Cát tưz tsưr tsix ntaua huôx tôngv uo ói, uô tsôngv box Hmôngz Cát Cát li têx zav nox nto bê; iz cxiê qơư ju lix txơưr txu grês gri muk ndis seiz uô si trâu tsôngv box thiêz kruô ju lix./.

VOV4-Txâur Vax cxeik nhênhv