Têis cik 8/5, Ủy ban tỉnh Sơn La cơưv Ban tsưr tsix chor xor xưv Jiês cơưv Thủ tướng Chính phủ sik thav đros pêx xênhv; Festival txir ntông thiêz hax huv OCOP Việt Nam shông 2022. Chor xor xưv Thủ tướng Chính phủ sik thav đros pêx xênhv Việt Nam thiêz Festival txir ntông thiêz hax huv OCOP Việt Nam zos xor xưv chinhr triv zov chênhr thiêz njuôk xav zuôr tâu tsưr tsix ntơưv tỉnh Sơn La txix hnuz 21-25/5. Hâur co, Jiês cơưv Thủ tướng chính phủ sik thav đros pêx xênhv Việt nam zuôr tâu tsưr tsix ciês ntơưv tsênhv qơư tỉnh Sơn La txuôk đros 62 kror qơư hâur tas nro têz qơưk. Festival txir ntông thiêz hax huv OCOP Việt Nam shông 2022 zuôr tâu kriz uô đros muôx ntâu kror jông. Txos nhiv no, cxuô kror hâux lưv bax kriz uô chor xor xưv no tưz tâu uô truôx jông thiêz huv zos li tsưr ziv tưz tso tơưv./.

(Lê Hạnh-Lik Thox cxêik nhênhv)

Zar hnuz kêix xiêz 08/5, ntơưv ntâu thax tsav qơư hâur tỉnh Sơn La tưz lok nas lox, uô têx cêr muk lol bluô, ntâu ntu sâuv txox cêr lox sôr 6, đêx ngaz, cuôr yôngz têx ar, poz jêz, khâuz nhaz lok cxuz cêr, uô tuôr thênhv têx yêz muk lol tâus cêr. Ntơưv thị trấn Yên Châu, huyện Yên Châu; thax tsav xã Cò Nòi, huyện Mai Sơn, đêx nas lox, uô ngaz cêr tas têx yêz phiv liv muk lol. Trơưk li qơư njuôk ntux yar ntux nas thax tsav Tây Bắc njuôk xav, hâur six hơưv zuôr txos, tas nro tỉnh Sơn La cux zuôr tror lok nas, muôx kênh suôv qơư lok nas lox; phênhv ntâu zos lok trâu thâuv zar hnuz kêix thiêz hmo ntux. Thax tsav huyện Thuận Châu, tỉnh Sơn La chênhr phax tsav muôx tox cưz poz, đêx nas cuôr yôngz, têx qơư kis đêx ngaz. Chênhr viv li tsôngv niêv txir cưr tix nênhx tsa sơưr đơưk tsuv chênhr phax txar jav đêx nas lox, txo grêk tsơưs têx tsi jông muôx têx muôx yưv./.

 (Trấn Long-Riê Lâux cxeik, nhênhv)

Tsêr kho moz nhuôs zâu tỉnh Lào Cai nhiv kruôr fêik kho, chơưv paz tâu iz lênhx pox niêv tuôx zus mê nhuôv trâus moz o vôngk ntơưv kror qơư fêik muôz mê  nhuôv. Lênhx pox niêv co zos T.T.P (31 shông), tuôx tsêr kho moz thâuv tưz trâus moz plaz. Đhâu njuôk shuôk, mê nhuôv xênhz hâur chêr muôx 38 ciêz 3 hnuz, zuôr piz zus mê nhuôv, uô phiv liv txos kror qơư fêik mê nhuôv, viv li chor cưk yuôx tưz hêik cov fêik chiê muôz mê nhuôv lok. Xav jênhv no zos lênhx nênhs zôngx ziv njiz trâu têx phiv liv li tơưs lênhx nyar hlưz hâu, chor cưk yuôx tưz uô jông njuôk shuôk, sir jos fêik kho thiêz tưz muôz tâu tuk mê nhuôv nxêik hâur lênhx niêv luz chêr lok; tus mê nhuôv co hnhar muôx 3,5 cir. đhâu 2 six hơưv ntâu sir jos chơưv paz, lênhx niêv co đas jos tưz tror truôx tuk jux juk. Lơưr bác sĩ Hoàng Thị Nguyệt, Giám đốc Tsêr kho moz Sản nhi tỉnh Lào Cai, kror moz no nhoz chor pox niêv xênhz nhuôs hâur chêr zos iz kror moz lok six phiv liv, riêz nênhs, zuôr zôngx ziv uô nênhs moz njiz trâus tơưs têx lênhx nyar hlưz hâu thiêz uô phiv liv txos lênhx niêv thiêz tuk mê nhuôv txox siêz, zos tiêk tsik tâu njuôk shuôk jông thiêz chơưv paz ndar six hơưv./.    

(An Kiên-Lik Thox cxêik nhênhv)

Tưz tsi tâu muôx iz hnuz iz hmo, Công an huyện Điện Biên thiêz huyện mường Nhé sik hux jos đros chor lưv lươngv muôx vax huôv txơưr đuô hâur tỉnh Điện Biên tưz ruôr por tsês tâu 2 txuz zuôr muôs, uô luôv zax zênhz lox, ntêk cxov 2 lênhx nênhs. 2 lênhx trâul ntêk tâu co zos Cok Xênhv Vưx, xênhz shông 2001, nhoz ntơưv jok Nậm Lạnh, xã Nậm Lạnh, huyện Sốp Cộp, tỉnh Sơn La tsênhv thâux gra tsi trơưk chei 30 cxênhz njiêr yuôx shơư zênhz thiêz Tsu Xênhv Shôngx, xênhz shông 1983, nhoz ntơưv jok Huổi Khon 1, xã Nậm Kè, huyện Mường Nhé zuôr muôs, uô luôv zax zênhz tsi trơưk chei. Têx chuôz zênhx sâu tâu muôx 8 poz zênhz đơưz, iz luz yêz meir, iz luz xor tông gra ntơưv têk. Đhâu qênhz nus, Cok thiêz Tsu gơưk krêz lênhk tiêk, zuôr chor zax zênhz heik sâuv ntơưv Lol Tsuôk lol, tsênhv taz tov thâux gra muk muôs, txos tos cêr txơưv trâul qênhz pov thiêz ntêk tâu. Nhiv no cơ quan Công an tsênhv tror qênhz yuôx, uô têx ntâuz ntơưr chiê muôz tik cêr cxâuv trơưk li chei têz qơưk cui tinhv./.

(Vũ Lợi-Riê Lâux cxeik, nhênhv)