Hôiv por vêv têx chiv xênhz thiêz tênhv qơư Việt Nam nhiv kruôr muôx hêik pâuz lok hâux lưv tso tơưv thiêz côngz jênhv Tsoz Di sản Việt nam đros thiêz 100 tsoz yuôx zêx Shan Tuyết ntơưv 2 jok: Sín Chải thiêz Hấu Chua, xar Sín Chải, huyện Tủa Chùa, tỉnh Điện Biên.

Uô ntêx co, Huyện Tủa Chùa tưz yênhx lix đoanx muk qênhz yuôx, xêir tsov 100 tsoz yuôx zêx lox tiv zix, hâur tas nro xar muôx 4.000 tsoz nhiv no muôx chiê njuôk shuôk têx ntông co li: kror siêz, lox đar…txix co uô nâtuz ntơưr hêik cov tâu côngz jênhv.

Huyện Tủa Chùa nhoz siêz xar muôx 1.400 thiêr pir li ntus đêx hiêr. Ntơưv no tsênhv muôx chor yuôx zêx Shan Tuyết lâul, hâur co muôx ntâuz tsoz tưz muôx yênhx puô shông. No zos chor yuôx zêx zênhx muôx hâur har jôngr thiêz tâu tu lok six jông. Thâuv ntêx, pêx xênhv tsuôk đê lok sir zôngv hâur chuôz zis. Taz sik nhiv no yuôx zêx Shan Tuyết tưz zos yênhx kror hax huv jông paz muôx nzir phênhv sâu truôx tuk trâu pox nhuôs. Đuô li, kror uô du lịch đros trâu têx hâux lưv nriêr pâuz, sâu đêx yuôx zêx lâul Shan Tuyết tsênhv tâu thax tsav qơư huôv tsar kriz uô, zos yênhx iz kror uô tâu jông thiêz zaz zâuv tsôngv kruô tuôx ndis shuôk, uô si ntơưv Sín Chải, Tủa Chùa./.

(Vũ Lợi-Lik Thox cxêik nhênhv)

Chiê uô đề án huôv tsar truôx vênhs tsoz Mắc ca ntu 2021-2030 lơưr Thủ tướng chính phuv li Cuiz tênhv 344, tỉnh Lai Châu sir jos chos 100 cxênhz hecta tsoz mắc ca lok shông 2030 thiêz chox tiv phaz yênhx qơư chos ntâu mắc ca tiv zix têz qơưk. Chuyên gia kôngz nuv Nguyễn Lân Hùng, Phưv chủ tịch Hiệp hội Mắc ca VN puz pâuz: Lai Châu muôx ar têz đar, qiv hơưv jông chiê chos tsoz chos no. Mắc ca lok six jông chos ntơưv Lai Châu viv hâur 1 shông tiv phaz muôx tsơưs tiv zix 5 ciêz ntux no kis đuô 17 tưv. Tiv zix, nhoz tiv phaz tsi khênhr muôx nas yâur, viv li tsi uô zênhr shar txos tsoz chos thâuv tơưs pax, txi txir; chos mắc ca ntơưv Lai Châu zos têx tsưr yưv pênhr li tsưr ziv uô jông:

“Iz chuôz zis muôz 2,3 sào ar, muôx têx zos 1 hecta chiêz chos mắc ca, tsi cxơưx ciês tul tsi hlo, bâuv li tưz txâuk chiê Lai Châu uô bluô nux, tsi zos heik txos cxuôv cêr yeiz pluôs. Chêx cuk thiêz tsiv grê mắc ca chox lok lok six siêz, ar têz muôx, qiv hơưv jông, tsưr ziv uô mak Hiệp hội mắc ca paz, viv li zos pox nhuôs huôv tsar chos mak lok six jông. Pêz cux tưz uô hâux lưv đros tỉnh thiêz tỉnh lok six thôngx ziv; têx taz viv nhoz Hiệp hội cux tưz uô thiêz qir chox lok chêx cuk, pox nhuôs pov lơưv mak zôngx ziv uô lơưr”./.

(K.Kiên-Txâur Vax cxeik nhênhv)

Đhâu 6 luz hli kriz uô tsưr ziv sôr 2 thiêz tsưr ziv uô hâux lưv sôr 3631 lok phax tar tsav txênhz đros chor nênhs zuôr muôs zax zênhz, Công an têx tỉnh nhoz faz Tây Bắc zos: Điện Biên, Lai Châu, Lào Cai, Sơn La, Hòa Bình, Yên Bái tưz cxov tâu xar muôx 1.400 txuz, đros xar muôx 1.800 lênhx nênhs nhiês zuôr muôs, thâux xa tsik zos chêi zax zênhz, sâu tsês tâu lok six ntâu têx zax zênhz. Trung tướng Nguyễn Duy Ngọc-Thứ trưởng Bôv Công an hêik mênhx: têx hêik tas sâur tưz hêik tơưv txos lưx lươngv Công an li têx sir jos phax tar tar chor nênhs phamv cxâuv lok zax zênhz, zos iz kror hâux lưv zênhx phiv liv nhoz thax tsav Tây Bắc. Viv li lưx lươngv công an nhoz thax tsav Tây Bắc tsuv sik côngv tsav txênhz, cxiv tsa têx tsưr ziv sik côngv cov truôx jông đuô chir phax tar chor nênhs nhiês zuôr muôs zax zênhz đhâu ntus đriv lok trâu hâur pêz têz qơưk./.

(Vũ Lợi-Lik Thox cxêik nhênhv)

Iz txuz trâus tưx zav nox nhiv kruôr muôx yưv ntơưv jos Sái, xã Thanh Bình, thị xã Sa Pa, tỉnh Lào Cai tiv nox trâus njik pax muôx tsơưr tưx Scopolamine. Lơưr co, thâuv 6 six tsâus ntux hnuz 24/3, thâuv nox hmo ntơưv Chi nhánh Công ty TNHH MTV cxiv tsa Hoàng Quân 668 li qơư uô mor nox, 3 hâur 12 lênhx nênhs sik đros nox mor puôr lênhx pov điês tâuz hâu, tsâuk muôs, xar ntuôr thiêz ntuôr, tsuv ciêr chênhr chox muk qơư y tế xã chiê chơưv kho; đhâu co muôx cxaz 7 lênhx txơưr thiêz muôx têx moz yưv li ntơưv. Đhâu chiz coaz muôx txơưx jênhv li xav tênhv, hâur pluôk hmor co muôx 5 zav nox, cuô nyar buô tâu uô đros iz zav jâuz iêz, greix buô ciz shơư tâuv pax, mor thiêz chơưr. Uô pluôk mor nox co zos iz lênhx nênhs mênhx cxưx Nùng nhoz huyện Xín Mần, tỉnh Hà Giang. Tiv ntux tsi yuô pov cêr thiêz zav jâuz muôx tưx thâuv tsênhv mos mak jông ciês li jâuz iêz, viv li zôngx ziv uô cxâuv chiê nox thiêz trâus tưx./.

(An Kiên-Lan dịch đọc)