Ciês đâu jiês so Tsiêz Têz qơưk, chor doanh nghiệp, qơư uô nox kinh doanh thiêz nênhx lox tôngv nhoz Yên Bái tưz piz kriz uô nox ciês đros siêz xar zuôr uô tâu têx tsưr ziv uô nox yiêz. Zơưv Bùi Đăng Toàn, Phưv Giám đốc Công ty Trox yêz Yên Bái puz pâuz, shông 2024, đros hâux lưv kinh doanh tax tâu thiêz siêz đuô tas nro nhoz cxuô kror hâux lưv, công ty li phênhv sâu tâu muôx 1.153 tiv đêiv ntâu. Shông 2025 txơưv tiêk xav jênhv tsênhv yuôx ntâu kror phiv liv tiv trâus coz chuô sôr 3 hâur shông đhâu ruôr hiêv txos, taz sik công ty cux tso tơưv tsưr ziv chuôz ndê cov tâu muôx 10% ntâu. Chiê uô tâu kror no, Công ty tưz cxiv tsa tsưr ziv kriz uô chor luôs hâux lưv uô nox kinh doanh huv đros ciês tsênhv tsênhz txix thâuv hâur shôngk shông: “Njuôk xav shông 2025 công ty zuôr muôs tâu muôx 60.000 yiv thôngx, tas nro thêv trâu nhiêx txiễ xtêz qơưk zos 104 tiv đêiv. Chiê paz trâu kriz uô lơưr tsưr ziv hâur shông 2025 mak txix ciês thâuv hâur shôngk shông công ty tưz kriz uô cxix cxuô chor tsưr ziv, txix bax cov muôx txâuk têx trox muôs, tsưr tsix huôx tôngv uô nox kinh doanh chiê bax têx pênhr jos phưx vưv trâu pêx xênhv sâuv thax tsav”./.

Đinh Tuấn-Lik Thox cxêik nhênhv

                Sơn La tsênhv chuv tôngv têx tsưr ziv por vêv mênhv chêx cà phê- nôngx mênhx tox siêz no li tsưr ziv huôv tsar uô nox tsênhv txix têx jiês ntux no njiv njuôs xav zuôr muôx đâuk tê. Lơưr njuôs pov, tiv trâus chuô txiêk uô zênhr shar, jêx tưv nhoz Sơn La cux zuôr txu grês ntâu hâur têx hnuz zuôr txos, tox siêz kis đuô 8 tưv. Têx tox siêz siêz đuô 1 cxênhz 500 yiv zuôr muôx đâuk tê. Têx nganhx, têx tiv phaz nhoz Sơn La tưz chuôz tsar yax mông, heik kriê pox nhuôk uô têx tsưr ziv phax tar đâuk tê uô ruôr hiêv cà phê. Zơưv Đinh Công Thủy, Tsênhv qơư jix vuv kôngz nuv huyện Thuận Châu, Sơn La puz pâuz: “Thâuv ntux no njiv ntêr, jêx tưv grês kis đuô 10 tưv, pox nhuôk tsuv sir zôngv tâuz tax their mênhv chêx cà phê. No zos tsưr ziv jông tiv zix paz txu grês têx trâus ruôr hiêv trâu pox nhuôk li cà phê tiv đâuk tê”./.

VOVTB-Txâur Vax cxeik nhênhv

             Tỉnh Lào Cai nhiv kruôr tsưr tsix phuôx tôngv phongz yaox kho đuô chor tsêr đaz tuôs lav nhoz trâu chor nênhs pluôs, đros cxiv tsa jêx jok yiêz, sir jos uô kho đuô chor tsêr đaz tuôs lav nhoz trâu chor nênhs pluôs cov tiêr nzor đuô six hơưv Chinhr phuv choz. Jiês hêik kriz uô tâu tsưr tsix ntơưv oz huyện Bát Xát thiêz Mường Khương. No cux zos 2 thax tsav qơư tsênhv yuôr ntâu luz tsêr đaz tuôs, lav nhoz tiv zix hâur tỉnh, đros tas nro muôx 4.000 ntâu luz tsêr.

           Txzix shông 2024 txos nhiv no, tas nro tỉnh Lào Cai tưz kriz uô kho đuô, cxiv uô yiêz zuôr xar 6.000 luz tsêr, muôx tas nro chor tsêr trâus coz chuô sôr 3 ruôr hiêv txos. Tsênhv yuôr xar muôx 5.000 luz tsêr, Lào Cai sir jos uô cov kho đuô thiêz cxiv uô tâu tiêr uô ntêx hnuz 31/5 zuôr txos, nzor đuô iz đraz shông pir li six hơưv tâu Chinhr phuv choz./.

An Kiên-Lik Thox cxêik nhênhv

               Tsi taz muôx trôngz jôngr chiv xênhz jông jav, thâuv txos tsiêz, Lai Châu tsênhv muôx iz qơư jông jav chiê tsôngv kruô tuôx ndis seiz uô si. Têx ntênhs phêv chax chês zos jiês chiê tsôngv box têx mênhx cxưx tsơưs nênhs shir phaz uô si, thor cov iz shông yiêz muôx tâu luz nênhx jông. Txix nênhs Thái li têx phongz qơưx thor cov muôx tâu ntux yar ntux nas jông, tsôgnv box Hmôngz li ntênhs phêv Gruôv tox txos têx jax đhiê pax vuôs xòe jông tưz zaz zâuv chôngz tsôngv kruô tuôx ndis seiz thiêz uô si. Zơưv Trần Quang Kháng, Phưv giám đốc Sở vênhx huôv, thiv theo thiêz ju lix Lai Châu puz pâuz, ntênhs phêv cheix ntux yiêz nhoz Lai Châu tsi taz zos hâux lưv vênhx huôv jông mak tsênhv zos jiês chiê tsôngv kruô uôx Lai Châu tâu sik côngv uô si lov jêv, tâu nriêr pâuz têx tsiv grê vênhx huôv chax chês jông thiêz tâu sik côngv siêz đros côngv thôngx têx mênhx cxưx./.

VOV4-Txâur Vax cxeik nhênhv