Ủy ban tỉnh Lào Cai nhiv kruôr tso tơưv Quyết tinhv sôr 940/QĐ lok sâuv cir tsưr ziv tsưr tsix tưr thik cơưv tiêr ntơưr lớp 12 hâur thax tsav tỉnh Lào Cai shông 2022. Iz chas ntơư, six hơưv thik zos 2 hnuz 07/7/2022 thiêz 08/7/2022. Tas nro tỉnh Lào Cai yênhx lix 01 Hôiv đôngx tưr thik zos Giám đốc Sở zoz zux uô Chủ tịch Hôiv đôngx, muôx 23 qơư tưr thik chiê uô hâux lưv seiz thik ntơưv 09 huyện, thị xã, TP hâur tỉnh. Lok sâuv qơư đas cir dưv thik: Shux xênhz tsênhv cơưv ntơưr lớp 12 shông 2021-2022: Uô đas cir dưv thik lơưr tsưr ziv trực tuyến sâuv cxix luôs seiz car thik thiêz đas cir côngk nhav cơưv tiêr ntơưr lớp 12 ntơưv tsêr cơưv cxênhx 3. Têx lênhx shux xênhz chor shông uô ntêx tưr thik tsi tâu ntơư (đas cir dưv thik chiê zuôr điểm uô qơư đas cir xeir zuôr shux xênhz muk cơưv trâu têx tsêr cơưv đại học, cao đẳng lok sik côngk nhav cơưv tiêr ntơưr lớp 12./.

 (Báo Lào Cai-Riê Lâux cxeik, nhênhv)

Chêix ntux nas chuô đêx ngaz cuôr yênhx shông, cxiv luôs zoz thôngz nhoz tỉnh tox siêz Lai Châu tsik so trâus ruôr hiêv ntâu, uô muôx ar xưz poz, têx cêr muk lok tsik tâu. Chiê phax tar tâu jông ntux têz ruôr hiêv, thâuv mak chêix ntux nas chuô shông no tsênhv txos jê jux juk,  cxuô cấp, cxuô nganhx thiêz lưx lươngv muôx vax huôv nhoz Lai Châu nhiv no tsênhv sir jos kriz uô chor tsưr ziv, chiê phax tir tar têx phiv liv muôx yưv. Zơưv Nguyễn Văn Hưởng, Phưv Giám đốc Sở Zoz thôngz-Vận tải tỉnh Lai Châu puz pâuz: chiê taz por trâu chor cêr muk lok tâu thôngz, nhiv no nganhx Zoz thôngz-Vận tải ntơưv thax tsav qơư tưz chox kriê têx taz viv sêiz car cêr ar cxiv tsa têx tsưr ziv, chiê kho tâu ciês têx cêr zos muôx yưv ar xưz poz. “Sở tưz chox kriê chor nênhs thầu sir jos uô cov sêi chiê uô cov tiêr têx côngz trinhx kho đuô trơưk tsưr ziv, kho đuô têx qơư phiv liv, têx qơư zôngx ziv njiz trâus muôx ar xưz poz sâuv cxuô txox cêr. Sở cux tsênhv hêik trâu Ủy ban tỉnh thiêz Tổng cục Cêr ar Việt Nam paz chiê đơưk kho tâu têx phiv liv hâur ntu kriz uô”./.

(Khắc Kiên-Lik Thox cxêik nhênhv)

Uô lơưr têx cêr uô nênhx jông, ndo txos têx lênhx muôx côngz đas jos, chor lâul thâuv ntêx li txiêx njis, hâux lưv “ndo côngz pâux txiêx njis” hâur bôv đôiv tưz yênhx têx cơ quan, taz viv thiêz chor canr bôv, chiến sĩ lưv lươngv vũ trang tỉnh Yên Bái nuv uô tsi so, tâu seiz zos hâux lưv chính trị zov chênhr. Lưv lươngv vũ trang tỉnh nhiv no tsênhv lênhk nhav tsoz phưz 8 lênhx niêv Việt Nam zênhz shôngz; paz max nhiêx txiêx cxiv uô 27 luz tsêr niêv côngv siêz; muk shuôs, muôz huv puz trâu têx chuôz zis thiêz lênhx nênhs muôx côngz têz qơưk ndax six hơưv têx hnuz ntênhs, hnuz tsiêz; tsi so seiz njuôk shuôs, kho moz, pheiz yuôx tsi zuôr nhiêx trâu 1.312 lênhx nênhs muôx côngz têz qơưk…. Đros thiêz têx nuv uô jông li heik sâuv, hâux lưv “ndo côngz pâux txiêx njis” hâur lưv lươngv vũ trang tỉnh tưz uô tâu jông têx luôs hâux lưv paz max chor tuz lênhv trâul moz trâul saz thâuv ntu tir ntâuk trol châuz, têx lênhx tâu tas siv nênhx thâuv ntu tir ntâuk trol châuz li chuôz zis, nênhs cxênhz jê thiêz chor nênhs muôx côngz têz qơưk, paz uô jông đuô thiêz lênhx tuz lênhv zơưv Hloz Hôx li cêr uô nênhx jông, sik hluz siz paz chiê sơưr đơưk ziv muôx cêr sik thôngx siêz truôx./.

 (Báo Yên Bái-Riê Lâux cxeik, nhênhv)

Têis cik 9/5, sâuv txox cêr 279D, thax tsav xar Tạ Bú, huyện Mường La, tỉnh Sơn La muôx yưv iz txuz txiêz nanv zoz thôngz uô iz lênhx nênhs tuôs. Xor mông xuz thơưx puz pâuz, thâu têis cik hnuz 9/5, iz luz yêz ô tô tsênhv muk sâuv txox cêr 279D, txix Mường La lok trâu saz thành phố Sơn La, txos trâu thax tsav xar Tạ Bú, huyện Mường La tưz trâus pôngz trâu hâur pak đêx tênhv Nậm Bú. Txuz txiêz nanv tưz uô iz lênhx txir nênhx trâus tuôs. Ciês muôx yưv txuz txiêz nanv, chor lưx lươngv muôx vax huôv tưz tuôx trâu ntơưv kror qơư co chiê truz luz yêz lox lok thiêz zok nriêr lênhx nênhs trâus txiêz nanv. Đhâu muôx nhos 2 six hơưv tưz zok pov lênhx nênhs co thiêz choz zok trâu chuôz zis uô đaz uô kruô. Qir tiv txuz txiêz nanv tsênhz tâu chor lưx lươngv muôx vax huôv qênhz yuôx, nriêr pâuz cov tsênhz mênhx./.

(Trấn Long-Lik Thox cxêik nhênhv)