Têis cik 1/11, Cơ quan Cảnh sát Qênhz yuôx Công an tỉnh Lai Châu puz pâuz, taz viv tưz kriz đar qênhz yuôx txuz anr Nziêk đas nox nhiêx têz qơưk ntơưv Ủy ban xar Can Hồ, huyện Mường Tè, tỉnh Lai Châu. Lơưr co, Cơ quan Cảnh sát qênhz yuôx tưz tso tơưv cuêz tênhv khởi tố, cxov cơư tsês Nguyễn Thị Hồng Nhung, zus shông 1987, nhoz huyện Ứng Hòa, thành phố Hà Nội, zos côngz chức Phòng Tài chính-Tsưr ziv huyện Mường Tè thiêz zos kuz kế toán xar Can Hồ, huyện Mường Tè lok kror cxâuv uô cxâuv cui tênhv lok kế toán uô muôx yưv têx phiv liv lox. Cik txos txuz hâux lưv no, hnuz 31/10, Cơ quan Cảnh sát qênhz yuôx, Công an tỉnh Lai Châu tưz tso tơưv cuêz tênhv khởi tố txuz án, khởi tố zơưv Lý Chà Lối, Chủ tịch Ủy ban xar Can Hồ, huyện Mường Tè lok kror cxâuv nziêk đas nox nhiêx têz qơưk thiêz cxuô zav.

Nhiv no Cơ quan Cảnh sát qênhz yuôx, Công an tỉnh Lai Châu tsênhv tror nriêr pâuz nzir chiê muôx chor nênhs cik txos co xưv lik trơưk cêr chêi têz qơưk têx cui tênhv./.

(TTTB-Lik Thox cxêik nhênhv)

9 luz hlik shông 2022, huyện Bắc Hà tưz sâu đê tâu 2.876 tênhr njik yuôx zêx nhôngk, bâuv li 553 tênhr, tax 77% tsưr ziv tso tơưv, sâu tâu muôx 48 tyv đeiv ntâu. Co zos phênhv sâu tâu ntâu đuô hur si hâur ntu huôv tsar chos yuôx zêx nhoz tox siêz Bắc Hà. Nhiv no tas nro huyện Bắc Hà muôx 950 ha têz yuôx zêx; hâur co, zuôr xar 697 ha yuôx zêx shan tuyết tâu côngk nhav zos huôv tsar chos uô tâu jông, njuôk xav txix nhiv no txos kaz shông zuôr chos yiêz 10 ha, tsar ndê hur si têx liêx têz yuôx zêx hâur thax tsav huyện muôx 960 ha. Qơư sâu zuôr yuôx zêx truôx tuk, gri muôs têx yuôx zêx nhôngk zos 17 cxênhz đeiv iz cir, siêz đuô pir li thâuv ntêx, txix 2-3 cxênhz đeiv iz cir. Njuôk xav têx njik yuôx zêx nhôngk sâu đê tâu hâur shông muôx nhos 3.700 tênhr, gra lok phênhv sâu tax 63 tyv đeiv ntâu, tsav 5,2% hur si tsiv gri têx kôngz nuv./.

(Báo Lào Cai-Riê Lâux cxeik, nhênhv)

Hâur chêix ntux kruôr 2022-2023 no, huyện tox siêz Mù Cang Chải, tỉnh Yên Bái tsênhv sir jos chox kriê chor nganhx muôx vax huôv thiêz pêx xênhv chor xar sâuv thax tsav kriz uô jông chor tsưr ziv phax tar cuz tox cuz jôngr; sir jos txo grêk tsơưs têx phiv liv muôx yưv; paz tuôr chiê tâu jông têx thax tsav qơư jông jav, phưx vưv trâu huôv tsar du lịch njuôz. Xav jênhv côngz xưv sêiz car por vêv jôngr zos kror jênhv vưv zov chênhr xuz thơưx, ntu đhâu, huyện tưz chox kriê chor nganhx muôx vax huôv thiêz pêx xênhv cxuô thax tsav qơư sir jos uô truôx jông côngz xưv sêiz car, por vêv thiêz huôv tsar jôngr. Thôngx cxix sir jos yax kriê piêr pâuz cêr chêi lok sêiz car por vê jôngr txos trâu pêx xênhv pâuz… Zơưv Thênh Xênhv Shôngx, Phưv Hạt trưởng, Hạt Kiểm lâm huyện Mù Cang Chải puz pâuz:

“Pêz tưz uô truôx jông tas nro chor ban sêiz car phax tar cuz tox cuz jôngr têx xar thiêz chor tôv đôiv uô ntêx hlo nhoz têx jêx jok. Nhoz yênhx jêx jok nhiv no tưz uô qơư sêiz jor hluôr tơưl cuz jôngr ntơưv têx qơư zôngx ziv muôx yưv cuz jôngr, phêiz côngz trâu 2 ziv chuôz zis sêiz jor hâur iz hnuz hmo”./.

(TTTB-Lik Thox cxêik nhênhv)

Tiv ntux txơưr txar uô ruôr hiêv txos, chor nhuôs zâu tuôx seiz njuôk shuôs, kho moz gênhk ntơưv têx tsêr kho moz hâur tỉnh Điện Biên tsar ndê chôngz lênhx. Trơưk li Tsêr kho moz Đa khoa tỉnh Điện Biên thôngz sâu, hâur 2 luz hlik jê lok no, tưz muôx 17 cxênhz ntâu lênhx  nênhs moz tuôx seiz njuôk shuôs moz, tsar ndê zuôr xar 15% pir li shông uô ntêx. Hâur co, chor nhuôs zâu zos 4.200 lênhx, tsar ndê 44% ntâu. Chor nhuôs phênhv ntâu zos trâul moz njưk, moz cêr uô pa, moz chax đaz, moz plaz….. Têx moz co viv tsi tâu tâu muôx yuôx jông lok kho, tsuôk muôx yuôx nox, hâuk phax tar mê njik xưz. Chênhr viv li, chor uô niêv uô txir muôx mê nhuôv zâu tsuv tsơưs chiê nhuôs nhoz jê đros têx lênhx nênhs tsênhv hnôngk, lok cuô njưs; muôz tsôngk tril yo sor trâu nhuôv hnar thâuv têx hnuz no njiv, lar heik zos tas cik sơưr nzor thiêz thâuv hmo ntux. Iz chas ntơư zos caxx yuôx phax phôngz moz cxix cxuô trâu têx nhuôs zâu; thâuv pov nhuôs trâul hnôngk, uô cuz uô no mak zênhx max chox mê nhuôv muk chuôs cưk yuôx chiê tâu seiz njuôk shuôs moz thiêz chơưv kho nzor./.

(Vũ Lợi-Riê Lâux cxeik, nhênhv)