Tỉnh Lào Cai nhiv no muôx 50 ntâu qơư di tích vênhx huôv tâu côngk nhav jông cấp têz qơưk thiêz cấp tỉnh đros trâu 30 ntâu têx ntênhs hội thiêz cxuô heir nênhs li yênhx châuv zav nuv uô thâuv nzor tâu cxiv uô đuô. Zos iz thax tsav qơư sơưr thơưx hâur têz qơưk lok muôx ntâu txux chi di sản vênhx huôv, zuôr xar 40 di sản vênhx huôv txơưr cấp têz qơưk thiêz iz cxiê di sản vênhx huôv jông. Co chênhr zos qơư truôx chiê huôv tsar ju lix, krêz uô têx muôx jông ntơưv qơư. Zơưv Dương Tuấn Nghĩa, Tsar Phongx seiz car di sản, Sở Vênhx huôv-Thêv thao tỉnh Lào Cai heik mênhx: Tsưr ziv jông chiê cxiz ju lix Lào Cai huôv tsar zos por hưv têx txux chi vênhx huôv.

“Lào Cai tsưr ziv huôv tsar kinh tế cux tsênhv xav tinhv ju lix zos ngênhx kinh tế zov chênhr hâur tỉnh, Chênhr viv li, zos por hưv tâu jông têx txux chi vênhx huôv zuôr zos iz kro lok six zov chênhr chiê uô tâu têx xiv huv jông, hu zâuv tsôngv kruô ziv hnuz ziv muôx ntâu tus chôngz lênhx tuôx Lào Cai ndis shuôs uô si”./.

 (An Kiên-Riê Lâux cxeik, nhênhv)

      Chiê heik kriê lok têx jông lok chính sách tsov cưv yưv pênhr huôv tsar thiêz heik kriê tsoz sâm, hâur têx hnuz txiêx 11-13/11 zuôr txos, jiês xuz thơưx tỉnh Lai Châu zuôr tsưr tsix Ntênhs ciêz Sâm. Thôngz đhâu ntênhs ciêz, têx doanh nghiệp zuôr tâu nriêr pâuz, yưv pênhr, sik côngv đros tsôngv box tsêz chos, tsiv uô tsoz sâm thiêz têx xiv huv txix sâm. Ntênhs ciêz zuôr muôx têx huôx tôngv li piêr kriê xiv huv sâm Lai Châu, ntênhs phêv cxơưz cxiz yưv pênhr huôv tsar thax tsav chos Sâm Lai châu, phêv thảo choz KHKT huôv tsar sâm Lai Châu./.

(TTTB-Txâur Vax cxeik nhênhv)

      Ntơưv Tuần Giáo, txir hơưk zos zav tsoz chos tâu chos ntâu đuô hur si pir li lưv zav tsoz chos txơưr đuô hâur xuz jôngr. No zos zav tsoz chos sâu đê txir, phênhv ntâu chiê uô txux lov, shơư têx zav nox, uô yuôx….. Xav tinhv tâu txir hơưk li têx jông co, đros trâu ntơưv qơư jông huôv tsar uô ntâu zav, viv li huyện Tuần Giáo tưz krêz đar liêx têz chos txir hơưk hâur thax tsav. Hâur co, Têz Phôngz zos xã xuz thơưx chos siv têx txir hơưk txix chor shông 90, muôx 2, 3 ha. Txos nhiv no, tas nro xã tưz muôx 80 ntâu ha txir hơưk thiêz tâu chos ntâu đuô hur si ntơưv jok Yar Tưv, Ten Hon thiêz Har Zux. Gri txir hơưk truôx tuk 130 cxênhz đeiv iz cir. Lênhx nênhs chos txir hơưk iz ha sâu tâu txix 40-50 tsov đeiv iz shông. Khov co, têx txir hơưk nhoz Têz Phôngz tưz paz lok six ntâu chuôz zis hla đhâu cêr pluôs./.

 (Báo Điện Biên-Riê Lâux cxeik, nhênhv)

      Txox cêr muk txix huyện Lục Yên (Yên Bái txos huyện Bảo Yên (Lào Cai) nhiv kruôr chox lok sir zôngv hâur shôngk shông 2022, taz sik nhiv no njuôs xav zuôr trâus tul đêx Chảy ngaz tas hur si. Txir txuôk huyện Lục Yên(Yên Bái) thiêz Bảo Yên(Lào Cai) tâu krêz côngz cxiv tsa txix hli 6/2021, lơưr ploz tsênhr cấp 5 tox siêz, ntêr 13 cei cêr ntâu, đar 6,5 yiv, đros tas nro pênhr yưv uô zos 60 tỷ đeiv; hâur co, nhiêx txiêx cxiv tsa zos 50 tỷ đeiv ntâu, đros têx phênhv nhiêx txiêx txơưr. Txos hâur shônkg shông 2022, txox cêr no tâu uô tiêr thiêz chox lok sir zôngv, paz tsôngv box 2 huyện muk lok zôngx ziv đuô; jông chiê huôv tsar KTXH. Taz sik nhiv no txox cêr no muôx 3 qơư njuôs xav zuôr trâus poz lok hâur tul đêx Chảy, tiv zix zos ntu kuôk UB xã Minh Chuẩn muôx nhos 2-3 puôk yiv. Nhiv no zos muôx ntux lok nas lok sik đêx pur siêz tuôx mak zuôr uô zênhr shar hnhar txos txox cêr no./.

(TTTB-Lan dịch đọc)