Yuôr 2 hnuz xưz, đros trâu tas nro têz qơưk, 8 cxênhz ntâu lênhx shux xênhz hâur tỉnh Yên Bái zuôr qir tưr thik cơưv tiêr lớp 12 shông 2022.

Jiês thik cơưv tiêr ntơưr lớp 12 shông 2022 zuôr tưr thik hâur 2 hnuz xiêz 7 thiêz xiêz 8/7. Truôx tuk li shông 2021, têx jax thik tâu uô trơưk iz zav li shông uô ntêx zos: Toán, Ngữ văn, luk saz têz qơưk đrâuv thiêz 2 jax thik tổ hợp. Tas nro tỉnh Yên Bái muôx iz Hôiv đôngx thik thiêz 28 qơư thik nhoz têx tsêr cơưv cxênhx 3 hâur thax tsav, 8 cxênhz ntâu lênhx shux xênhz đas cir dưv thik, hâur co muôx 6.890 ntâu lênhx shux xênhz cxênhx 3, zuôr xar 1.200 lênhx shux xênhz giáo dục thường xuyên; 360 lênhx shux xênhz zos têx lênhx tưr thik tsi tâu hâur têx shông uô ntêx; chor shux xênhz tsuôk đas cir tưr thik tas nrơưr lớp 12 zos 1.830 ntâu lênhx.

Đros trâu kriê têx lênhx canr bôv uô hâux lưv seiz tưr thik, txos iz jiês no, chor qơư thik tưz bax uô tiêr cxuô luôs hâux lưv taz por txiv ngaz, truôx tuk ntơưv qơư por hưv têx jax thik…. Hâux lưv vêv xênhz truôx tuk zav nox, truôx tuk zoz thôngz, phax tơưs cuz, tsưr ziv đơưk uô têx phiv liv txơưr đuô cux tưz bax uô tâu jông hur si trâu jiês thik cơưv tiêr ntơưr lớp 12 shông 2022 taz por truôx tuk thiêz ntov jông./.

 (Báo Yên Bái-Chia dịch đọc)

Jiês thik cơưv tiêr THPT shông no, tỉnh Điện Biên muôx 23 qơư thik đros 6 cxênhz 400 lênhx shux xênhz dưv thik, njuôs xav muôx 1 cxênhz 200 cán bộ, cưk kriê seiz thik. Zơưv Nguyễn Văn Đoạt, Giám đốc Sở zaoz zux tỉnh Điện Biên puz pâuz: sở tưz yênhx lix têx đoanx qênhz yuôx uô ntêx thâuv tsưr tsix thik lok taz por cxuô zav trâu jiês thik; kriê cxaz cán bộ seiz thik; chuôz tsar côngz xưv yax mông chiê pâuz tâu xor mông cxix cxuô lok jiês thik trâu cưk kriê thiêz shux xênhz. Đrâuv 23 qơư thik, đros 290 qar thik truôx, nganhx cux bax 37 qar tos thik, 46 qar thik dưv phax trâu jiês thik:

          "Txos nhiv no cxuô hâux lưv bax trâu jiês thik tưz tâu uô tiêr txix yênhx lix Ban chox kriê Hội đồng thik, têx ban yênhx lix Hội đồng seiz thik thiêz têx ban txơur hâur Hội đồng thi puôr lênhx uô trơưk Bộ zaoz zux li tsưr ziv. Tỉnh Điện Biên cux tưz tsưr tsix kriê cxaz nghiệp vụ trâu cán bộ seiz thik txix ciês thâuv muk thox cxov ntơưv Bộ zaoz zux lok"./.

(Vũ Lợi-Txâur Vax cxeik nhênhv)

Hâur 6 luz hlik hâur shôngk shông thâuv moz Covid-19 sâuv thax tsav tỉnh Lai Châu tir thêir tâu, cxuô luôs hâux lưv uô nox, uô lax luôv tưz huôv tsar tâu truôx tuk. Xav hur si têx phênhv sâu tâu hâur tỉnh tax zuôr xar 6 cxênhz tyv đeiv, tsar ndê 9% ntâu. Phênhv ntâu cxuô luôs hâux lưv puôr lênhx uô tâu jông  đuô pir li shông 2021. Ngênhx Kôngz nuv, nhiv no ntơưv qơư muôx 13 cxênhz ntâu ha ntông cao su, 8.500 ntâu ha yuôx zêx, muôx nhos 4 cxênhz ha tsơưz. Têx tsoz chos chênhr uô tâu muôs trâu luôs 2 chas têz qơưk đrâuv, khov co muôz hâux lưv uô thiêz phênhv sâu tâu truôx trâu yênhx cxênhz lênhx lox tôngv ntơưv qơư. Zơưv Nguyễn Hữu Phước, Phưv Tổng giám đốc Công ty cao su Lai Châu II heik pâuz: Shông 2022, taz viv tso cuô mik 3.300 ha ntông cao su, đhâu 3 luz hlik fuô uô luôs hâux lưv co, tưz tso tâu zuôr xar 900 tênhr, tax xar muôx 29% tsưr ziv tso tơưv.

“Xuz thơưx zos công ty tsov cưv trâu hâux lưv truôx tuk huôv tsar uô nox uô hâuk, muôz hâu cêr trâu huôv tsar truôx têx liêx têz tsoz chos, iz chas co uô tâu 3 hâux lưv lok huôv tsar kinh tế reik đros Xã hội li txơưx jênhv thiêz por hưv tênhx qơư”./.

(Khắc Kiên-Riê Lâux cxeik, nhênhv)

Ntux lok nas lox tas cik hnuz xiêz 3/7 tưz uô 1 lênhx nênhs trâus plxõ mông, 3 lênhx trâus saz nhoz xã Si Pa Phìn huyện Nậm Pồ, tỉnh Điện Biên thiêz ruôr hiêv ntâu chuôz zênhx chuôz tas.

Tsênhz mênhx muôx 5 ziv nhoz xã Nà Nhạn (TP Điện Biên Phủ) trâus tox poz uô ruôr hiêv tas nro têx côngz tsinhx txơưr, têx chuôz zis co tsuv txar qơư nhoz; 1 ziv nhoz xã Mường Đăng, huyện Mường Ảng, ar poz lok hâur tsêr thiêz njuôs xav zuôr tror trâus ar poz lok.

Ntux nas cux uô đêx ngaz 130 hecta blêx nhiv kruôr chos ntơưv TP Điện Biên Phủ, 20 hecta zuz blês nhoz 3 xã Búng Lao, Ngối Cáy, Mường Đăng (huyện Mường Ảng); 50 hecta blêx chiv ntux yiêz tưz txos six hơưv sâu. Đrâuv co, ntâu mênhv chêx kôngz lôngk, pas đêx tu zus njês, guôx tu zus tsiêx cxu keiz ok cux trâus đêx cuôr yôngz. Njuôs xav ruôr hiêv muôx nhos 6 tỷ đeiv./.

(Vũ Lợi-Txâur Vax cxeik nhênhv)

6 luz hlik hâur shôngk shông no, chor công an tỉnh Sơn La tưz seiz car thiêz đros qênhz pov, xưv bluô 729 txuz, 893 lênhx nênhs zuôr muôs, uô luôv zax zênhz tsi trơưk chei; sâu ntês tâu xar muôx 20 cir zênhz đơưz, 400 cxênhz ntâu njiêr yuôx shơư zênhz thiêz iz cxiê zav chuôz zênhx txơưr đuô cik txos. Iz chas co, công an cux tưz vênhv tôngv, yơưz ntêk 30 lênhx nênhs trâul uô cxâuv chei têz qơưk.

Đros trâu sơưr tơưv txênhz, tir thêir têx nênhs uô cxâuv chei, lar heik zos lok sâuv zax zênhz, ntu no Công an Sơn La cux tưz uô ntâuz ntơưr, qênhz yuôx zuôr xar 1.100 txuz, 1.400 lênhx nênhs uô cxâuv chei têz qơưk trơưk li cui tinhv……; nhênhz chơưv trâu Uỷ ban tỉnh chox kriê Công an Sơn La lês uô jông têx hâux lưv têz qơưk lol seiz car phax cuz tuô cuz thiêz chơưv paz lênhx nênhs ntu 2020-2025; sir jos uô jông têx faz tsưr ziv taz por truôx tuk zoz thôngz…… Hâur 6 luz hlik tưz qênhz pov, xưv bluô zuôr xar 7.500 lênhx nênhs uô cxâuv chei têz qơưk têx cui tinh, bluô nhiêx tâu 2,5 tyv đeiv, tuôr tsês zuôr xar 1.200 luz yêz cxuô zav./.

 (DTPT-Riê Lâux cxeik, nhênhv)