Đhâu 1 hnuz ntâu sir jos zok nriêr, đôiv chơưv paz tưz muk txos jê trâu kror qơư muôx lênhx công nhân trâus đêx cuôr plox mông hâur kror tso đêx tsêr mêir đêx tênhv ntơưv xã Si Pa Phìn, huyện Nậm Pồ, tỉnh Điện Biên. Côngz xưv chơưv paz tror tâu chor lưx lươngv muôx vax huôv tsêx trung kriz uô. Hâux lưv gruk đêx hâur luz kror no lok tâu gruk yênhx hnuz hmo chiê nzor muk txos trâu kror qơư nênhs trâus txiêz nanv nhoz.

Zơưv Tùng Xênhv Lik, nênhs trâus nanv tuk txir puz pâuz: Ziêk Xênhv Lik zos tuk nhuôv tiv oz, tưz muôx pox niêv thiêz pêz tuk mê nhuôv tsênhv zâu. Chuô zis luz nênhx lok six txov nhêv, Ziêk zos nênhs khưr uô nox chênhr hâur chuôz zis, nhiv kruôr thor tâu tuôx uô hâux lưv muôx nhos 3 luz hli. Txix thâuv txêik tâu mông mê nhuôv njiz trâus txiêz nanv, tas nro chuôz zis lok six cxơưx, vav tiêk chinhr quyền nzor zok nriêr tâu zuk tuk nhuôv.

Zơưv Nhè Ly Xênhv Hav, Phưv Chủ tịch Ủy ban huyện Nậm Pồ puz pâuz, lưx lươngv chơưv paz tưz muôx txos 170 lênhx nênhs. chor mêir gruk đêx cux tâu chiê sir jos gruk têx đêx, lưx lươngv chơưv paz sik hlôngr nto zok nriêr cov nriêr tâu nênhs njiz trâus txiêz nanv nzor tiv zix./.

(Vũ Lợi-Lik Thox cxêik nhênhv)

Mông txix Ban seiz car Thax tsav Kinh tế tỉnh Lào Cai heik pâuz, qir txix hnuz xiêz 04/7, saz Trung Quốc tax nduô tsês  tsi zuôr muôs tas nro têx hax huv đhâu trôngx đriv ntiêx têz cêr ar sôr II Kim Thành (TP Lào Cai) viv qênhz pov muôx têx tsi jông nhoz chor hax huv heik sâuv. Têx tsi jông co cik txos caz moz SARS-CoV-2 qênhz pov nhoz chor hax huv zuôr txix Việt Nam lok.

Uô ntêx co tsi ntêr, lok hnuz 25/6, đhâu 4 luz hlik ntâu tax nduô stês, saz Trung Quốc thôngx ziv uô siv tso chei tror zuôr Việt Nam iz cxiê têx txir ntông li: Txir lưv tsiz, txir thanh long (lok zos txir lix xênhz), txir tsơưz, mo môngk đhâu Lào Cai. Taz sik, tsênhz tiês cux phiv liv, lơưr saz Trung Quốc zuôr lok six tsơưs, muôx kênh hnuz zuôr ntâu cux tsuôk 25 yêz hax huv tâu muk đhâu đriv têz xưz. Tsênhv thâuv co, ntơưv trôngx đriv ntiêx têz cêr ar sôr II Kim Thành nhiv no cux tsênhv yuôr lok six ntâu yêz thâux hax huv nhoz co tok chiê tâu muk lol đhâu ntus đriv./.

 (An Kiên-Riê Lâux cxeik, nhênhv)

Njiê tix lâus Muôk Xênhv Zax nhoz jok Khấu Ly, xar Bản Mù, huyện Trạm Tấu, tỉnh Yên Bái txiêr têx jâuz tâux, vâuv kâuz uô zav nox trâu chor nhux, tưv tsênhv tâu tu zus cơư hâur guôx, lênhx tưs cux xar tsik txos. Viv thâuv ntêx no mak tsôngv box Hmôngz cux tsuôk cor cav tu zus tsơưs thiêz tso yar xưz.

Tix lâus Muôk zos nênhs sir jos, txơưx uô nox, thâuv jênhv pâuz tâu tiêk tu zus tsiêx cxu cơư hâur guôx cux muôx tâu liv ntâu đuô pir li tu zus tso yar, tix lâus tưz cuêz tênhv hlôngr yiêz đuô tsưr ziv tu zus. Đros co, tix lâus Muôk cux tâu paz pênhr nhiêx muôx 30 triệu đêiv trơưk Hôiv đôngx tỉnh Yên Bái li Nghị quyết 69.

Nhiv no, hâux lưv tu zus trơưk tsưr ziv cơư hâur guôx đros trâu tso yar li no tưz paz trâu tix lâus Muôk chuôz zis sâu tâu muôx 200 triệu đêiv iz shông:

“Têz qơưk paz li co mak zuk chuôz zis cux sir jos chiê uô nox. Thâuv tưs hâur guôx cux muôx txix 7 txos 10 tuk nhux, tưv. 6 luz hli nhiv kruôr đhâu mak xav oz niêv txir iz lênhx tâu 8 triệu đêiv”./.

(Đinh Tuấn-Lik Thox cxêik nhênhv)

Pir li chor xar nhoz sâuv thax tsav huyện Tân Uyên, tỉnh Lai Châu mak xar Hố Mít, Tà Mít nhiv no cux tsênhv zos oz thax tsav njiz trâul phiv liv ntâu hâur hâux lưv hêik pêx xênhv cxaz chuôz trâu BHYT đhâu thâuv tsik tâu sơưv têx phênhv paz lơưr Cuêz tênhv 861/QĐ-TTg lok sâuv uô bê ntơưr chor xar thax tsav 3, thax tsav 2, thax tsav 1 nhoz hâur thax tsav tsôngv box mênhx cxưx tsơưs nênhs thiêz tox siêz ntu 2021-2025 tâu uô trơưk txix hli 6/2021.

Kror phiv liv no tâu  tix lâus Phạm Văn Nghĩa-Chủ tịch Ủy ban xar Hố Mít hêik pâuz: txix tâu paz 100% nhiêx zuôr BHYT trâul txiêr tas hur si tsik tâu sơưv iz kror paz hlo, pox nhuôs cux tsênhv tsik tâu sưv đros trâu têx zuk tsuv muôz zuk têx nhiêx txiêx muôx yênhx triệu đêiv chiê zuôr ntơưr BHYT trâu chor nênhs hâur chuôz zis. Lơưr Ủy ban xar Hố Mít li thôngz sâu, hâur 6 luz hli hâur shôngk shông, chor ntơưr BHYT zos pêx xênhv thêv nhiêx zuôr tsuôk muôx 39 lênhx, bâuv li 1% ntâu. Xav tas nro chor ntơưr BHYT trơưk chor nênhs zuôr li: Mênhx cxưx tsơưs nênhs, chuôz zis pluôs, nhuôs zâu…xar nhiv kruôr tax tâu muôx 43% tsưr ziv tâu choz./.

(DTPT-Riê Lâux cxeik, nhênhv)

Txix hâur shôngk shông txos nhiv no, Khoa Pa đas jos-Phax tar tưx, Tsêr kho moz Đa khoa tỉnh Sơn La tưz txêik kho muôx 10 ntâu lênhx nênhs trâus naz muôx tưx tov thiêz 1 lênhx nênhs trâus tưx hnhar tsuv yêv muk trâu thênhv siêz chiê chơưv kho.

Bác sĩ Mè Thị Xuân, Trưởng khoa Chơưv paz-Phax tar tưx, Tsêr kho moz Đa khoa tỉnh Sơn La puz pâuz: Thâuv trâus naz muôx tưx tov, nênhs trâus tov tsuv tâu chơưv paz ciês, cov chor tưx gas trâus hâur luz chêr kênhz; phax tar têx phiv liv njiz trâus. Taz sik, chơưv paz li chak mak cux tsuv muôx tsưr ziv chiê tsik uô trâu nênhs trâus tưx co hnhar đuô:

“Chor nênhs trâus naz tov tuôx chơưv kho mak tsik so muôz zak zưr khi truôx uô trâu têx têk, tơư xiêr tas, li co mak cux tsik jông, viv tir tar tsik tâu tưx thiêz zuôr uô trâu têx têk tơư trâus tuôs. Jông tiv zix zos zôngv iz đêiv ntâuz lox khi trâu xưz, khi cov têx têk tơư tsik xiêr, tsik txiêk”.

Chor bác sĩ hêik pâuz, zos tiêk trâus naz tov, sơưr đơưk tsuv tuôx ciês trâu têx qơư y têr chiê tâu chơưv paz txix yuôx phax tar tưx naz thiêz tâu sêiz shuôk, xưv lik zos muôx yưv têx phiv liv txơưr. Iz chas co, sơưr đơưk cux tsuv muôx cxuô zav por vêv trâu  zuk thâuv muk hâur har jôngr, har phaz chiê phax tar trâus naz tov hâur chêix ntux nas./.

(Lê Hạnh-Lik Thox cxêik nhênhv)