Chiê taz por ngaz tuk trâu lưx lươngv uô côngz xưv sêiz car thik tưr thiêz chor shux xênhz hâur jiês thik cơưv tiêr ntơưr cxênhx pêz shông 2022, Sở Zoz zux Lai Châu tưz sik côngv đros cxuô thax tsav qơư thiêz chor nganhx muôx vax huôv txơưr kriz uô têx tsưr ziv taz por ngaz tuk trâu jiês thik tưr.

Zơưv Nguyễn Tiến Quý, Chủ tịch HĐQT, Giám đốc Công ty Cổ phần sêiz car cêr ar I Lai Châu puz pâuz: Taz viv tsênhv sêiz car, uô hâux lưv kho đuô zuôr xar 500 cêik cêr ntơưv têx huyện Mường Tè, Phong Thổ thiêz Sìn Hồ. Chiê taz por trâu chor ntu cêr muk lok tâu thôngz, taz viv tưz tso têx mêir, chuôz zênhx thiêz bax uô têx tsưr ziv sik côngv đros chor lưx lươngv nhoz sâuv thax tsav bax uô kho đuô têx qơư phiv liv chiê taz por zoz thôngz thiêz paz jông trâu lưx lươngv uô côngz xưv thik tưr thiêz shux xênhz thâuv tuôx muk trâu ntơưv kror qơư thik:

“Nhiv no pêz tưz kriz uô qênhz yuôx tas nro chor qơư zôngx ziv njiz trâus phiv liv, chiê hêik trâu Sở Zoz thôngz-Vận tải pâuz thor tsưr ziv chiê kho đuô. Pêz tưz bax 33 luz yêz, mêir tso trâu sâuv cxuô ntu cêr, xav xar muôx 30 cêik cêr mak tso iz luz mêir, têx qơư phiv liv mak tso yêz, mêir chiê chơưv kho, sêiz jor yênhx hnuz hmo. Lok chuôz tav cxuô zav thiêz lênhx nênhs mak pêz cux bax txâuk thâuv muôx yưv đêx ngaz cuôr mak taz por cov cêr muk lok tâu thôngz”./.

(Khắc Kiên-Lik Thox cxêik nhênhv)

Hâur jês thik cơưv tiêr THPT shông no ntơưv tỉnh Yên Bái, đros chor shux xênhz muôx luz nênhx txov nhêv, Sở zaoz zux tưz đros Công đoàn nganhx côngv đros chính quyênx tiv phaz, Hội cxiz cơưv, Hội chữ thập đỏ têx cấp cxiv tsa tsưr ziv paz txưv, taz por tsi muôx shux xênhz tso tsês tsi tuôx thik tiv luz nênhx txov nhêv. Txos hnuz xiêz 4/7, muôx 460 ntâu lênhx shux xênhz tưz jênhv tâu paz txưv, chungz fênhx iz lênhx shux xênhz zos 200 cxênhz đeiv.

Zơưv Nguyễn Thành Lê, Phưv chủ tịch UB huyện Trấn Yên puz pâuz:

“Uô ntêx thâuv qir lok trâu jiês thik pêz tror seiz car đuô tas nro têx qar thik, têx tsưr ziv phax tar ntux nas, vêv xênhz taz por zav nox, taz por zaoz thôngz, txiv ngaz....Txos nhiv no, cxuô côngz xưv bax trâu jiês thik tâu uô trơưk tsưr ziv tso tơưv. Pêz cux tưz chox kriê têx mê nhuôs nhoz têx xã muôx têx tul đêx chêx chôngk tuôx ntiêr qơư nhoz hâur têx hnuz thik chiê tsi trâus zênhr shar tiv ntux nas. Đros mê nhuôs muôx luz nênhx txov nhêv mak cux tâu paz txưv chiê mê nhuôs tso siêz thik ntơưr”./.

(Thừa Xuân-Txâur Vax cxeik nhênhv)

Sở Zoz zux tỉnh Điện Biên nhiv kruôr kriz uô cxiv luôs paz trâu côngz xưv thik tưr thiêz xêir zuôr shux xênhz shông 2022, lơưr co shux xênhz, shux xênhz niêv txir xar nus đaz tsi cik txos jiês thik tưr cơưv tiêr ntơưr cxênhx pêz shông 2022 mak nus đhâu Phòng Khảo khí - Kiểm định tsơưr lươngv zoz zux thiêz Công nghệ thôngz mông li tuk sôr tênhv zos (0215.3824.381, hâur six hơưv uô hâux lưv).

Đros têx kror pâuz tsik tâu tsênhz, huôv xênhz nzir hâur hâux lưv xêir zuôr shux xênhz cơưv Đại học, Cao đẳng nganhx Zoz zux nhuôs zâu mak zuôr nus đhâu Phòng Zoz zux thường xuyên-Chuyên nghiệp thiêz Nhênhz chơưv khoa học tuk sôr tênhv (0215. 3826.363, hâur six hơưv uô hâux lưv).

Đrâuv chor phòng, ban chuyên môn nhoz Sở li têx paz, shux xênhz, shux xênhz niêv txir tsênhv zuôr nus ciês lênhx tov nganhx đhâu lơưr têx sôr tênhv; hâur co, zơưv Nguyễn Văn Đoạt, Giám đốc Sở tuk sôr tênhv zos 0913.542. 616./.

(Vũ Lợi-Lik Thox cxêik nhênhv)

Tâu chos ntơưv tỉnh Sơn La txix têx shông 1945, đhâu 75 shông ntâu, tsoz cà phê Arabica tưz yênhx tsoz chos tsênhv nhoz ntâu thax tsav tox siêz hâur tỉnh, chox lok phênhv sâu siêz trâu tsôngv box nôngx mênhx.

Nhiv no, chor cà phê phênhv ntâu tâu tsiv uô lơưr tsưr ziv chiê taz por muôv muôs cà phê trâu tsôngv box, chuv tôngv phax tar, seiz car, thiêz yưr lir têx uô cxâuv lok kiês nênhs tênhx qơư, por vêv tênhx qơư, hâur đêx, tỉnh Sơn La tưz chuôz tsar qênhz yuôx, seiz car hâux lưv uô trơưk cui tênhv por vêv tênhx qơư thiêz têx vênhv thix muôx lênhx coaz đros têx qơư tsiv uô cà phê sâuv thax tsav tỉnh./.

(TTViệt-Lan dịch đọc)