Tỉnh đoàn Yên Bái tưz tso oz đôiv hluôk nênhs uô ntêx hlo cxaz chuôz “paz trâu hâux lưv thik tưr”. Ntơưv no, đoanx hluôk nênhs cxaz chuôz kho đuô têx trôngx tos, vêv xênhz tsuôs yuôx tuô lov caz moz; hêik shux xênhz, shux xênhv chor nênhs cxênhz jê uô jông lơưr têx cui tênhv hâur phax tar caz moz Covid-19. Thôngx cxix, kriê trâu shux xênhz thiêz shux xênhz chor nênhs cxênhz jê pâuz têx qơư nox hâuk fênhx zis, taz por ngaz tuk vêv xênhz zav nox. Iz chas co, tsưr tsix sêiz jor yêz cxuô zav, phưx vưv đêx hâuk, muôz zav nox sơưr nzor, chuôz zênhx cơưv ntơưr tsik tas nhiêx txiêx….Tix lâus Triệu Trí Lộc, Phưv Bí thư Tỉnh đoàn Yên Bái puz pâuz:

“Hâur jiês thik pêz sik côngv đros chính quyền, chor tsêr cơưv ntơưr qênhz shuôk, nriêr pâuz xor mông, nzor phax tar tâu têx phiv liv txos trâu shux xênhz thiêz muôx chor đôiv hluôk nênhs uô ntêx hlo chiê tok, xa chor shux xênhz tsik zuôr nhiêx txiêx”./.

(TTTB-Lik Thox cxêik nhênhv)

Đêx nas hloz  ntưk lol trâu tus đêx Phi Lĩnh, uô  đêx huôv lox, pưx lok qơư cxiv tsa côngz trênhx đêx tênhv, thax tsav tsênhv taz tov zok nriêr lênhx công nhân Ziak Xênhv Lik trâul đêx cuôr yôngz, khuôz đeis hâur kror tâuz cxiv uô côngz trênhx đêx tênhv tsuv tax nduô tsês, tsi uô hâux lưv zok nriêr.

Zơưv Bùi Văn luyện Chủ tịch Uỷ ban huyện Nậm Pồ, tỉnh Điện Biên heik pâuz: Zar hnuz kêix thiêz tsâuk ntux xiêz 05/7, sâuv thax tsav tus đêx Phi Lĩnh đêx huôv hloz thiêz pưx lok trâu hâur kror tâuz sôr 03 cxiv uô côngz trênhx đêx tênhv-qơư chor lưv lươngv tsênhv taz tov zok nriêr lênhx công nhân trâul pôngz plox mông hâur kror tâuz. Txix têx phiv liv li heik co, luôs hâux lưv chơưv paz tưz tsuv tax nduô tsês hâur ntâu six hơưv chiê phax tar đêx nas lox, tsi chiê đêx tror huôv lox ntưk lol trâu luz kror tâuz co. Txos tas cik hnuz xiêz 06/7, cxuô luôs hâux lưv zok nriêr cux tsênhv njiz trâul lok six ntâu phiv liv. Nhiv no tưz tsuv hlôngr đuô tsưr ziv uô chiê taz por truôx tuk trâu chor nênhs lês uô luôs hâux lưv heik sâuv./.

 (Vũ Lợi-Riê Lâux cxeik, nhênhv)

Mường Vi zos thax tsav chos ntâu blêx tiv zix nhoz huyện Bát Xát, tỉnh Lào Cai đros muôx chor blêx Séng cù-zav hax huv kôngz nuv jông, kaz tưz zos yênhx kror hax huv nto bê ntơưv thax tsav tox siêz no.

Phênhv ntâu chor blêx séng cù ntơưv no tâu chos trơưk vuôk har Mường Vi, tâu tsôngv box Giáy, Cho chos lơưr tsưr ziv cxongx nzor viv li chor blêx jông, tsư kaz… Hâur ntu nhênhz chơưv lok têx hax huv kôngz nuv jông tỉnh Lào Cai, niêv tix Phạm Thị Hảo, Giám đốc Hợp tác xã Kôngz nuv Hảo Anh pov tâu chor cxur Séng cù ntơưv Mường Vi (Bát Xát) muôx tsơưr lươngv tsơưr pưr siêz đuô ntâu zav cxur txơưr đuô, chor cxur no cux tâu ciêz đrôngs nhiêv thiêz njuôk xav txix ntâu shông uô ntêx. Viv li, niêv tix sir jos chiê cxiv tsa côngz bê trâu chor hax huv cxur Séng cù Mường Vi no./.

(Báo Lào Cai-Lik Thox cxêik nhênhv)

Suôz bê yuôx zêx Lai Châu tưz thiêz tsênhv khav tinhv qơư sơưr hâur ciêz đrôngs hâur thiêz đrâuv luôs 2 chas têz qơưk, đros trâu ntâu zav xiv huv jông, tsơưr lươngv trơưk ntiêx têz cui tinhv. Lar heik, yuôx zêx Lai Châu tsênhv tâu muôs trâu têx ciêz đrôngs đrâuv luôs 2 chas têz qơưk li: Nhật Bản, Hàn Quốc, Đài Loan, Châu Âu, Trung Đông…. Txix ntơư, gra lok phênhv sâu siêz, cxơưz paz đas jos chiê tsôngv box tso siêz huôv tsar uô thiêz tu têx yuôx zêx.

  Nhiv no tas nro tỉnh muôx zuôr xar 9 cxênhz ha yuôx zêx uô muôs, xav kror đruôz đraz iz ha sâu đê tâu 73 tạ ntâu njik yuôx zêx nhôngk, chor njik yuôx zêx nhôngk jông gâux, kaz tax 45 cxênhz tênhr iz shông, bâuv li 11 cxênhz tênhr têx njik yuôx zêx kruôr. Yuôx zêx tâu huôv tsar yênhx thax tsav chos ntâu nhoz chor huyện: Than Uyên, Tân Uyên, Tam Đường, Phong Thổ, Sìn Hồ, đros thiêz phênhv ntâu zos têx yuôx zêx Shan, yuôx zêx lâul…. Iz chas co, hâur thax tsav tỉnh muôx 91 qơư tsiv uô yuôx zêx, hâur ntơư muôx 20 ntâu công ty, HTX sik côngv đros tsôngv pêx xênhv uô txix: Đros chos, đros tu, sâu đê, tsiv uô, zuôr muôs têx yuôx zêx./.

(Báo Lai Châu-Riê Lâux cxeik, nhênhv)