Sik đros paz max shux xênhz truôx siêz hla đhâu jiês tưr thik, yênhx puôk lênhx đoàn viên, hội viên pox niêv, nôngx mênhx têx xã ntus đriv đros cán bộ, chiến sĩ zênhx pênhz phax trôngx đriv Chiềng Khương, huyện Sông Mã, tỉnh Sơn La tưz sik côngv tês uô mor nox tsi pôngz nhiêx txiêx trâu shux xênhz muôx luz nênhx txov nhêv nhoz qơư thik zos tsêr cơưv cxênhx 3 Chiềng Khương, zos qơư thik nhoz xã ntus đriv huyện Sông Mã.

Tix lâuk Quàng Văn Sơn, Bí thư đoàn xã Mường Hung thôngz xor mông: Hâur 2 hnuz tưr thik, pêz tưz paz uô 2 pluôk nox sơưr nzor, 2 pluôk nox tar su tsi zuôr nhiêx txiêx trâu têx shux xênhz zos ziv chuôz zis pluôk, chuôz zis zuôr xar pluôk. Xar njôngr têx mê nhuôs shux xênhz muôx cxaz đas jos chiê thik ntơưr cov jông, uô tiêr tâu zuk li siêz xar njôngr. Huôx tôngv no zuôr paz chiê đoàn viên, hluôk nênhs phuôx huiz chinhz yênhx txưv zênhv, siz hluz, siz paz thiêz muôx txơưx jênhv đros côngv thôngx./.

(Báo Sơn La-Txâur Vax cxeik nhênhv)

Chiê phưx vưv jiês thik tưr cơưv tiêr ntơưr cxênhx pêz shông 2022, tỉnh Lai Châu muôx 1.700 ntâu lênhx nênhs tâu chiê uô têx hâux lưv tsênhv tsênhz, hâur co hội đôngx thik muôx 15 lênhx nênhs, chor ban hội đôngx thik muôx 1.447 lênhx nênhs.

Chiê taz por ngaz tuk trâu jiês thik, Sở Zoz zux tỉnh Lai Châu chox kriê chor qơư thik tưr sik côngv đros chor taz viv, thax tsav qơư bax cxiv tsa, kriz uô têx tsưr ziv taz por ngaz tuk lok y têr, ntux têz ruôr hiêv, ntux nas chuô, bax cxix cxuô têx chuôz zênhx…. Iz chas co, Sở Zoz zux tỉnh Lai Châu cux sik côngv đros Tỉnh đoàn, huyện đoàn, đoax hluôk nênhs cxuô thax tsav qơư bax têx tsưr ziv, huôx tôngv paz trâu jiês thik tưr, paz trâu chor shux xênhz hâur jiês thik./.

(Báo Lai Châu-Lik Thox cxêik nhênhv)

Yênhx puôk ziv chuôz zis tsôngv box xã Dương Quỳ, huyện Văn Bàn, tỉnh Lào Cai tsênhv tos njôngr côngz tsinhx đêx liv Nâm Khắt tâu uô tiêr chiê muôx đêx zưs trâu tsoz chos. Zơưv Phạm Văn Hùng- tsar jos Khoay puz pâuz: “Njưs đêx cux đês qir trâus puôk tsuôx txix shông 2019 txos nhiv no taz sik tsi tâu kho đuô”. Tsôngv box tưz ntâu jiês heik trâu xã, huyện ntơưv têx jiês njiz cử tri zos tsi kho tâu tas nro mak paz kho iz cxuô ntu trâus puôk tsuôx hnhar chiê muôx đêx chos blêx, taz sik tsi tâu lơưr thôngx ziv đros lik zơưx tiêk “tsi muôx tsưr ziv kho đuô” viv li tsuv tos. Tâu pâuz, njưk đêx no tâu cxiv txix shông 2006 ntêr 4,3 cei cêr chiê phưx vưv hâux lưv zưs đêx trâu muôx nhos 80 hecta liêx chos blêx nhoz 3 jos Bản Khoay, Bản Pầu thiêz Nà Có./.

(Lao động-Txâur Vax cxeik nhênhv

Lơưr Công an tỉnh Yên Bái hêik pâuz lok qênhx shênhx nênhs phamv cxâuv ntâuk tsiv hâur chuôz zis sâuv thax tsav, ntu txix shông 2018 txos nhiv no, lưx lươngv Công an tỉnh tưz xưv lik muôx 108 txuz, 110 lênhx nênhs uô cxâuv ntâuk tsiv hâur chuôz zis. Chor txuz hâux lưv no mak phênhv ntâu zos uô hiêv txos đas jos, lênhx tiz nênhs, chor nênhs hâur chuôz zis, hâur co muôx têx txuz án lok six phiv liv, zov chênhr. Qir tiv chênhr uô muôx yưv chor txuz ntâuk tsiv hâur chuôz zis sâuv thax tsav tỉnh zos tiv hâur chuôz zis muôx nênhs trâus têx txiêz nanv xar hôiv li hâuk chơưr bia, zax zênhz; txuz án muôx yưv thâuv chor nênhs co bâu tơưl, xar tsik thôngz, tiv siz char, siz chês hâur chuôz zis, njiz trâus phiv liv lok kinh têr./.

(Báo Yên Bái-Lik Thox cxêik nhênhv)