Shông 2022 zos shông tiv 2 Lào Cai krêz uô tỉnh ủy li đề án số 16 lok “muôz siêz tsơưr lươngv, txux zôngv, chêx cuk côngz xưv qênhz yuôx, seiz car, kỷ luật đảng, taz por Đảng li lênhs tov hâur côngz xưv tơưv txênhz phax tar thaz huôz”. Sâuv têx nghị quyết, tsưr ziv tưz tâu cxiv tsa, tỉnh zuôr tror cxơưz tiês phax tar thaz huôz, tiv zix zos tsov cưv txos côngz xưv qênhz yuôx, seiz car, sâu têx chuôz zênhx huôz nox. Chiê taz por uô muôx chêx cuk côngz xưv phax tar thaz huôz, nhiv kruôr jê ntơưv no tỉnh ủy Lào Cai tưz tso tơưv tsaz yênhx huôx tôngv uô Ban bí thư Trung ương Đảng li chỉ thị 04 lok chuôz tsar Đảng li lênhs tov đros côngz xưv sâu tsês chuôz zênhx chuôz tas trâus huôz nox, sik txenhz hâur têx txuz án hình sự lok thaz huôz, kinh têr. Qơư tsov txos zos sâu txix 90% têx chuôz zênhx trâus huôz nox ndê muk. Zơưv Vũ Xuân Cường, Phưv bí thư Thường trực Tỉnh ủy, Chủ tịch HĐ tỉnh Lào Cai puz pâuz: “Hâux lưv tsưr tsix uô côngz xưv qênhz yuôx, seiz car đros chinhz yênhx, txơưx jênhv siêz, ntâus grê tsênhz mênhx, huv đros. Đrâuv co hâux lưv qênhz yuôx pêz cux tsuv pov tâu têx kror jông chiê krêz uô đêz đar”./.

(TTTB-Txâur Vax cxeik nhênhv)

Trơưk li tsưr ziv, shông 2022, tỉnh Sơn La sir jos cov gri têx hax huv kôngz nuv muôs trâu luôs 2 chas thax tsav, têz qơưk đrâuv tax 162 tsov ntâu USD, tsar ndê 11 tsov ntâu USD, ndê 8% ntâu pir shông 2021. Njuôk xav zuôr muôs trâu luôs 2 chas têz qơưk muôx 28 cxênhz ntâu tênhr têx txir ntông, phênhv ntâu zos txir mo môngk, txir lưv tsiz, txir tsơưz, txir lưk hmaz, txir khơưz,….. Muôs muôx nhos 120 cxênhz tênhr têx xiv huv kôngz nuv tsiv uô tâu zos, yuôx zêx, cà phê, hmôngr kok ntông, cao su.

Chiê uô tâu luôs hâux lưv heik sâuv, tỉnh Sơn La tưz thiêz tsênhv fuô uô ntâu faz tsưr ziv hâur cxiv tsa thax tsav uô têx kôngz heik co phưx vưv muôs trâu luôs 2 chas têz qơưk đrâuv; moz siêz txos tsiv uô, pâuz tsênhz qơư chiê gra siêztsơưr lươngv kôngz nuv phưx vưv muôs trâu luôs 2 chas ciêz đrôngs; cxơưz tiês uô lơưr têx tsưr ziv yiêz hâur uô nox uô hâuk, por hưv, tsiv uô têx xiv huv kôngz nuv. Iz chas co, sir jos cxiz muôv muôs, krêz đar ciêz đrôngs muôs têx xiv huv; jux juk gra siêz têx qơư sâu zuôr li txux chi thiêz muôs trâu luôs 2 chas têz qơưk, cxơưz  tiês hu zâuv yưv pênhr uô têx qơư tsiv uô, muôs trâu luôs 2 chas thax tsav./.

 (Lê Hạnh-Riê Lâux cxeik, nhênhv) 

Tsi chiê tsôngv box muôx siêz xar tiêk tưz cxax cxix cxuô yuôx phax moz mak zuôr tsi trâus moz Covid-19. No zos iz hâur têx njiêz luv Bí thư tỉnh ủy Điện Biên-zơưv Nguyễn Văn Thắng heik mênhx ntơưv jiês khiêz phêv lok côngz xưv phax tar moz nhiv kruôr tâu tỉnh tsưr tsix. Bí thư tỉnh ủy Điện Biên cux heik têx tiv phaz xav tênhv tsênhz mênhx tsôngv box li zoz qơưx mul lok đhâu jiês nox tsiêz Tsor shông 2022 zuôr chuôz ndê siêz, uô njuôs xav moz zuôr siz cik đêz đar. Viv li, tsuv seiz shuôk thâuv tsưr tsix têx ntênhs phêv, huôx tôngv vênhx huôv, tsưr tsix nox yôngz cok cov huv đros, tsuv xav tênhv tsôngv box zos lênhx nênhs tsênhv hâur côngz xưv phax tar moz; tsuv muôz siêz tsôngv box, yênhx jêx jos... li pưs txux, jênhv pâuz hâur phax tar moz, tiv zix zos tso tsês siêz xar tưz cxax txâuk 3 côngz yuôx phax moz mak zuôr tsi trâus moz./.

(Vũ Lợi-Txâur Vax cxeik nhênhv)

Zar hnuz kêix 10/2, Cơ quan cảnh sát qênhz yuôx, Công an tỉnh Lai Châu heik pâuz, thâuv iz six zar hnuz kêix xiêz 9/2, ntơưv cêik cêr 79, txox cêr lox sôr 4D, ntu muk đhâu xã Sơn Bình, huyện Tam Đường, tỉnh Lai Châu, lưv lươngv cảnh sát qênhz yuôx chor nênhs uô cxâuv chei têz qơưk lol zuôr muôs, uô luôv zax zênhz, công an tỉnh Lai Châu đros têx lưv lươngv muôx vax huôv hâur tỉnh nhiv kruôr ntêk tâu Lù Xênhv Shôngx, xênhz shông 1993, nhoz ntơưv jok Hô Bon, xã Phúc Khoa, huyện Tân uyên, tỉnh Lai Châu thâux gra tsi trơưk chei zax zênhz, têx chuôz zênhx sâu tâu muôx 21 poz zênhz đơưz, iz luz yêz meir; 2 luz máy hu xor tôngx đros trâu iz cxiê zav chuôz zênhx txơưr đuô cik txos.

Ntơưv cơ quan Công an, Lù krêz lênhk tiêk, iz lênhx nênhs nhoz huyện Mường Nhé, tỉnh Điện Biên ntiêr Lù thâux gra chor zax zênhz heik sâuv; thâuv tsênhv taz tov thâux gra txos tos cêr thiêx trâul lưv lươngv công an qênhz pov thiêz ntêk cxov tâu.

  Txuz nuv co tsênhv tâu Phongx Cảnh sát qênhz yuôx, tir thêir zax zênhz Công an tỉnh Lai Châu tror qênhz yuôx, uô tsênhz mênhx trơưk chei têz qơưk cui tinhv. Ndax trâu six hơưv no, Bí thư Tỉnh Ủy Lai Châu Zax Páo Mỷ tưz xa lul phôngv jông thiêz kruôs txos chor canr bôv, công an uô tâu jông luôs hâux lưv heik sâuv./.

(Khắc Kiên-Riê Lâux cxeik, nhênhv)