Xã Tô Múa, huyện Vân Hồ, tỉnh Sơn La muôx yênhx cxênhz tsoz yuôx zêx Shan Tuyết lâul yênhx puô shông. Nhiv kruôr no, têx cơ quan muôx vax huôv tưz muk qênhz shuôs, ntâuk grê thiêz muôz tso trâu hâur  bê “Têx tsoz chos di sản VN”. Co zos six hơưv chiê hâu nov thiêz tsôngv pêx xênhv huyện Vân Hồ, tỉnh Sơn La muôx tsưr ziv por hưv, tuôr tsês chiê têx yuôx zêx lâul, gra lok phênhv sâu tâu trâu tsôngv pêx xênhv. Zơưv Thái Bá Sinh, Tsar Phongx Kôngz nuv thiêz huôv tsar tox siêz huyện Vân Hồ heik pâuz, no zos têx jông, tsi tiêk đros thiêz chor nênhs chos yuôx zêx, tsênhv zos iz kro jông chiê Vân Hồ huôv tsar uô têx xiv huv txix chor yuôx zêx lâul thiêz:“Muôx têx no tâu seiz zos huyện Vân Hồ li xiv huv yuôx zêx kaz thiêz jông, zuôr txos  no Phongx tror nhênhz chơưv nthuôr uô đar cux iz zav li por hưv tsês, chiê muôx têx xiv huv no tâu muôs trâu hâur ciêz đrôngs, yênhx huyện Vân Hồ têx huv hur jông. Iz kro thiêz zos uô qơư chiê piêr kriê trâu tsôngv kruô hâur thax tsav qơư thiêz luôs 2 chas tỉnh pâuz, tuôx ndis seiz uô si thiêz zuôr txos têx xiv huv yuôx zêx”./.

(TTTB-Riê Lâux cxeik, nhênhv)

Đhâu iz ntu ntêr trâus zênhr shar tiv moz Covid-19, ju lix Điện Biên muôx têx hlôngr yiêz jông txix ciês hâur ntu nox tsiêz Tsor shông 2022. Lơưr thôngz sâu, kruô tuôx Điện Biên txix hnuz 31/1 txos hnuz xiêz 6/2 zos muôx nhos 11 cxênhz 600 jiês; phênhv sâu tax 15 tỷ đeiv ntâu, chuôz ndê zuôr xar 12 jiês lok kruô tuôx ndis shuôk, 7 jiês lok phênhv sâu pir đros thiêz shông 2021. Zơưv Phạm Văn Thăng, Tsar phongx nghiệp vụ ju lix, Sở vênhx huôv, thiv thao thiêz ju lix tỉnh Điện Biên puz pâuz: tỉnh Điện Biên njuôs xav zuôr tsưr tsix lênhs phêv pax lâuk thiêz jiês tưr thik lênhx nxeik jông gâux shông 2022 lok hli 3 zuôr txos, đros ntâu huôx tôngv jông. Đrâuv co tsênhv muôx 2 hâux lưv lox hâur thax tsav thiêz ntiêx têz cux zuôr tsưr tsix zos: Hnuz ntênhs vênhx huôv Hàn Quốc ntơưv Điện Biên (zos Bộ vênhx huôv, thiv thao theiez ju lix tsưr tsix); hnuz ntênhs vênhx huôv, thiv thao thiêz ju lix ntus đriv VN-Lào jiês tiv 3,shông 2022 ndax chiv nhênhv 60 shông hnuz tuôv cêr fôngx zưs 2 têz qơưk./.

(Vũ Lợi-Txâur Vax cxeik nhênhv)

Xưk li ntâu thax tsav qơư hâur tas nro têz qơưk, đhâu hlo so tsiêz têz qơưk tsor shông 2022 tas, phênhv ntâu cxuô luz tsêr cơưv nhoz tỉnh Lai Châu tưz tso têx tuz nhuôs shux xênhz cxuô cấp tror tuôx tsêr cơưv, cơưv ntơưr. Tiv muôx phênhv ntâu têx shux xênhz, canr bôv, nhân viên ngênhx zoz zux muk nox tsiêz trâu luôs 2 chas tỉnh tror lok hâur thax tsav qơư, viv li luôs hâux lưv phax tar moz nhoz têx tsêr cơưv tsênhv tâu cxuô thax tsav qơư thiêz ngênhx zoz zux moz siêz txos. Zơưv Lò Việt Tuyển, Phưv Giám đốc Sở zoz zux Lai Châu heik pâuz,  têx tsêr cơưv hâux lưv hâur têx hnuz no zos hu zâuv chor shux xênhz tror tuôx tsêr cơưv, cơưv ntơưr đhâu nox tsiêz tas, chiê taz por têx nhuôs tuôx tsêr cơưv cxix cxuô thiêz truôx tuk lol phax tar moz Covid-19:“Sở zoz zux tưz chox kriê cxuô taz viv sir jos uô jông hâux lưv phax tar moz gênhk, uô jông trơưk têx tsưr ziv Bộ Y tế kriê li: Chox ntâuz bos kror ndâux, tsi so muôz xaz phôngx nzuôr têk, tsi siz zâuv nhoz chôngz nênhs uô cê…. Đros thiêz têx tsêr cơưv muôx canr bôv, cưk kriê ntơưr, nhân viên thiêz shux xênhz muk luôs 2 chas tỉnh nox tsiêz tror lok, pêz cux heik cov lơưr seiz njuôk shuôs moz Covid-19 uô ntêx thâuv zuôr tror lok chiê taz por truôx tuk tsêr cơưv. Thiêz thâuv zuôr tror tuôx tsêr cơưv cơưv ntơưr, pêz cux heik chor tsêr cơưv cov qêz suô hur si têx qơư cơưv ntơưr, qơư nhoz hâur tsêr cơưv…chiê taz por phax tir thêir moz gênhk”./.

(Khắc Kiên-Riê Lâux cxeik, nhênhv)

Hnuz 13/2, nganhx y tế tỉnh Lào Cai muôx cxaz 474 lênhx nênhs trâus moz Covid-19. Hâur co Bắc Hà muôx 18 lênhx, Bảo Thắng muôx 35 lênhx, Bảo Yên 36 lênhx, Bát Xát 15 lênhx, Si Ma Cai 55 lênhx, TP Lào Cai 174 lênhx, Văn Bàn 42 lênhx, thị xã Sa Pa 61 lênhx, Mường Khương 34 lênhx, tỉnh txơưr 4 lênhx. Nhiv no, sâuv thax tsav tỉnh muôx tas nro 2 cxênhz 746 lênhx tsênhv tâu kho moz. Hâur co kho moz ntơưv tsêr kho moz tỉnh muôx 714 lênhx, kho moz ntơưv huyện muôx 378 lênhx, kho moz hâur tsêr muôx 1 cxênhz 180 lênhx, 474 lênhx tsênhv tos chex cuk njuôs siv moz, cêv kuôk ntơưv têx huyện, thị xã, thành phố./.

(Báo Lào Cai-Txâur Vax cxêik nhênhv)