Tỉnh Sơn La nhiv no zos tiv phaz muôx mênhv chêx cà phê lox tiv zix faz Bắc đros muôx nhos 20 cxênhz hecta, hâur co TP Sơn La muôx zuôr xar 5 cxênhz hecta. Chos cà phê zos yênhx châuv cxênhz ziv chuôz zis hâur tỉnh li tsưr ziv uô nox. Taz sik txix shông 1999 txos nhiv no, nênhs chos Cà phê nhoz Sơn La tưz ntâu jiês njiz trâus têx phêv liv tiv têx jiês lok tê, uô yênhx cxênhz hecta cà phê trâus tuôs thiêz tsuv muôz txiêr por tsês. Đros tsưr ziv khưx phưx uô ntêx zos txiêr têx chês blôngx trâus kruôr; ciêr chênhr txiêr têx mênhv chêx trâus ruôr hiêv hnhar; têx chiz coaz chuyên môn nhiv no tsênhv sir jos yax mông heik kriê nênhs chos cà phê muôx tsưr ziv por vêv tsoz chos thâuv ntux no njiv, lok tê. Pos Trần Thị Nga, Tsênhv qơư jix vuv kôngz nuv TP Sơn La heik:“Đros têx thax tsav yax six trâus zênhr shar mak pêz heik kriê pox nhuôk đrâuv tsoz phưz tsuv chos cxaz tsoz chos lox their cà phê chiê txu grês qênhx shênhx trâus tê uô hiêv. Têx shông njuôs pov muôx ntux no njiv thiêz muôx đâuk tê mak tsuv vâuv xuô blêx, cxuz pa ntơưv têx thax tsav yax six muôx đâuk tê”./.

Lê Hạnh-Txâur Vax cxeik nhênhv

hâur têx shông đhâu, tỉnh Yên Bái đros tỉnh Viêng Chăn thiêz Xaynhabuly (Lào) tưz muôx ntâu huôx tôngv sik côngv truôx jông sâuv cxuô kror, tiv zix zos hâur hâux lưv zoz zux. Uô lơưr hâux lưvs ik côngv zoz zux trơưk sêiz lax nhoz tỉnh yên Bái thiêz cxuô thax tsav qơư têz qơưk Lào, txix shông 2006 txos shông 2022, nganhx zoz zux tỉnh tưz sir jos chox kriê, tsưr tsix uô jông tsaz yênhx sik côngv. Hâux lưv sik côngv tâu kriz uô nhoz ntâu kror li: chiê cưk kriê ntơưr muk trâu saz têz qơưk Lào kriê luk tsoz tsiz, tso nênhs muk cơưv luk Lào, txêik jênhv canr bôv, shux xênhz Lào tuôx trâu Yên Bái (Việt Nam) chiê cơưv luk Tsoz tsiz thiêz cơưv hâux lưv sư phạm. txos nhiv no Yên bái tưz txêik jênhv kriê trâu muôx 416 lênhx shux xênhz Lào thiêz 20 lênhx canr bôv Lào tuôx cơưv ntơưr ntơưv Yên Bái./.

                                                     Báo Yên Bái-Lik thox cxêik nhênhv

Tas cik hnuz 14/2, Ban chox kriê vênhv tôngv tso nyar jông siêz huyện Bát Xát, tỉnh Lào Cai tsưr tsix jiês tso nyar jông siêz six hơưv ntux yiêz 2023. Hnuz ntênhs muôx 850 cán bộ, hội viên, txưv zênhv viên, đoàn viên, hluôk nênhs, lưx lươngv vũ trang thiêz tsôngv box têx mênhx cxưx sâuv huyện Bát Xát cxaz chuôz. Hâur tas cik hnuz 14/2 muôx 332 lênhx nênhs cxaz chuôz đros 370 taz viv nyar, đhâu co tâu xa trâu taz viv zos Viện huyết học- tso nyar Trung ương. Hnuz ntênhs tso nyar txưv zênhv zos huôx tôngv tâu Ban chox kriê vênhv tôngv tso nyar jông siêz huyện Bát XÁt tsưr tsix hâur yênhx shông, muôx ziz njiêz jông chiê tror cxơưz tiês phongz yaox tso nyar chơưv paz lênhx nênhs moz./.

                                                        Báo Lào Cai-Txâur Vax cxeik nhênhv

Đhâu xar muôx 4 hli phuôx tôngv (txix hli 11/2022), phongz yaox “cxênhx txuôs 2.000 đêiv iz hnuz trâu zoz zux” nhoz huyện Nậm Pồ (tỉnh Điện Biên) tưz zaz zâuv xar muôx 2.000 lênhx nênhs cxaz chuôz. Tas nro chor nhiêx cxênhx txuôs no tâu Hôiv cxơưz cxiz cơưv ntơưr txêik jênhv trâu thâuv hâur shôngk shông cơưv yiêz chiê paz trâu chor tsêr cơưv ntơưr, shux xênhz muôx luz nênhx txov nhêv. Phongz yaox no zos iz hâur têx huôx tôngv jông nhoz huyện Nậm Pồ chiê paz uô tsênhz mênhx đuô phongz yaox sik tưr “Cơưv thiêz uô lơưr zơưv hloz Hôx”./.

                                                                VOV4-Lik Thox cxêik nhênhv