Tas cik hnuz 14/6, têx thax tsav hâur tỉnh Yên Bái muôx ntux lok nas lox, muôx têx qơư ntux lok nas lok six lox thiêz uô ruôr hiêv ntâu. Lơưr Ban chỉ huiz phax tar ntux nas thiêz nriêr chơưv nanv tỉnh Yên Bái li pov cov sei, ntux lok nas lox uô puôk tsuôx 1 luz tsêr nhoz Trạm Tấu tiv tox poz. Ntux lok nas cux uô hiêv 44 hecta blêx, poz cưk, jâuz tâuv cxuô zav thiêz 20 cxênhz tsoz chos nhoz têx huyện Văn Yên, Lục Yên, Trạm Tấu tiv đêx ngaz; tsôngv box nhoz Văn Yên muôx 2 tul tưv trâu tuôs. Lok zaoz thôngz muk lok, lok nas lox uô cêr muk têx xã, njưk đêx, cưx đês, qox muk lok nhoz têx huyện Văn Yên, Lục Yên, Văn Chấn, Trạm Tấu trâus đêx cuôr yôngz, poz yênhx puôk yiv ar....Ciês thâuv muôx ntux nas uô hiêv, têx lưx lươngv muôx txơưx jênhv tưz huiz tôngv lênhx nênhs, yêz uô lơưr tsưr ziv “4 ntơưv qơư” chiê khưx phưx têx trâus ruôr hiêv, canhv pov têx riêz nênhs trâu sđ pâuz./.

(Thừa Xuân-Txâur Vax cxeik nhênhv)

Têx coz nas lox lok txix hmo 13/6 txos têis cik 15/6, uô trâu ntâu thax tsav qơư hâur tỉnh Lào Cai njiz trâus phiv liv ntâu. Ntux lok nas lox ntơưv ntau qơư, hâur co tsik tsơưs thax tsav qơư muôx ntux lok nas lox li Thanh Phú (Sa Pa); Bản Cầm (Bảo Thắng); huyện Bảo Yên muôx ntux lok nas lox thiêz ntâu tiv zix, tsêx trung ntơưv chor xar Kim Sơn, Bảo Hà, Thượng Hà thiêz Việt Tiến. Oz txos cêr chênhr muk đhâu huyện Bảo Yên zos txox cêr lox 70 muôx ar poz ntơưv cêik cêr 63 thiêz txos cêr 279 trâus đêx ngaz ntâu ntơưv cêik cêr 68, cêik cêr 69 uô trâu chor yêz muk lok tsik tâu. Zơưv Tô Ngọc Liễn, Chủ tịch Ủy  ban huyện Bảo Yên puz pâuz: “Ciês txix tsâuk ntux nas hmo, lơưr qơư njuôk ntux yar ntux nas li hêik pâuz; huyện tưz muôx chox kriê txos trâu têx xar, tso canr bôv thiêz lưx lươngv muôx vax huôv sêiz jor. Ban chox kriê têis cik no cux tưz phêiz côngz trâu chor canr bôv lênhx tov tas nro huyện muk qênhz yuôx tas nro chor qơư muôx đêx ngaz cuôr, ar xưz poz thiêz hêik cov kriz uô ciês têx tsưr ziv xưv lik, tiv zix zos zoz thôngz”./.

(An Kiên-Lik Thox cxêik nhenhv)

Tas cik hnuz 14/6, ntơưv xã Pa Vệ Sủ, huyện Mường Tè, tỉnh Lai Châu, Công ty cổ phần đêx tênhv Nậm Xí Pùng tsưr tsix uô tiêr tsêr meir đêx tênhv Nậm Xí Lùng I. No zos côngz tsinhx đêx tênhv nhoz hâur chor tsêr meir đêx tênhv zuôr xar 100MW sâuv tul đêx Nậm Xí Lùng, tỉnh Lai Châu. Côngz tsinhx tâu yưv pênhr cxiv uô đros công suất 29MW, tas nro pênhr yưv uô zos 1 cxênhz tỷ đeiv ntâu. CÔngz tsinhx tâu krêz côngz cxiv uô txix hli 12/2018 thiêz uô tiêr chox lok sir zôngv kaz shôngk shông 2021. Thâuv sir zôngv, tsêr meir tror muôz hâux lưv uô lêx ntêr trâu 20 ntâu lênhx nênhs lox tôngv tiv phaz đros phênhv sâu ngaz tul; thôngx cxix, gôngr phênhv chuôz ndê phênhv sâu trâu tỉnh Lai Châu yênhx châuv tỷ đeiv iz shông./.

(K.Kiên-Txâur Vax cxeik nhênhv)

Nhiv kruôr đhâu, tôv côngz xưv liên nganhx zos lưx lươngv Công an thiêz Cục Hải quan tỉnh Điện Biên tsênhv uô hâux lưv lơưr tsưr ziv ntơưv thax tsav jok Huổi Sái Lương, xar Quảng Lâm, huyện Mường Nhé (Điện Biên) chêk pov thiêz cxov tâu Thò Xênhv Zax (zus shông 1986), nhoz ntơưv jok Na Cô Sa 3, xar Na Cô Sa, huyện Nậm Pồ, tỉnh Điện Biên tsênhv zuôr muôs, thâux gra tsik zos chêi zax zênhz. Têx sâu tâu zos 14 đêiv zênhz đơưz, 1 luz yêz mêir thiêz 1 luz điện thoại. ntơưv cơ quan công an, Thò Xênhv Zax hêik tiêk tưz zuôr chor zax zênhz co txix iz lênhx nênhs ntơưv thax tsav ntus đriv chox lok muôs chiê zuôr kror liv. Nhiv no txuz anr tsênhv tror tâu qênhz yuôx, nriêr pâuz cov tsênhz mênhx./.

(Vũ Lợi-Lik Thox cxêik nhênhv)