Đaix njuôk ntux yar ntux nas Lào Cai njuôk xav hâur têx hnuz zuôr txos, chor cưx đêx cưx ha ntơưv Lào Cai zuôr muôx yưv iz jiês đêx huôv đros muôx chor đêx pur siêz txix 1,2-3 thiêr. Tuk đêx liêz ntơưv Lào Cai zuôr pur siêz muôx 80,9 thiêr; ntơưv Bảo Hà mak thâuv pur siêz zuôr zos 55,7 thiêr. Viv li, zôngx ziv muôx yưv ar poz nhoz têx qơư tox siêz, têx qơưk muôx tsas ar siêz; đêx ngaz cuôr ntơưv têx đêx zâu nhoz cxuô thax tsav qơư  hâur tỉnh, đêx ngaz ntâu ntơưv têx qơư kik. Chiê taz por ngaz tuk trâu sơưr đơưk uô nênhx nhoz trơưk oz saz ntus đêx, Ủy ban thành phố Lào Cai tưz hêik chor xar, phường cov hêik trâu pêx xênhv pâuz tsik ntâuk cxov suôz njêl, muôz tơưl sâuv têx đêx thâuv đêx huôv lox, chiê tsik njiz trâus têx phiv liv tsik jông./.

(VTV-Lik Thox cxêik nhênhv)

Qir lok trâu cheix ntux nas shông no, nganhx zaoz thôngz vênhv teiv tỉnh Sơn La tưz chêx chôngk kho đuô têx cêr muk lok; sir jos krêz uô têx tsưr ziv chiê tir tar ntux nas. Nganhx zaoz thôngz vênhv teiv tỉnh Sơn La nhiv no coar lik, kho đuô zuôr xar 30 txox cêr muk lok tas nro ntêr zuôr xar 1 cxênhz 700 cei cêr. Lơưr thôngz đhâu, têx jiês ntux lok nas hâur têx luz hlik hâur shôngk shông no tưz uô tox poz, ar cxuz lok hâur têx niêv cêr lox. Đros co uô zênhr shar, puôk tsuôx ntâu côngz tsinhx, njưk đêx, têx tul qox. Zơưv Nguyễn Văn Chính, Phưv giám đốc Sở zaoz thôngz vênhv teiv tỉnh Sơn La puz pâuz:“Đros chinhz yênhx tsuv tsưv ziv txix qiv hơưv li têx txơưr txar, nganhx zaoz thôngz vênhv teiv tưz chox kriê têx taz viv coar lik cêr uô jông hâux lưv seiz jor, chuôz tsar sik côngv jông đros Ban chỉ huiz phax tar ntux nas têx cấp, têx nganhx thiêz têx tiv phaz chiê sik côngv yưr lir thâuv cêr muk lok tsi tâu tiv ntux nas”./.

(Hoàng Long-Txâur Vax cxeik nhênhv)

Hnuz 15/6, muôx ntux lok nas sâuv thax tsav tỉnh Yên Bái, tưz uô iz lênhx nênhs tuôs tiv ar poz; txox cêr 32 trâus ar poz lok cxuz tas nro cêr ntơưv thax tsav trôngz Khau Phạ uô cêr muk lok tsik tâu. Ciês đhâu txêik tâu xor mông, Ủy ban huyện Mù Cang Chải tưz chox kriê Ban sêiz car Phax tar ntux têz ruôr hiêv-Zok nriêr chơưv paz xar Cao Phạ tso nênhs ntơưv qơư zok nriêr nênhs njiz trâus nanv, thôngx cxix yênhx lix tôv côngv xưv huyện muk chox kriê uô hâux lưv zok nriêr; qênhz yuôx, hêik pâuz txos qênhx shênhx ar xưz poz; sêiz nus, paz trâu chuôz zis muôx nênhs trâus tuôs. Thôngx cxix hêik thax tsav qơư tror thôngz sâuz, nriêr pâuz lok têx trâus hiêv, sêiz shuôk jông ntux yar ntux nas chiê hêik pâuz tâu sêi zos muôx yưv têx phiv liv, trâus ruôr hiêv tsik jông./.

(BaoYB-Lik Thox cxêik nhênhv)

Lơưr xor mông txix Sở y tế tỉnh Điện Biên, xav txos nhiv no, têx tiv phaz hâur tas nro tỉnh tsênhv yuôr muôx nhos 51 cxênhz côngz yuôx vắc xin phax moz Covid-19, hâux lưv cxax yuôx krêz uô lok six kênhz, njuôs xav chor yuôx no zuôr muôz por tsês tiv tas hax đhâu hnuz nhôngs sir zôngv. Txix qênhx shênhx co, chiê tax tâu tsưr ziv cxax yuôx văc xin phax moz Covid-19 lơưr Bộ y tế li cui tênhv, Sở y tế tỉnh Điện Biên tưz thix ziv UB têx huyện, thị xã, thành phố sik côngv đros Tsênhv qơư y tế, qơư y tế têx xã, phường, thị trấn qênhz yuôx lênhx nênhs cxax yuôx; cxơưz tiês yax mông, vênhv tôngv tsôngv box muk cxax yuôx cxix cxuô, trơưk six hơưv hnuz nhôngs; chuôz tsar tsưr tsix têx qơư cxax yuôx ntơưv tsêr cơưv, qơư tsôngv box nhoz uô nênhx...chiê chuôz cxaz lênhx nênhs tâu cxax yuôx phax moz. Xav txos nhiv no, Điện Biên tưz krêz uô 35 jiês cxax yuôx phax moz Covid-19; hâur co muôx 31 jiês cxax trâu mê nhuôs txix 12 txos tsơưs đuô 18 shông thiêz nênhs txix 18 shông ndê muk; têx jiês tsênhv yuôr zos cxax trâu mê nhuôs txix 5 txos tsơưs đuô 12 shông. Lok yuôx vắc xin, tas nro tỉnh tưz zôngv tas 1 tsov 200 cxênhz côngz cxax trâu zuôr xar 500 cxênhz lênhx nênhs./.

(TTTB-Cxêik nhênhv)