Chiv nhênhv 66 shông Hnuz cxôngx nzor Hôiv Liên hiệp hluôk nênhs Việt Nam, Hôiv Liên hiệp hluôk nênhs Việt Nam tỉnh Sơn La tưz tsưr tsix tsaz yênhx “Hluôk nênhs Sơn La tso siêz uô lơưr trang sử Hôiv”. Txix shông 2019 txos nhiv no, chor tsưr tsix cơ sở hôiv tưz sik côngv cxiv tsa 1.000 ntâu côngz trinhx, phênhv hâux lưv hluôk nênhs; kriê cơưv hâux lưv uô trâu muôx 106.000 ntâu lênhx hluôk nênhs, piêr pâuz hâux lưv uô trâu 9.900 ntâu lênhx hluôk nênhs, hâur co muôx 3.100 lênhx hluôk nênhs muôx hâux lưv uô truôx. Cxuô cấp hôiv cux khơưk muôz 3.300 ntâu kror hax huv trâu chor shux xênhz, hluôk nênhs, pêx xênhv muôx luz nênhx txov nhêv sâuv thax tsav tỉnh đros tas nro tsiv gri muôx 1,9 tiv đêiv ntâu… Ndaz ndơưv jiês no, Hôiv Liên hiệp hluôk nênhs Việt Nam tỉnh Sơn La tưz hênhr kruôk 14 lênhx canr bôv uô tâu hâux lưv jông; 5 doanh nhân hluôk uô tâu nox jông, 9 chuôz zis hluô uô tâu nox jông thiêz 22 lênhx hluôk nênhs mênhx cxưx tsơưs nênhs  uô tâu hâux lưv jông./.

(TTTB-Lik Thox cxêik nhênhv)

Huyện Văn Yên, tỉnh Yên Bái nhiv kruôr krêz uô Ntênhs hội ciêv fix jiês tiv 4 shông 2022 đros njiêz luk “Ciêv fix Văn Yên-ziv hnuz ziv muôx ntâu tus chôngz lênhx pâuz txos” đros thiêz ntâu hâux lưv uô jông. Ntơưv ntênhs hội, huyện Văn Yên tưz lênhk txeik Cục Sở hữu trí tuệ-Bộ Khoa học thiêz Công nghệ li Quyết tinhv thiêz ntơưr côngk nhav lok đas cir suôz bê “têx xiv huv tsiv uô txix huyện Văn Yên li ciêv fix tâu por hưv jông”. Đhâu co paz khav tinhv ciêv fix Văn Yên ziv hnuz ziv muôx suôz bê nto hâur ciêz đrôngs, cxơưz gra ciêv fix Văn Yên ziv muôx ntâu tus chôngz lênhx pâuz txos đuô. Tix lâus Lê Năm, nhoz xã Viễn Sơn, qơư tsiv uô ntâu ciêv fix thiêz têx xiv huv ciêv fix shir phaz heik pâuz: “Ntênhs hội ciêv fix huyện Văn Yên tsưr tsix jiês tiv 4, tiv iz zos gra zuk qơư nhoz li têx ciêv fix txos trâu chôngz lênhx ntâu tus nhoz cxuô thax tsav, têz qơưk pâuz, thâuv zuk têx xiv huv tưz muôx nhoz ntâu qơư, mak suôz bê ciêv fix Văn Yên zuôr tâu gra siêz đuô; tiv 2 zos gra heir nênhs Cho thiêz tsôngv pêx xênhv hâur thax tsav têx txux chi vênhx huôv jông txos trâu tsôngv fôngx zưs luôs 2 chas têz qơưk pâuz txos”./.

(VOVTB-Riê Lâux cxeik, nhênhv)

Huyện Tủa Chùa, Ủy ban tỉnh Điện Biên nhiv kruôr tsưr tsix jiês hêik pâuz thiêz khơưk muôz côngz jênhv Di sản vênhx huôv phi vật thể Têz qơưk trâu “Mênhx cxưx Hmôngz tỉnh Điện Biên li Nghệ thuật uô thiêz đhiê kênhx”. Mênhx cxưx Hmôngz tỉnh Điện Biên li Nghệ thuật kênhx zos di sản vênhx huôv phi vật thể tâu Bôv Vênhx huôv, Thể thao thiêz Du lịch côngz jênhv tso trâu hâur bê ntơưr di sản vênhx huôv phi vật thể Têz qơưk lơưr Bôv Vênhx huôv, Thể thao thiêz Du lịch li Cuêz tênhv sôr 65 hnuz 12/1/2022. Zơưv Bằng Xênhv Vưx, Phưv Chủ tịch Ủy ban tỉnh Điện Biên puz pâuz: kror no tưz tsik zos pêx xênhv cxuô mênhx cxưx hâur tỉnh li cêr shir phaz, tso siêz, mak zuôr zos kror chiê Đảng bộ, chinhr quyền thiêz pêx xênhv cxuô mênhx cxưx hâur tỉnh hêik cxuô thiêz huyện Tủa Chùa hêik taz kriz uô tâu truôx jông đuô thiêz côngz xưv tuôr chiê, phuôx huiz di sản vênhx huôv cxuô mênhx cxưx, paz thơưz huôv tsar kinh têr-xar hôiv ntơưv thax tsav qơư./.

(Vũ Lợi-Lik Thox cxêik nhênhv)

Kuôk no 5 shông, niêv lâul Ly Lỳ So, heir nênhs La Hủ, nhoz jok Pha Bu, xã Pa Ủ, huyện Mường Tè, tỉnh lai Châu chuôz zis zos iz hâur têx chuôz zis lok six txov nhêv. Đros thiêz 6 lênhx nênhs, chuôz zis luz nênhx niêx shông thâuv tưs tưz khưr tsi txâuk nox tsi txâuk hnar. Khov tâu txeik pênhr, canr bôv tuôx kriê tsưr ziv uô kôngz, tu zus tsiêx cxu, viv li shông no muôx phênhv sâu tâu truôx tuk, tsi tiêk uô tâu txâuk nox txâuk hnar, niêv lâul chuôz zis tsênhv muôx txos 15 tus nhux tưv thiêz:“Cêr nênhx phôngz cxưx pôngz kaz nhiv no cux tưz tâu tso tsês jux juk, tsi xưk li thâuv ntêx lơưv, tsôngv pêx xênhv cux gra siêz txux chi, tsưr ziv jênhv pâuz đuô lok six ntâu. Canr bôv tuôx uô hâux lưv đros pêx xênhv, tsôngv cưr tix nênhx tsa sơưr đơưk cux mnôngs, uô trơưk; sir jos khưr huôv tsar uô nox, tu zus tsiêx cxu. Nhiv no tsôngv pêx xênhv luz nênhx tưz nhoz khênhr đuô thâuv ntêx lok six ntâu, tsi trâul yeiz pluôs lơưv”./.

(VOV-Riê Lâux cxeik, nhênhv)