UB qênhz yuôx tỉnh ủy Yên Bái nhiv kruôr côngz fur cuiz tênhv kỷ luật đros Ban chấp hành Đảng bộ xã Tân Phượng thiêz ntâu cán bộ, đảng viên uô cxâuv hâur hâux lưv lênhs tov, chox kriê thiêz tsưr tsix uô chính sách thêv jix vuv tênhx qơư jôngr; sâu, thêv nhiêx txiêx têz qơưk thiêz têx phênhv sâu, thêv txơưr hâur xã.

Thâuv seiz shuôk tsưr tsix đảng, yênhx lênhx đảng viên li têx uô cxâuv, chêx cuk khưx phưx uô cxâuv, UB qênhz yuôx tỉnh ủy Yên Bái tưz kỷ luật cảnh cáo đros BCH Đảng bộ xã Tân Phượng six cxiv 2015-2020 thiêz six cxiv 2020-2025. Đros co, UB qênhz yuôx tỉnh ủy Yên Bái kỷ luật cảnh cáo zơưv Triệu Văn Nhơn, Bí thư Đảng ủy, Chủ tịch HĐ xã Tân Phương thiêz têx lênhx nênhs txơưr zos: zơưv Triệu Tiến Tiên, Phưv Bí thư thường trực Đảng ủy xã; Triệu Văn Lý, Phưv bí thư Đảng ủy, Chủ tịch Ub xã; Triệu Tiến Phượng, kaz phưv chủ tịch UB xã; Triệu Văn Thủy, Công chức nhiêx txiêx-kế toán xã; Triệu Kim Tiều-Công chức vênhx huôv, lox tôngv thương binh thiêz xã hội xã Tân Phượng. UB qênhz yuôx tỉnh ủy Yên Bái cux tưz heik 11 đảng viên muôx lênhx coaz kiểm điểm thiêz tsuv zuôr chênhz zênhv./.

(TTTB-Txâur Vax cxeik nhênhv)

Txơưv trâul moz Covid-19 uô ruôr hiêv ntâu, taz sik luôs hâux lưv hu zâuv yưv pênhr uô têx côngz trênhx uz no hâur thax tsav tỉnh Sơn La cux uô tâu ntâu luôs hâux lưv jông. Ciês shông 2021, tưz muôx 30 dưv anr, xav hur si têx pênhr đas cir yưv uô xuz thơưx muôx zuôr xar 5 cxênhz tyv đeiv tâu tỉnh cir ntơưr, tso chei yưv pênhr uô thiêz muôz têx ntâuz ntơưr côngk nhav đas cir uô. Hâur têx dưv anr no, muôx ntâu dưv anr lox, jông trâu huôv tsar kinh tế-xã hội hâur thax tsav qơư, li: Dưv anr uô qơư tu zus têx nhux cuô mik công nghệ siêz Mộc Châu; dưv anr Tsênhv qơư tsiv uô têx jâuz, txir ntông Doveco Sơn La, dưv anr chos têx tsoz chos mắc ca đros trâu iz cxiê jôngr ntông ntơưv huyện Sốp Cộp….. Pos Hà Ngọc Châu, phưv Giám đốc Sở tsưr ziv thiêz yưv pênhr uô tỉnh Sơn La heik pâuz:“Hâur six hơưv zuôr txos, tỉnh Sơn La zuôr tror krêz uô têx hâux lưv yiêz thiêz qênhz shuôs, cxiv kho, cxaz nzir têx tsưr ziv huôv tsar kinh tế-xã hội, xar tsưr ziv hu zâuv têx pênhr jos saz đrâuv trâu huôv tsar. Tiv 2 zos qênhz shuôs, cxiv kho, cxaz nzir têx chei, cui tinhv chiê cxơưz paz hu zâuv yưv pênhr huôv tsar uô têx luôs hâux lưv uz no, xiv huv, thax tsav qơư mak tỉnh moz siêz txos. Tiv 3 zos tror cxơưz tiês hlôngr yiêz uô têx ntâuz ntơưr cov zôngx ziv đuô, muôz jông qơư trâu yưv pênhr huôv tsar uô têx hâux lưv heik sâuv cov tsênhz mênhx, truôx tuk”./.

 (Thu Thùy-Riê Lâux cxeik, nhênhv)

Hnuz đhâu 16/2, huyện Bảo Thắng, tỉnh Lào Cai tsưr tsix côngz fur tax nôngx cxênhz yiêz. No cux zos huyện xuz thơưx tỉnh Laò Cai uô tiêr tsưr ziv no. Đhâu 10 shông krêz uô, khov sik côngv siêz sir jos uô, txix 1 huyện muôx txos 1/3 jênh số zos nênhs pluôs, fênhx pheiz iz xã tsuôk tax 4,3 sâuv 19 ploz tsênhr, txos nhiv no Bảo Thắng tưz uô tiêr hâux lưv cxiv tsa nôngx cxênhz yiêz, hâur huyện li 11 xã muôx 2 xã tax ploz tsênhr nôngx cxênhz yiêz hlôngr yiêz. Txơưv trâus zênhr shar tiv moz Covid-19, Bảo Thắng cux huôv tsar jông, phênhv sâu fênhx pheiz lênhx nênhs shông 2021 tax 57 tsov đeiv; ziv chuôz zis pluôs txu grês tsuôk yuôr zuôr xar 5%. Qơư tsov txos ntu 2022-2025, Bảo Thắng truôx siêz yênhx “huyện tax nôngx cxênhz yiêz hlôngr yiêz” xuz thơưx hâur tỉnh Lào Cai. Zơưv Trần Minh Sáng, Bí thư Huyện ủy Bảo Thắng puz pâuz: “Đros hâux lưv cxiv tsa huyện nôngx cxênhz yiêz hlôngr yiêz mak pêz xar tiêk têx jax cơưv hâur cxiv tsa huyện nôngx cxênhz yiêz tsênhv muôx tsiv grê. Tiv 1 zos jax cơưv lok tsôngv box li thôngx ziv côngv siêz uô, tiv 2 zos uô uô cê muôx chêx cuk têz qơưk thiêz tsôngv box li têx pênhr paz, tiv 3 zos sik côngv siêz hâur tas nro Đảng bộ, tâu tsôngv box sđ thôngx ziv sik đros côngv siêz uô”./.

(TTTB-Txâur Vax cxeik nhênhv)

Ban tsưr tsix ntênhs hội pax lâus thiêz sik tưr thik têx lênhx nênhs jông gâux shông 2022 tỉnh Điện Biên nhiv kruôr cơưv seiz lax, thôngx ziv lok tsaz yênhx krêz uô ntênhs hội co; têx cui tinhv, chei tsưr tsix tưr thik lênhx nênhs jông gâux thiêz tsưr ziv uô têx hâux lưv uz no hâur ntênhs hội pax lâus shông 2022 cov huv đros trâu tsênhv tsênhz. Chor đại biểu tưz seiz lax lok têx tsưr ziv taz por  truôx tuk, txiv ngaz thiêz phax tar moz Covid-19; hâux lưv yax xa mông, txuôk đros trâu têx cơ quan ntơưr pov tsir xa xor mông lok ntênhs hội; nhiêx txiêx uô; taz por muôx tênhv tênhz truôx, zênhx max phưx vưv uô ntênhs hội co. Zơưv Bằng Xênhv Vưx, Phưv Chủ tịch Ủy ban tỉnh ntâuk grê siêz têx luôs hâux lưv bax uô ntênhs hội no tâu cxiv uô jông reik đros trâu hâux lưv chính trị, têx muôx jông nhoz hâur thax tsav thiêz Đại hội Đảng bộ tỉnh lok huôv tar kinh tế ju lix. Đros trâu têx li heik ntơư, tsuv muôx tsưr ziv taz por  txiv ngaz, vêv xênhz truôx tuk zav nox uô ntêx, hâur thiêz đhâu ntênhs hội./.

(Báo Điện BiênRiê Lâux cxeik, nhênhv)