Hnuz đhâu 17/10, tỉnh ủy Sơn La côngv đros thiêz Bộ biên tập táp chí Cộng sản tsưr tsix phêv thảo “Sơn La đros côngz xưv cxiv tsa, hlôngr yiêz Đangv thiêz hlôngr yiêz cxix luôk chính trị nhoz ntơưv qơư”. Sơn La zos tỉnh tox siêz muôx 1,3 tsov ntâu lênhx nênhs, đros 12 mênhx cxưx sik đros nhoz uô nênhx. Đảng bộ tỉnh muôx 17 đangv bộ trực thuộc, đros muôx 606 tsưr tsix cơ sở đangv, zuôr xar 4 cxênhz 400 chi bộ trực thuộc Đảng ủy cơ sở, đros tas nro muôx 89 cxênhz ntâu lênhx đảng viên. Txos nhiv no, 100% jêx jos, tiểu khu, tuêv jênh phố tưz muôx chi bộ. ntơưv Phêv thảo, têx teiv plor tưz sik đros seiz lax têx njiêz luv, thix ziv têx tsưr ziv chiê khưx phưx têx tsi tâu uô tâu, muôz siêz chêx cuk côngz xưv cxiv tsa Đangv, hlôngr yiêz Đangv, cxix luôk chính trị nhoz sâuv thax tsav tỉnh Sơn La./.

(Thu Thùy-Txâur Vax cxeik nhênhv)

Cux ntơưv tỉnh Sơn La, hmo 17/10, Đảng bộ, Chinhr quyền thiêz pêx xênhv huyện Phù Yên tsưr tsix ntênhk chiv nhênhv 70 shông hnuz ntâuk zênhx tros châuz. Hâur oz jiês tir ntâuk tros châuz Pháp thiêz Mỹ tuôx txênhz têz qơưk, Phù Yên tưz gôngr côngv ntâu đas jos, cxuô zav đros tas nro têz qơưk ntâuk tâu zênhx tros châuz, paz trâu têz qơưk tâu tiêx tuk… Txix têx kror tax tâu co, quân thiêz pêx xênhv Phù Yên tưz tâu Đảng, têz qơưk khơưk muôz côngz bê Zênhz shôngx lưx lươngv vũ trang trâu 3 tập thể, 5 lênhx nênhs; 35 lênhx niêv tâu côngz jênhv zos niêv Việt Nam zênhz shôngx… 70 shông đhâu hnuz ntâuk zênhx, tiv zix zos  hâur 35 shông hlôngr yiêz, txix iz huyện pluôs njiz ntâu kror phiv liv, shông 2018, huyện Phù Yên tưz tâu côngz jênhv hla đhâu cêr pluôs; ntâu shông lơưr co tưz tax tâu chuôz ndê kinh têr hênhr. Zơưv Nguyễn Viết Hưng, Bí thư Huyện ủy Phù Yên, tỉnh Sơn La puz pâuz:“Chiê uô tâu têx tsưr ziv tưz tso tơưv, Ban chấp hành Đảng bộ huyện tưz xav jênhv pêz kror tsuv uô: tiv iz zos huôv tsar pênhr jos tax tâu zoz qơưx hâur qênhx shênhx yiêz; huôv tsar kôngz nuv công nghệ siêz đros trâu kôngz nuv hữu cơ; Yưv pênhr cxiv tsa cxiv luôs kinh têr xar hôiv lơưr saz cxix cxuô. Lơưr co, huyện tưz cxiv tsa 9 đề án thiêz tsênhv tsênhz uô txix têx tsaz yênhx, tsưr ziv yênhx shông”./.

(Lê Hạnh-Lik Thox cxêik nhênhv)

Tỉnh Lào Cai nhiv no muôx zuôr xar 4 cxênhz hecta ciêv fix tâu côngz jênhv zos thax tsav chos hữu cơ, hâur têx shông zuôr txos mênhv chêx no njuôs xav tror tâu krêz đar. Lơưr zơưv Lê Văn Long, cán bộ coar lik dự cán Công ty TNHH Hương gia vị Sơn Hà, phênhv ntâu ciêv fix nhoz Lào Cai tâu chos, huôv tsar sâuv têx têz tox trôngz. Taz sik, hâux lưv co cux tsi tâu khav tênhv tâu jiês tax ploz tsênhr hữu cơ viv pir li thâuv iz lênhx nôngx mênhx muk pêv têz chos ciêv fix, gra lơưr yuôx phongx, yuôx nzuôr hniêr phưx xưv xênhz huôx cux uô trâu ciêv fix njiz trâus hóa chất. Chênhr viv li, tsơưr lươngv thax tsav chos hữu cơ coaz tsôngv đuô lok six ntâu đros mênhv chêx tâu côngz jênhv:“Uô ntâu ntơưr côngz jênhv hữu cơ zos lok six jông lơưv, viv xar muôs tâu trâu têx niêv ciêz lox mak tsuv muôx ntơưr côngz jênhv. Taz sik, cux tsi cxoz tsov cưv ntâu lok mênhv chêx viv thax tsav chos muôx ntơưr côngz jênhv lơưv mak vênhv thix lox zos tuôr truôx mênhv chêx co, tsi zos tâu 1-2 shông ho tso tsês, li ntơưv cux uô pôngz lươv suôz bê xiv huv”./.

(An Kiên-Txâur Vax cxeik nhênhv)

Qơư du lịch côngv thôngx Nà Sự, xar Chà Nưa, huyện Nậm Pồ (tỉnh Điện Biên) nhiv kruôr kriz kror trôngx chiê txêik tok tsôngv kruô du lịch, no zuôr zos qơư jông jav chiê sơưr đơưk ndis shuôk, nriêr pâuz txos thax tsav faz Tây têz qơưk. Zơưv Phạm Hải Quỳnh, Chủ tịch Hôiv du lịch Côngv thôngx Việt Nam puz pâuz: tuôx trâu thax tsav du lịch côngv thôngx Nà Sự, tsôngv kruô zuôr tâu nriêr pâuz lok tsôngv box Thái li têx huôx tôngv xênhz huôx, lox tôngv uô nox; tâu cxaz chuôz thiêz uô têx zav nox kaz ntơưv thax tsav qơư cux xưk li uô têx vênhx huôv, vênhx nghệ zos têx vênhx huôv jông mênhx cxưx… đros têx kror jông hêik tas co, thiêz pêx xênhv li siêz nhiêv kruô, Nà Sự zuôr zos qơư trâu tsôngv kruô nhoz so, ndis shuôk jông thâuv tuôx ndis shuôk txos A Pa Chải-faz Tây têz qơưk ntơưv huyện Mường Nhé, tỉnh Điện Biên, qơư muôx tuk ndêx chiv ntus đriv pêz luz têz qơưk zos Việt Nam-Lào thiêz Trung Quốc./.

(Vũ Lợi-Lik Thox cxêik nhênhv)