Jiês cơưv tiv 8-Hôiv đôngx tỉnh Lào Cai khóa 16, ntu 2021-2026 tâu tsưr tsix hnuz 18/10 tưz thônzg đhâu Nghị quyết yiêz chiê uô tsênhz mênhx, ndax ndênhk tsênhv chêi cxơưz cxiz huôv tsar kôngz nuv sâuv thax tsav. No zos jiês cơưv chiê đơưk kho têx hâux lưv huôv xênhz jiês tiv 4 hôiv đôngx tỉnh Lào Cai hâur shông 2022 thiêz hâur six cxiv. Đrâuv tsênhv njiêz lok ndax ndênhk têx tsênhv chêi kôngz nuv, Jiês cơưv cux tưz tso tơưv iz cxiê tsênhv njiêz zov chênhr txơưr đuô chiê tsưr tsix kriz uô 3 tsaz yênhx tsưr ziv têz qơưk; ndar six hơưv choz biên chế côngz xưv zoz zux shông cơưv 2022-2023 cxaz nzir trâu têx taz viv tsêr cơưv ntơưr sâuv thax tsav tỉnh lơưr Bôv Chinhr triv li Cuêz tênhv sôr 72 hnuz 18/7/2022; thôngx cxix, tso tơưv iz cxiê Nghị quyết chiê uô têx jênhv vưv zov chênhr, sêiz đrơưv sâuv thax tsav qơư./.

  (An Kiên-Lik Thox cxêik nhênhv)

Đhâu 1 shôngk ntâu krêz uô tỉnh Sơn La li Nghị quyết số 17-NQ/TU lok hlôngr yiêz số ntu 2021-2025, ndar txos shông 2030, tỉnh Sơn La tưz cungz 3 cxênhz 552 chữ ký số lênhx nênhs thiêz 758 tsưr tsix li chữ ký số. Hâur co, qênhx shênhx sir zôngv ntâuz ntơưr xor mông, hâux lưv haur têx chiz coaz hành chính têz qơuk tỉnh Sơn La tâu uô txix điện tử tax 100%. Đros co, huôx tôngv kinh têr số cux tâu têx doanh nghiệp sâuv thax tsav Sơn La uô thiêz krêz uô muôx chêx cuk đros zuôr xar 2 cxênhz doanh nghiệp tsênhv heik kriê nhiêx sê đhâu mạng, tax 95% ntâu, 100% niêv ciêz,tsênhv qơư muôv muôs muôx chuôz zênhx thêv đhâu điện tử tsi zôngv nhiêx txiêx./.

(TT Việt-Txâur Vax cxeik nhênhv)

Hâur shông xuz thơưx ciês tsưr tsix kriz uô Tsaz yênhx cxiv tsa jêx jok yiêz lơưr Bôv tsưr ziv yiêz ntu 2021-2025, tỉnh Yên Bái sir jos uô cov muôx tâu 13 xar uô tiêr cxiv tsa jêx jok yiêz, 10 xar tax ploz tsênhr jêx jok yiêz jông thiêz 3 xar zos chor jêx jok yiêz hov truôx jông. Sir jos cov muôx 75 jêx jok uô tiêr cxiv tsa jêx jok yiêz jông. Uô lơưr têx tsưr ziv no, cấp ủy, chinhr quyền cxuô thax tsav qơư hâur tỉnh tưz kriz uô cxix cxuô ntâu tsưr ziv thiêz hêik pêx xênhv đros cxaz chuôz uô. Pos Hoàng Thị Xuân Hương, Bí thư Đảng bôv xar Đồng Khê, huyện Văn Chấn puz pâuz:“Chiê uô cov Đồng Khê zos yênhx xar jêx jok yiêz jông trâu kaz shông 2022 mak đros tas nro chor luôs hâux lưv tưz tâu cấp ủy, chinhr quyền thax tsav qơư sir jos kriz uô ciês txix thâuv hâur shôngk shông. Lơưr co luôs hâux lưv lok gra siêz phênhv sâu trâu pêx xênhv, nhiv no tsêx trung trâu chor tsoz chos chênhr ntơưv thax tsav qơư thiêz kriz uô têx đề án cik txos tsiv gri…”./.

(Đinh Tuấn-Lik Thox cxêik nhênhv)

Lơưr zơưv Nguyễn Văn Tăng- Phưv chủ tịch Ub huyện Điện Biên Đông (tỉnh Điện Biên) :Chiê krêz uô muôx chêx cuk côngz xưv txu grês cêr pluôk ntơưv tiv phaz, đros ntâu phênvh pênhr txix trung ương thiêz tiv phaz li nhiêx txiêx, UB huyện uô tsưr ziv paz txưv xã hôiv trâu 2 cxênhz 226 ntâu lênhx nênhs đros tas nro nhiêx txiêx uô zos 20 tỷ đeiv ntâu. Thox cxov hâux lưv uô trâu 350 lênhx nênhs lox tôngv nôngx cxênhz. Krêz uô cxiv tsa trâur nuv txu grês cêr pluôk, paz 41 tul nhux đas sha nhuôk trâu tsôngv box sâuv thax tsav xã Chiềng Sơ, paz tsôngv box ngaz tul huôv tsar cêr uô nox thiêz txu grês cêr pluôk truôx vênhs. Khov têx chính sách thiêz huôx tôngv co, xav txos kaz shôngk shông 2021, nênhs pluôk hâur tas nro huyện yuôr 40%, txu grês muôx nhos 5,22% pir đros shông 2020./.

(VOV4-Txâur vax cxêik nhênhv)