Xor xưv hnuz 2-2-2023
Thứ năm, 10:42, 02/02/2023 VOVTB VOVTB
Xor xưv hnuz 2-2-2023

Hâur hli 1/2023-cux zos luz hlik 2 luz tsiêz, cê zos tsiêz luz 12 hlik hli ntiêx têz, cê zos tsiêz têz qơưk, ngênhx ju lix Lào Cai tưz huôv tsar tâu jông, txeik tok chôngz lênhx ntâu tus kruô tuôx ndis shuôs têz qơưk uô si. Thôngz sâu txix Sở Ju lix tỉnh Lào Cai tso pov, xav hur si têx lênhx kruô tuôx trâu thax tsav no hâur hli 1/2023 zos zuôr xar 700 cxênhz lênhx; hâur co muôx 18 cxênhz lênhx kruô ntiêx têz. Muôx ntâu tus chôngz lênhx kruô tuôx ndis shuôs têz qơưk uô si tưz gra lok phênhv sâu tâu trâu Lào Cai muôx nhos 2.400 tyv đeiv, tâu ntâu đuô zuôr xar 3 jiês pir li shông uô ntêx. Zơưv Hà Văn Thắng, Giám đốc Sở Ju lix tỉnh Lào Cai heik pâuz:“Shông 2023, Lào Cai xav tinhv zuôr tok muôx nhos 6 tsov lênhx kruô, hâur co muôx 350 cxênhz ntâu lênhx kruô ntiêx têz. Chiê uô tâu luôs hâux lưv co, hâur shông , cxuô cấp, cxuô ngênhx hâur tỉnh zuôr đros doanh nghiệp, pêx xênhv chiê uô tâu jông luôs hâux lưv huôv tsar ju lix, txeik tok tsôngv kruô tuôx ndis shuôz têz qơưk uô si, lar heik zos tsiv uô têx xiv huv ju lix jông txix côngv thôngx reik đros cxuô heir nênhs ntơưv qơư li têx txux chi vênhx huôv”./.

                                            An Kiên-Riê Lâux cxeik nhênhv

Đhâu têx hnuz shir phaz nox Tsiêz yiêz, têx hnuz no, pox nhuôs nôngx mênhx sâuv thax tsav tỉnh Điện Biên tsênhv chêx chôngk muk seiz liêx chiv tsâux yiêz chiê muôx tâu iz chiv cheix sâu tâu nju. Chiv tsâux yiêz shông no, tas nro tỉnh Điện Biên njuôs xav tsêz chos muôx nhos 9 cxênhz 700 hecta blêx; hâur co huyện Điện Biên tsav zuôr xar 50%. Chuôz zis pos Lường Thị Chiến, nhoz jos Pom Loi, phường Nam Thanh, TP Điện Biên Phuv, tỉnh Điện Biên tsêz chos 1 hecta blêx. Chiê taz por trơưk chiv cheix, txix ciês hnuz xiêz 5 tsiêz, pos Chiến thiêz chuôz zis tưz muk seiz liêx:“Hâur shôngk shông yiêz muk seiz liêx mak lok six jông siêz, qiv hơưv sor si blêx hloz lox sei thiêz njuôz jông đuô. Cxuô lênhx nênhs lênhx tưs cux uô jông muk seiz liêx, seiz đêx chiê blêx huôv tsar sei”./.

                                                         (Vũ Lợi-Txâur Vax cxeik nhênhv)

Tas cik hnuz xiêz 01/2, Ntênhs uô đaz uô kruô trâu Thiếu tá Trần Ngọc Duy, tâu tas siv nênhx thâuv tsênhv taz tov tsar yêz ntux za chiê tir thêir têx nênhs fêv; taz sik ho uô luz yêz ntux za co trâus pôngz lok zar tar su hnuz 31/1, tưz tâu uô trơưk bôv đôiv chei uô đaz uô kruô trâu ntơưv tsêr kho moz đa khoa tỉnh Yên Bái. Muôx chôngz lênhx, cơ quan, taz viv thiêz chor nênhs cxênhz jê, fôngx zưs tưz tuôx đros pheiz kênh cêr pôngz siêz đros Thiếu tá Trần Ngọc Duy chuôz zis.

Chiê sâu jênhv Đại úy Trần Ngọc Duy têx côngz đas jos, Bộ Côx phax tưz quyết tinhv tso Trần Ngọc Duy ndê Thiếu tá thiêz T.Ư đoanx hluôk nênhs Cộng sản HCM quyết tinhv muôz côngz bê côngk nhav Thiếu tá Trần Ngọc Duy zos “lênhx hluôk nênhs sir jos uô hâux lưv jông viv têz qơưk, viv sơưr đơưk”./.

                                                                VOVTB-Riê Lâux cxeik, nhênhv

Hnuz đhâu xiêz 1/2, tsôngv box jos Nong Mòn, xã Cò Nòi, huyện Mai Sơn, tỉnh Sơn La pov iz lênhx txir nênhs tuôs hâur pas đêx, sâuv ntus pas đêx muôx iz cxiê côngz cxax tưz đhâu sir zôngv. Xor mông qir thơưx puz pâuz, thâuv muk seiz pas đêx, tix lâuk Khánh Xênhv Vax nhoz jos Nong Mòn, xã Cò Nòi pov lênhx txir nênhx co trâus tuôs hâur chuôz zis li pas zus njês. Ciês thâuv co, tix lâuk tưz hêik trâu chiz coaz muôx txơưx jênhv. Ciês thâuv jênhv tâu xor mông, công an xã Cò Nòi tưz tuôx qênhz yuôx thiêz xav tênhv lênhx txir nênhx co zos lênhx tưs. Qir tiv txuz hâux lưv no tsênhv tâu têx lưx lươngv muôx txơưx jênhv tror qênhz yuôx uô tsênhz mênhx./.

                                                               (Đinh Tuấn-Txâur Vax cxêik, nhênhv)

VOVTB

Viết bình luận

TIN CÙNG CHUYÊN MỤC