Tror uô lơưr pox niêv Việt Nam li têx cêr nênhx jông, pos Phạm Thị Đào, zus shông 1966, nhoz ntơưv tiểu khu 1, thị trấn Thuận Châu, huyện Thuận Châu, tỉnh Sơn La khav tênhv uô tâu jông tsưr ziv tu zus buô muôs grêix nhoz tox siêz, paz sâu tâu muôx 300 triệu đêiv iz shông. Tưz tsik zos iz lênhx pox niêv, iz lênhx niêv, hôiv viên Phạm Thị Đào tsênhv khav tênhv tâu zuk li qơư sơưr, pưk txux hâur phongz yaox ntơưv thax tsav qơư, tiv zix zos têx phongz yaox sik tưr huôv tsar kinh têr, txo grêk cêr yêiz pluôs. Niêv tix Lường Thị Thanh Thủy, Chủ tịch Hôiv pox niêv huyện Thuận Châu, tỉnh Sơn La puz pâuz:“Niêv tix Phạm Thị Đào zos iz hâur chor hôiv viên uô tâu hâux lưv jông hâur phongz yaox sik tưr huôv tsar kinh têr ntơưv thax tsav thị trấn Thuận Châu. Txơưv tiêk nhiv kruôr zos huôv tsar kinh têr ziv chuôz zis, taz sik niêv tix Đào li tsưr ziv huôv tsar kinh têr cux tưz tâu chôngz lênhx nênhs cơưv shâuv thiêz uô trơưk, zos yênhx iz hâur chor nênhs uô ntêx hlo lo huôv tsar kinh têr ziv chuôz zis nhoz huyện Thuận Châu”./.

(Trấn Long-Lik Thox cxêik nhênhv)

Uô lơưr cxiv vênhv tôngv “Cxiv tsa chuôz zis 5 tsi uô 3 hur jông”, hâur ntu đhâu Hội pox niêv xã Quan Hồ Thẩn, huyện Si Ma Cai, tỉnh Lào Cai tưz tsưr tsix yênhx puô jiês yax kriê hu zâuv yênhx cxênhz lênhx pox niêv cxaz chuôz. Hội cux vênhv tôngv tsôngv px sik đros paz cxiv uô têx cêr muk lol jêx jok muôx 16 cêik, 5 chuôz zis gôngr 250 xưv phaz ar têz krêz uô cêr cov đar jông muk lol. Chiê tâu têx li heik co, chênhr zos khov têx lênhx pox niêv vir ndâuk thiêz tsôngv pêx xênhv sik thôngx siêz, siz paz thiêz muôx têx hloz yax kriê, vênhv tôngv. Niêv lâul Sú Xênhv Zax, Chủ tịch Hội Liên hiệp pox niêv xã Quan Hồ Thẩn, huyện Si Ma Cai heik:“Đros thiêz zos thax tsav tox siêz, phênhv ntâu huôv tsar tu zus tsiêx cxu, uô kôngz viv li tênhx qơư tâu moz siêz txos. Niêx shông Hội pox niêv thâuv tưs tưz phuôx tôngv cxiv uô têx cêr cov hur si, jông muk lol”./.

 (An Kiên-Riê Lâux cxeik, nhênhv)

Txos nhiv no, Lai Châu muôx 10 hax huv yuôx zêx tax ploz tsênhr hax huv OCOP; hâur co, muôx 7 hax huv tax tâu hov 4, 3 hax huv tax tâu hov 3; 2 hax huv tâu côngz jênhv zos hax huv công nghiệp jêx jok jông cấp tỉnh, iz bôv hax huv tâu côngz jênhv zos hax huv công nghiệp jêx jok cấp thax tsav thiêz têz qơưk. Iz chas co, Cục Sở hữu trí tuệ tưz cungz ntơưr côngz jênhv côngz bê trâu hax huv yuôx zêx huyện Than Uyên thiêz huyện Tam Đường. Ủy ban tỉnh Lai Châu tưz tso tơưv đề án huôv tsar kôngz nuv hax huv tsêx trung ntu 2021-2025, tsưr ziv uô txos shông 2030. Hâur co, txos shông 2025, tas nro chor yuôx zêx hâur tas nro tỉnh muôx 10.000 ntâu héc ta; uô lơưr tuôr chiê, chos yiêz thiêz chos nzir 300 héc ta yuôx zêx lâul đros trâu huôv tsar du lịch sinh thái. Tỉnh zuôr paz 100% zuz nôngz chos yiêz, qir zuôv lơưr tsưr ziv; paz hlôngr yiêz đuô đêx ar, kriz phaz, uô ar, luôx têx đrox nhov…/.

(VOV4-Lik Thox cxêik nhênhv)

Tas cik hnuz 19/10, Cơ quan cảnh sát qênhz yuôx Công an tỉnh Điện Biên tưz tso tơưv têx Quyết tinhv xơưz xưv, ntêk Nguyễn Đình Hiệp, xênhz shông 1976-Phưv Tsar phongx đêx ar thiêz tênhx qơư TP Điện Biên Phủ lok sâuv uô cxâuv cui tinhv pâux nzir, paz max yêik txar qơư nhoz trâu tsôngv pêx xênhv thâuv têz qơưk sâu zuôr ar. Trâul ntêk cxov đros zơưv Nguyễn Đình Hiệp, muôx Bùi Thị Ánh-chuyên viên Phongx đêx ar thiêz tênhx qơư TP Điện Biên Phủ, tỉnh Điện Biên. Đhâu qênhz yuôx xuz thơưx, Cơ quan Cảnh sát qênhz yuôx xav tinhv: Nguyễn Đình Hiệp tâu choz uô luôs hâux lưv qênhz shuôs tsưr ziv pâux nzir jiês tiv 31 nhoz dưv anr yar yêz za Điện Biên, taz sik tưz tsi qênhz yuôx shuôs têx ntâuz ntơưr thiêz heik cov cir thâuv chor ntâuz ntơưr tsi taz por, uô cxâuv cui tinhv lok ar têz, uô tuôr xuôv tas zuôr xar 7 cxênhz tyv đeiv./.

 (Vũ Lợi-Riê Lâux cxeik, nhênhv)