Đhâu iz hli ntâu tsưr tsix zuôr ziv chênhv lok Dự thảo Đêx ar (kho đuô), nganhx muôx vax huôv thiêz pêx xênhv nhoz thax tsav Tây Bắc tưz muôx ntâu ziv chênhv cxaz chuôz chiê paz uô tiêr tâu Dự thảo. Tsênhv chêi sâu tsês ar zos iz hâur têx tsênhv njiêz tâu pêx xênhv nhoz têx tỉnh Tây Bắc li: Điện Biên, Lào Cai, Yên Bái, Lai Châu lok six tsov cưv txos uô truôx jông têx cêr chêi têz qơưk, tiv zix zos nhoz Chêi đêx ar thiêz Chêi jôngr nuv zos kror tsênhv tsênhz. Zơưv Mai Văn Thạch, Giám đốc Sở Tài nguyên  thiêz Tênhv qơư tỉnh Lai Châu puz pâuz:“Tsuv cxiv uô Chêi đêx ar huv đros trâu têx chêi txơưr đuô, têx ntâuz ntơưr lok chêi mak uô huv đros trâu têx cui tênhv txơưr; têx kror tưs cui tênhv trâu thax tsav qơư mak huv đros trâu cxuô thax tsav qơư chiê zôngx ziv đuô hâur ntu tsưr tsix kriz uô. Hâux lưv kho đuô chêi đêxar tsuv tsêx trung trâu têx vênhv thix pêx xênhv, tsưr tsix tsênhv tsov cưv txos; Tiv zix zos đhâu thanh tra, qênhz yuôx thiêz pêx xênhv li hêik pâuz chiê uô chak cov chêi đêx ar thâuv kho đuô tsuv đơưk kho tâu têx phiv liv ntơưv thax tsav qơư”./.

                                                                       TTTB-Lik Thox cxêik nhênhv

Uô Đangv, têz qơưk li chei, cui tênhv lok qênhz yuôx UB qênhz yuôx tỉnh ủy li chuôz zênhx chuôz tas, phênhv sâu thiêz tsưr ziv xav tênhv chuôz zênhx chuôz tas, phênhv sâu shông 2023. nhiv kruôr đhâu UB qênhz yuôx tỉnh ủy Yên Bái tsưr tsix ro ntơưr xeir cán bộ zos Ban thường vụ Tỉnh ủy seiz car chiê qênhz yuôx, xav jênhv chuôz zênhx chuôz tas thiêz phênhv sâu. Lơưr co muôx 40 lênhx cán bộ nhoz 18 chiz coaz, taz viv, tiv phaz tâu xeir chiê qênhz yuôx. Têx lênhx nênhs tâu xeir chiê qênhz yuôx zos lênhx nênhs tsi tâu tâu qênhz yuôx lok chuôz zênhx chuôz tas, phênhv sâu hâur 4 shông đhâu, xav txix hnuz 31/12/2022 tror muk. Thôngx cxix tsi zos lênhx nênhs tsênhv tâu qênhz yuôx, tik cêr cxâuv; nênhs tsênhv kho moz hnhar tâu chiz coaz y tế xav jênhv; nênhs tsênhv cơưv ntơưr, uô côngz xưv nhoz saz đrâuv têz qơưk txix 12 luz hlik ndê muk./.

                                                         Đinh Tuấn-Txâur Vax cxeik nhênhv

Hnuz hôiv “Pax txir tuôz ziz” shông 2023 zuôr tâu tsưr tsix trâu iz đraz hlik hli 3 - six hơưv pax txir tuôz ziz tơưs jông jav tiv zix ntơưv xar Ngọc Chiến, huyện Mường La, tỉnh Sơn La. No zos jiês xuz thơưx hnuz hôiv tâu tsưr tsix, chiê hênhr kruôk txos chor pax txir tuôz ziz ntơưv jok Nậm Nghẹp, xar Ngọc Chiến, huyện Mường La - qơư muôx 1.600 ntâu héc ta txir tuôz ziz; hâur co, muôx nhos 800 héc ta zos têx txir tuôz ziz lâul muôx 300-500 shông. Đros co zos piêr pâuz lok qơư du lịch sêiz pax txir tuôz ziz sâuv thax tsav iz cxiê xar nhoz huyện Mù Cang Chải (Yên Bái). Hnuz hôiv zuôr tâu tsưr tsix đros muôx ntâu huôx tôngv jông li: Tsaz yênhx nghệ thuật lok vênhx huôv mênhx cxưx jông; sik tưr tuôr tsôngv box Hmôngz têx nduôr blêx; sik tưr têx zav uô si cxôngx nzor; sik tưr tsoz txir tuôz ziz jông gâux; sik tưr têx đuôz cxêik chor txir tuôz ziz… Iz shông, txos chêix pax txir tuôz ziz tơưs đơưz vos pêv têx ntar trôngz tưz zaz zâuv chôngz lênhx nênhs hâur thiêz đrâuv têz qơưk tuôs sêiz shuôk, uô si thiêz nriêr pâuz lok pêx xênhv nhoz ntơưv thax tsav tox siêz no cêr nênhx thiêz têx vênhx huôv jông./.

                                             Lê Hạnh-Lik Thox cxêik nhênhv

Tòa án tỉnh Điện Biên nhiv kruôr krêz tik cêr cxâuv Nguyễn Thị Đoan Trang xênhz shông 1988 nhoz tuêv 23, phường Him Lam, TP Điện Biên Phuv viv liv zôngv công ty li kror tsi tsov cưv mak hâur 1 shôngk đhâu nhiês lơưv 34 luz yêz meir đros tas nro nhiêx txiêx ndê txos 3 tỷ đeiv. Trang zos lênhx nênhs uô hâux lưv hâur Công ty TNHH Linh Nam, nhoz tsêr số 380, tuêv 7, phường Thanh Bình. Tas nro chor yêz meir nhiês tâu Trang muôs trâu Đỗ Viết Điện, đhâu co huôz nox tâu 1,8 tỷ đeiv. Ntơưv tòa Trang jênhv tas nro zuk li hâux lưv uô cxâuv. Uô lơưr chei li cui tênhv, Hội đồng xét xử phuôv NGuyễn Thị Đoan Trang 15 shông cơư tux, đrâuv co, tsuv pâux nzir trâu công ty tas nro chor nhiêx txiêx muôx tsiv grê bâuv 34 luz yêz meir tưz nhiês chox muk muôs./.

                                           Vũ Lợi-Txâur Vax cxêik nhênhv