Nhiv kruôr đhâu, ntơưv têx lênhx tuz lênhv tâu tas siv nênhx thâuv ntu tir ntâuk trol châuz li qơư nda Tông Khao (huyện Điện Biên, tỉnh Điện Biên), Uỷ ban tỉnh Điện Biên uô ntênhs lênhk tok thiêz txưk chor tuz lênhv txưv zênhv Việt Nam tâu tas siv nênhx ntơưv têz qơưk Lol Tsuôk li têx poz cxa lok tso ntơưv qơư co. Hâur 8 lênhx tuz lênhv li têx poz cxa tâu chor tuz lênhv Quân khu II zok nriêr, khơưz tâu ntơưv 6 tỉnh faz Bắc Lol Tsuôk txix hâur cheix nrux kruôr txos nhiv no lok, muôx 6 lênhx tsi tâu pâuz tsênhz bê; 2 lênhx tưz pâuz mênhx bê, qơư nhoz zos ntơưv tỉnh Hưng Yên thiêz Hà Nam. Trơưk li đại tá Hán Văn Hùng, lênhx thơưx seiz car chor tuz lênhv lês uô luôs hâux lưv zok nriêr thiêz khơưz têx tuz lênhv tâu tas siv nênhx thâuv ntu tir ntâuk trol châuz li têx poz cxa Quân khu II: Txix shông 1994 txos nhiv no, têx tuz lênhv lês uô luôs hâux lưv zok nriêr chor tuz lênhv tâu tas siv nênhx têx poz cxa Quân khu II tưz zok nriêr thiêz khơưz tâu 1.792 lênhx tuz lênhv Việt Nam txưv zênhv tâu tas siv nênhv ntơưv Lol Tsuôk li têx poz cxa; hâur co muôx 362 lênhx tsi tâu pâuz tsênhz bê, hnuz nhôngs, qơư nhoz./.

 (Vũ Lợi-Riê Lâux cxeik, nhênhv)

Xav txix hâur shôngk shông txos nhiv no, tas nro tỉnh Lào Cai muôx 600 ntâu lênhx nênhs tsuv muk cxax yuôx phax moz tiv trâus đêr thiêz yưk tsuôz tov. Hâur co muôx 200 lênhx trâus saz hnhar thiêz jê qơư riêz nênhs. Môngr jông tsi muôx lênhx nênhs trâus tuôs viv tưz tâu zênhx max cxax yuôx phax moz. Nganhx y tế heik, tsi muôx zav yuôx tưs kho tâu jông moz vưv. Tsưr ziv jông tiv zix chiê chơưv lênhx nênhs thâuv trâus đêr, yưk tsuôz thiêz tov zos cxax yuôx vắc xin phax moz ziv nzor ziv jông. Bác sĩ Trần Thị Liên, qơư cxax yuôx phax moz Safpo, tsênhv qơư seiz car moz tỉnh Lào Cai puz pâuz:“Ciês thâuv trâus tsiêx cxu njuôs xav trâus vưv tov tsuv ciêr chênhr zôngv yuôx phongx nzuôr kror cxaz 15 phênhz, lok sik zôngv cồn đơưz, cồn i ốt, ôxy già nzuôr. Đhâu co, muk ciês qơư y tế, qơư muôx chuyên môn chiê tâu heik kriê lok hâux lưv cxax yuôx phax moz cux xưk li seiz njôngr tul tsiêx co chiê phax tar moz vưv cik trâu lênhx nênhs”./.

(An Kiên-Txâur Vax cxeik nhênhv)

Uô lơưr Ban chox kriê têz qơưk lok phax tar ntux uô ruôr hiêv li côngz tênhv sôr 09, hnuz 18/6/2022, nhiv kruôr no, tsêr meir tênhv tênhz Sơn La zuôr cơư iz qơư tso đêx. Cơư qơư tso đêx no zos viv hâur têx hnuz đhâu, chor đêx ntưk lol trâu têx pak đêx tênhv đrav kaz đês Sông Đax tưz tu jux juk, lar heik zos têx pak đêx Lai Châu, Sơn La, xav kror đruôz đraz têx đêx cux tsuôk txâuk trâu têx tổ meir; tsênhv thâuv pak đêx Bản Chát cux tsi tâu tâu pur hênhr. Chiê nzaz nzơưv têx đêx, muôx txâuk đêx tso tênhv tênhz, Công ty tênhv Sơn La tưz muôx ntơưr xa trâu Ban chox kriê têz qơưk lok phax tar ntux uô ruôr hiêv tso chei cơư iz qơư tso đêx, txix ntơư txo grêk tsơưs têx đêx trâu pak đêx tênhv Hoà Bình. Chiê taz por truôx tuk trâu lênhx nênhs thiêz têx chuôz zênhx, kôngz lôngk đrav kaz đês thâuv tsêr meir cơư iz qơư tso đêx, công ty tưz heik cxuô thax tsav qơư đrav kaz đês chox kriê têx qơư, chuôz zis tu zus shuôz njêl, fuôx gox muk lol sâuv đêx bax tsưr ziv taz por  truôx tuk./.

 (Thu Thuỳ-Riê Lâux cxeik, nhênhv)

Nhiv kruôr đhâu, chiz coaz cảnh sát qênhz yuôx, Công an TP Yên Bái, tỉnh Yên Bái tso tơưv cuiz tênhv tik cêr cxâuv, ntês cơư Nguyễn Như Quỳnh, xênhz shông 1993, nhoz thax tsav 3, xã Đan Phượng, huyện Hạ Hòa, tỉnh Phú Thọ, zos cán bộ zênhx hangx HTX Việt Nam, chi nhánh Yên Bái tiv “liv zôngv hâux lưv uô, qênhx liv huôz nox chuôz zênhx chuôz tas”. Txix hli 2/2022 txos hli 6/2022, viv njênhs cán bộ zênhx hangx, zuôr xar 100 lênhx nênhs tưz xa nhiêx trâu tài khoản lok sik muôz nhiêx trâu Quỳnh cov Quỳnh paz thêv nux grê thiêz nhiêx liv phênhv lơưr txeik zênhx hangx. Thâuv jênhv chor txiêx co, Quỳnh chiê sir zôngv mak tsi khiêz trâu zênhx hangx. Hâux lưv no tsênhv tror tâu chiz coaz cảnh sát qênhz yuôx, Công an TP Yên Bái qênhz yuôx uô tsênhz mênhx./.

(PVTTTB-Txâur Vax cxêik nhênhv)