Pos Vũ Thị Hồng, Chủ tịch Hội Liên hiệp pox niêv xã An Lạc, huyện Lục Yên, tỉnh Yên Bái heik pâuz, tas nro xã nhiv no muôx 500 ntâu lênhx pox niêv vir ndâuk, hâur co muôx zuôr xar 30 trâur nuv kinh tế zos pox niêv uô tsưr tưz thiêz tsênhv uô tâu jông li: Qơư uô têx zuz nôngz tsoz chos, chos yuôx đrox njuôz, njuôs shôngz, tu zus nôngk, huôv tsar uô kông đros trâu tu zus tsiêx cxu….txix ntơư chor pox niêv vir ndâuk luz nênhx nox nhoz ziv hnuz ziv tâu hlôngr yiêz:“Đros thiêz luôs hâux lưv paz max pox niêv huôv tsar uô nox uô hâuk hâur ntu zuôr txos, zuôr cê cxiz sơưr đơưk moz siêz huôv tsar uô nox, cê zok nriêr têx pênhr jos paz li: Chor pox niêv vir ndâuk zuôr trâul txos pênhr mak thôngz đhâu tsêr nhiêx tsênhv chei lok sik hội li cuiv nhiêx cxênhx tsês tâu; têx lênhx pox niêv zuôr trâul cơưv shâuv tsưr ziv uô nox mak Hội zuôr zok nriêr qơư chiê paz kriê tsưr ziv, zok nriêr qơư sâu zuôr xiv huv”./.

 (Thừa Xuân-Riê Lâux cxeik, nhênhv)

Đros muôx 124 lênhx nhuôs tuz sâuv 100 lênhx nhuôs nxêik, Vân Hồ zos huyện muôx chor nhuôs tuz nhuôs nxêik tâu xênhz zus tsik siz bâus siêz tiv zix nhoz tỉnh Sơn La. Kror cxơưx hlo zos qênhx shênhx no tsênhv six chuôz ndê. Qir tiv cux zos iz phênhv tưs pêx xênhv li jênhv pâuz lok côngz xưv dân sôr, vax huôv nhoz pox niêv txir nênhx tsik siz bâus tsênhv kik; tsênhv sêiz hloz chor nhuôs tuz đuô chor nhuôs nxêik, chuôz zis tsuv muôx nhuôs tuz chie tuôr đaz kruôk, tiv zix zos hâur tsôngv box mênhx cxưx tsơưs nênhs. 

Chiê qênhz yuôx tâu jông tsik siz bâus lok chor nhuôs tuz nhuôs nxêik thâuv xênhz zus, huyện tsêx trung kriz uô Đề án qênhz yuôx tsik siz bâus nhuôs tuz nhuôs nxêik thâuv xênhz zus ntu 2 (2020-2025), sir jos uô côngz xưv yax kriê, hêik pâuz, piêr pâuz lok cêr chêi têz qơưk têx cui tênhv lok txưr xêir tsov nhuôs tuz nhuôs nxêik thâuv xênhz zus. Txix hâur shôngk shông txos nhiv no, tas nro huyện tưz yax kriê uô cê chor tsênhv njiêz lok txo grêk tsơưs tsik siz bâus nhuôs tuz nhuôs nxêik thâuv xênhz zus trâu 4.000 ntâu lênhx nênhs; kruôz kriê trâu 70 lênhx canr bôv y têr têx xar lok txo grêk tsơưs tsik siz bâus nhuôs tuz nhuôs nxêik thâuv xênhz zus. Sik côngv đros chor cơ quan uô hâux lưv no, tsưr tsix đoanx thêv li Đoanx hluôk nênhs, Hôiv pox niêv cxiv tsa câu lạc bộ “Chuôz zis tsik xênhz zus tuk nhuôs tiv 3”; kriz uô tsưr ziv jông lok paz trâu chor nhuôs nxêik ntơưv chor tsêr cơưv ntơưr cxênhx pêz sâuv thax tsav… Txix co gra siêz jênhv pâuz thiêz jux juk uô hlôngr yiêz lok côngz xưv dân sôr, paz txo grêk tsơưs qênhx shênhx tsik siz bâus chor nhuôs tuz, nhuôs nxêik thâuv xênhz zis sâuv thax tsav huyện./.

(Bích Thủy-Lik Thox cxêik nhênhv-Lưu, in đĩa)

Hmo 20/10, Cơ quan Cảnh sát qênhz yuôx, Công an tỉnh Lai Châu tưz qir tik cêr cxâuv, ntêk Lý Chà Lối, xênhz shông 1967, nhoz jok Seo Hai, xã Can Hồ, huyện Mường Tè (Lai Châu), zos Chủ tịch Ủy ban xã Can Hồ, huyện Mường Tè lok sâuv uô tuôr xuôv nhiêx txiêx têz qơưk trơưk li Viện Kiểm soát tỉnh Lai Châu quyết tinhv. Đhâu qênhz yuôx xav tinhv, shông 2020, Ủy ban xã Can Hồ tâu choz uô tsưr dưv anr paz max nhoz têz qơưk tsaz yênhx cxiv tsa jêx jok yiêz, xav hur si têx pênhr nhiêx zos 306 tsov đeiv ntâu. Dưv anr yưv pênhr uô, paz trâu 82 chuôz zis pêx xênhv hâur xã. Taz sik, zos Chủ tịch Ủy ban xã Can hồ, zơưv Lý Chà Lối tưz chox kriê lênhx tuôr nhiêx txiêx muôz 278 tsov đeiv trâu iz cxiê lênhx nênhs chiê sir zôngv thiêz muôz 178 tsov đeiv trâu zơưv Lý Chà Lối zôngv./.

(Khắc Kiên-Riê Lâux cxeik, nhênhv)

Tôv côngz xưv Zênhx Pênhz phax Nà Hỳ, Zênhx Pênhz phax Na Cô Sa thiêz Phòng phax tar zax zênhz thiêz nênhs phamv xcâuv, Bôv đôiv Pênhz phax tỉnh Điện Biên uô hâux lưv ntơưv thax tsav jok Huổi Sang, xar Nà Hỳ, huyện Nậm Pồ, tỉnh Điện Biên nhiv kruôr pov thiêz cxov tâu Súa Xênhv Tsaz, nhoz jok Huổi Thủng 3, xar Na Cô Sa, huyện Nậm Pồ, tỉnh Điện Biên tsênhv thâux gra tsik zos chêi 120 gram zênhz đơưz thiêz 60 njiêr yuôx shơư zax zênhz. Súa hêik pâuz zuôr chor zax zênhz co txix iz lênhx nênhs pâuz tsik tsênhz nhoz jê thax tsav ndêx chiv ntus đriv 64, ntus đriv Việt-Lào đros chor nhiêx zos 7,5 triệu đêiv chiê chox lok sir zôngv thiêz muôs zuôr liv.

Nhiv no txuz hâux lưv tsênhv tror tâu nriêr pâuz cov tsênhz mênhx chiê muôz tik cêr cxâuv trơưk chêi têz qơưk têx cui tênhv./.

(Vũ Lợi-Lik Thox cxêik nhênhv)