Nhiv kruôr đhâu, têx tỉnh hâur thax tsav faz Bắc tưz tsưr tsix choz zok quân shông 2022. Ntơưv 12 huyện, thành phố, tỉnh Sơn La tưz sik đros tsưr tsix choz zok muôx 1.500 lênhx hluôk nênhs muk uô tuz lênhv. Chor tuz lênhv no zuôr muk uô jênhv vưv ntơưv têx taz viv hâur Công an tỉnh, Bôv chỉ huy quân sự, Bôv chỉ huy Bôv đôiv Pênhz phax tỉnh, Trung đoàn 82 thiêz Sư đoàn 316 (Quân khu 2). Shông no, tỉnh Điện Biên muôx 1.000 ntâu lênhx hluôk nênhs muk uô tuz lênhv trâu têx taz viv hâur quân đôiv thiêz công an, zos: Trung đoàn 741, Bôv chỉ huy quân sự tỉnh; Bôv chỉ huy Bôv đôiv Pênhz phax tỉnh; Trung đoàn 82 (Quân khu 2) Thiêz Công an tỉnh Điện Biên. Tỉnh Điện Biên thiêz Sơn La tưz choz zok têx tuz lênhv trâu chor taz viv ngaz tuk. Chor taz viv jênhv têx tuz lênhv tưz bax uô jông, cxix cuô chiê tok chor chiến sĩ yiêz lok trâu taz viv ngaz tuk. Chor tuz lênhv cux sir jos, uô cov tiêr têx jênhv vưv tâu choz, paz đas jos  cxiv tsa thiêz por vêv têz qơưk./.

(TTTB-Ly dịch đọc)

Tiv chuô txiêk uô ruôr hiêv txos, tas nro tỉnh Sơn La no njiv, têx thax tsav tox siêz lol đâuk tê. Nhiv no tỉnh Sơn La tưz bax cxuô faz tsưr ziv phax tar no, por hưv thiêz tsoz phưz đas jos trâu lênhx nênhs, iz chas co, bax por hưv jông têx tsiêx cxu, tsi tso têx txiêx muk nox jâuz pêv yar jâuz, trâur tơưk trâu tsiêx ntê thiêz bax tsês têx jâuz krâur trâu tsiêx cxu nox…..

Trơưk li Tsênhv qơư njuôk ntux yar ntux nas têz qơưk, hâur 2, 3 hnuz zuôr txos, ntơưv Sơn La heik taz thiêz chor tỉnh Tây Bắc heik cxuô tsênhv zuôr tror chuô txiêk, no njiv ntêr. Co zos jiês ntux no njiv đuô hur si txix thâuv cheix ntux no lok. Chênhr viv li, cxuô thax tsav qơư tsuv bax têx tsưr ziv phax tar, txar jav, txo grêk tsơưs têx tsi jông tiv ntux no uô ruôr hiêv txos sơưr đơưk luz nênhx xênhz huôx thiêz huôv tsar uô nox uô hâuk./.

(Lê Hạnh-Riê Lâux cxeik, nhênhv) 

Têx hnuz đhâu, jêx tưv sâuv thax tsav tỉnh Yên Bái grêk kik, tiv zix zos txix hnuz 18/2 tror lok no, Yên Bái muôx ntux lok nas, têx qơư lok nas lox, jêx tưv grêk kik, thax tsav tox siêz kik đuô 7 tưv, ntux no chênhr, no njiv thiêz muôx huôz tsâuk. Tiv zix nhoz iz cxiê qơư tox siêz ntơưv huyện  Mù Cang Chải tưz muôx đâuk tê đros jêx tưv txix 3-5 tưv, têx qơư 0 tưv. Chiê por vêv chor tsiêx cxu hâur jiês ntux no no, nganhx kôngz nuv Yên Bái tưz sik côngv đros cxuô thax tsav qơư chox kriê, hêik pêx xênhv uô jông lơưr têx tsưr ziv por vêv chor tsiêx cxu li: tsik tso yar têx tsiêx cxu, cxax yuôx phax moz trâu chor tsiêx cxu cov cxix cxuô, tsês chiê zav nox trâu tsiêx cxu, chox chor nhux, tưv lok trâu têx qơưk kik đuô chiê tu zus… Zơưv Đàm Duy Đức, Chi cục Trưởng Chi cục Tu zus thiêz Thú y tỉnh Yên Bái puz pâuz:“Đros thax tsav tox siêz mak jêx tưv grêk kik đuô lok six ntâu pir li têx qơư kik. Viv li tưz chox kriê pêx xênhv thâuv jêx tưv grêk kik mak sêiz shuôk cov jông chor tsiêx cxu, tsik tso yar tsiêx cxu, thêir vor têx tsêr guôx cux xưk li bax tơưl, cxuô zav trâur trâu chor tsiêx cxu ntê cov sor”./.

(TTTB-Lik Thox cxêik nhênhv)

Cux iz zav li cxuô suôv qơư txơưr đuô hâur thax tsav Tây Bắc. ntux no njiv tưz uô riêr hiêv txos tas nro cxuô thax tsav qơư hâur tỉnh Lai Châu. Têx cơ quan muôx vax huôv ntơưv qơư thiêz tsôngv box sơưr dơưk tsênhv uô cxuô faz tsưr ziv chiê por hưv têx tsiêx cxu. Zơưv Nguyễn Hồng Quân, Tsar Phongx Kôngz nuv thiêz huôv tsar tox siêz huyện Tam Đường heik pâuz: Têx tsưr ziv phax tar no trâu tsiêx tu zus tưz tâu tsôngv pêx xênhv bax uô chiê por hưv chuôz zis têx tsiêx cxu. Tsôngv niêv txir lax pêx xênhv tưz bax tsês têx jâuz tâux, kuôr blêx, hmôngr krâur chiê txix ciês thâuv hâur cheix ntux no. Taz sik, no zos jiês ntux no uô kaz, viv li zuôr phiv liv trâu iz cxiê chuôz zis:“Thâuv muôx ntux no njiv, tsôngv pêx xênhv tưz bax chaz thiêz lơưr têx tsiêx, lar heik zos chor txiêx nhoz tox siêz lok  gâuv no trâu qơư kis; muôz têx ntâuz tax xor thêir qơư cơư tsiêx cov ntov, thiêx tsi yâu chuô txiêk. Thâuv têx hnuz no njiv hênhr mak pêx xênhv trâur tơưk trâu tsiêx ntê, taz por muôx txâuk jâuz krâur trâu tsiêx cxu nox”./.

 (Khắc Kiên-Riê Lâux cxeik, nhênhv)