Cuiv paz max mê nhuôv zâu VN đros Sở lox tôngv thương binh thiêz xã hội tỉnh Điện Biên thiêz hlôngr njêx muôs lênhx nênhs paz txưv Tập đoàn trox yêz VN nhiv kruoro tsưr tsix choz côngz tsinhx thư viện trâu tsêr cơưv phổ thôngz mênhx cxưx bán trú THCS xã Phình Giàng, huyện Điện Biên Đông, tỉnh Điện Biên. Côngz tsinhx tâu krêz côngz cxiv tsa lok hli 10/2022 đros mênhv chêx sir zôngv zos 36 yiv ndis thiêz têx chuôz zênhx li trôngx tos, ntâuz ntơưr, nzuôv....tas nro yưv pênhr uô zos 300 tsov đeiv zos Tập đoàn trox yêz paz txưv thôngz đhâu Cuiv paz txưv mê nhuôk zâu VN. Thâuv uô tiêr chox lok sir zôngv, thư viện zos qơư chiê têx shux xênhz tuôx nhênhv ntơưr, nriêr pâuz cxaz têx yênhx tưv ntơưv tsêr cơưv./.

                                                              VOV4-Txâur Vax cxeik nhênhv

Đhâu muôs 3 shông ntâu tso tsês tiv phiv liv txix moz Covid-19, hnuz 20/2, muôx 100 ntâu lênhx nênhs nhoz Lai Châu tâu uô ntâuz ntơưr chiê muk đhâu trôngx đriv Ma Lù Thàng, huyện Phong Thổ (Lai Châu). Niêv tix Tẩn Thị Thủy, nhoz jok Sơn Bình, xar Ma Ly Pho, huyện Phong Thổ hêik:“Muôx nhos 4 shông no lơưv cur tsik tâu muk trâu saz Trung Quốc hlo. Hnuz no ho tror tâu muk trâu saz têz qơưk no cur lok six shir phaz. Cur zos muk ciêz thiêz zuôr muôs hax huv. Cur uô ntâuz ntơưr, mak tâu chor canr bôv sêiz car trôngx đriv uô lok six sêi, paz cxuô kror trâu pêz tâu zôngx ziv muk lok”./.

                                                                  Khắc Kiên-Lik Thox cxêik nhênhv

Cấp ủy, chính quyênx tiv phaz tsênhv sik côngv đros têx saz muôx “lênhx coaz car chêx hâux lưv lênhx nhuôv tuz shux xênhz trâus đêr tov saz ntâu thâuv muk đhiê tâus cêr nhoz Lào Cai. Uô ntêx co, thâuv 5 six zar hnuz keix hnuz 18/2, lênhx hluôk tuz nênhs Hmôngz 16 shông, nhoz jos Na Lốc 4, xã Bản Lầu, huyện Mường Khương (Lào Cai) nhiv kruôr tuôx cơưv ntơưr ntơưv tsêr cơưv Cao đẳng Lào Cai tâu 2,3 hnuz, thâuv muk đhiê tâus cêr shâuv thiv thao ntơưv thax tsav Dragon, phường Bắc Cường, TP Lào Cai tưz trâus 2 tul đêr lox đhiê tuôx tov tsi so. Iz cxiê lênhx tsôngv box nhoz co pov tưz đhiê tuôx paz max, chox lênhx hluôk tuz muk chơưv kho ntơưv tsêr kho moz đa khoa tỉnh Lào Cai. Bác sĩ Nguyễn Văn Bách, khoa ngoại tsêr kho moz puz pâuz: “Nênhs moz trâus saz sâuv tâuz hâu, chax đaz, tês, tơư thiêz tas iz chêr. Trâus saz lok six ntâu, moz, txơưv lok nyar tsi ntâu, taz sik uô zênhr shar ntâu txos lênhx nênhs co”./.

                                                                  An Kiên-Txâur Vax cxeik nhênhv

Đhâu qênhz yuôx, xav jênhv tsik pov muôx têx uô cxâuv cik txos lênhx chiến sĩ Cảnh sát cơ động trâus tuôs nhoz Yên Bái.

Têis cik hnuz 16/2, Chiến sĩ hâur Tiểu đoàn Cảnh sát cơ động sôr 3, Trung đoàn Cảnh sát cơ động Tây Bắc, Bôv Tư lệnh Cảnh sát cơ động (nhoz tỉnh Yên Bái) sơưr uô thể dục thâuv têis cik sơưr nzor taz sik tsik pov chiến sĩ Lưu Thiện M. (19 shông, nhoz tỉnh Thái Nguyên, tuôx uô tuz lênhv hnuz 6/2). Qênhz yuôx lênhx nênhs co luz txax, sơưr đơưk pov muôx iz tuk mox jênhx tâu uô txix câuk mov thiêz hâur ndông, muôxpav vor trâu saz sâur. Txos 1 six zar hnuz kêix đros hnuz, pêx xênhv hêik pâuz pov muôx iz lênhx hluôk nênhs trâus tuôs ntơưvtuk ndêx ăng-ten nhoz kuôk taz viv xar muôx 2 cêik cêr. Cơ quan muôx vax huôv tsênhv sir jos qênhz yuôx, xav jênhv lênhx nênhs trâus tuôs zos chiên sĩ Công an Lưu Thiện M. Đhâu njuôk shuôk đros nriêr pov tâu M têx ntâuz ntơưr sâu tsês… Cơ quan muôx vax huôv xav jênhv tsik pov muôx têx phiv liv tưs uô trâu M trâus tuôs. Njuôk xav xuz thơưx zos M. tưz chiv chir ndê trâu sâuv tuk ndê no siêz muôx 20 thiêr đhiê pôngz lok thiêz trâus tuôs.

Nhiv no, M tưz tâu choz zok trâu chuôz zis chiê uô đaz uô kruô. Txuz hâux lưv no cux tsênhv tror tâu cơ quan muôx vax huôv qênhz yuôx lơưr chêi têz qơưk têx cui tênhv./.

                                                                         Thừa Xuân-Lik Thox cxêik nhênhv