Têx qơư muôz xor mông trâu pov tsir, lar heik zos nhoz têx thax tsav Tây Bắc tưz tâu hlôngr yiêz hâur ntu đhâu. Xã Văn Phú, TP Yên Bái, tỉnh Yên Bái zos iz hâur têx thax tsav zov chênhr lok công nghiệp, muôx 30 ntâu tsêr meir thiêz 2 cxênhz lênhx công nhân uô têx hâux lưv li: Tsông, jov poz jêz; cơư ntông, uô txiês; tsiv uô têx zak zưr…. Iz chas tâu sơưv têx jông, muôx liv txix tsưr ziv uô nuv lơưr têz qơưk hlôngr yiêz nhiv no, Văn Phú cux muôx kênh jiês muôx têx cuz nxor lok ar têz, tênhx qơư. Txơưv co cux zos têx hâux lưv zov chênhr tsuv đơưk tu zênhx max, taz sik zos nov hâu ntơưv qơư tsi seiz hloz txos pov tsir li pưs txux mak cux zôngx ziv muôx yưv têx tsi jông, uô trâu sơưr đơưk heik li uz li no txos. Zơưv Nguyễn Anh Quyền, Chủ tịch Uỷ ban xã Văn Phú, TP Yên Bái heik pâuz:“Txar jav têx tsi jông, xor mông tsi muôx tsênhz, lar heik zos chiê tsưx phưv tâu ntơưv qơư li cêr huôv tsar cxuô, hâur ntu nhiv kruôr đhâu, thâuv tưs muôx yưv têx tsi jông, ntơưv qơư tưz zênhx max heik trâu cxuô phongx, ban lês car uô đreiv, đơưk tu têx nuv co hâur TP pâuz, đhâu ntơư muôz xor mông tsênhz mênhx txos trâu chor tuz sâu xor xưv, chiê ntơưr pov tsir, đeix sâu, xa têx mông huv đros”./.

(TTTB-Riê Lâux cxeik, nhênhv)

Lơưr zơưv Dương Đức Huy, Trưởng Ban Tuyên giáo Tỉnh ủy Lào Cai, ntu đrav ntêx, chôngz lênhx nênhs lênhx tov têx thax tsav qơư tsik so cxơưx, têx thâuv tsênhv tsik cav têz têx luk nus. Taz sik xav txix thâuv muôz tsênhv njiêz huôv tsar pov chir trâu Nghị quyết Đại hội thiêz uô cov tsênhz mênhx sâuv ntâu kror, nhiv kruôr tsik tâu muôx iz six cxiv, têx xor mông hêik trâu pov chir pâuz ntơưv Lào Cai tưz hlôngr yiêz thiêz muôx lok six ntâu. Kror tsuv hêik, lok six chôngz lênhx canr bôv ntu đrav ntêx nhiv no tưz njiz pov chir, têz pov chir têx luk nus cov lok six jông mak tsuv sir jos thiêz uô cov jông têx hâux lưv, txux chi tsuv tâu gra siêz thiêz tuôr truôx. Tsuv hêik tiêk, pov chir tsênhv paz tsik tsơưs trâu chor canr bôv cov txơưx thiêz sir jos uô hâux lưv đuô:“Cux zênhx zos lênhx nênhs li co xưz, taz sik thâuv muôx nzir têx txux chi, tsưr ziv, tâu choz jênhv vưv tsênhv tsênhz thiêz tâu cxơưz cxiz mak lơưr zuôr hlôngr yiêz đuô thiêz txix co cux paz trâu lơưr uô tiêr tâu jông đuô têx hâux lưv. Pêz cxơưz cxiz tas nro lênhx tov, nênhs hêik luk chuôz cxaz njiz, hêik pâuz xor mông trâu pov chir cov cxix cxuô, ndar six hơưv thiêz huv đros…”./.

(TTTB-Lik Thox cxêik nhênhv)

Tỉnh Sơn La nhiv kruôr tso tơưv Quyết tinhv yênhx lix tỉnh li Ban chox kriê phax tar uô tuôr xuôv nhiêx txiêx têz qơưk. Iz chas co, Ban chox kriê phax tar uô tuôr xuôv nhiêx txiêx têz qơưk tỉnh Sơn La muôx 15 lênhx nênhs; iz lênhx Tsar ban, 5 lênhx phưv tsar ban thiêz 9 lênhx uỷ viên. Tsar ban chox kriê phax tar uô tuôr xuôv nhiêx txiêx têz qơưk tỉnh Sơn La zos zơưv Nguyễn Hữu Đông, Uỷ viên T.Ư đảng, Bí thư Tỉnh uỷ, tsar đoanx đại biểu Côx hôiv tỉnh Sơn La; têx lênhx phưv tsar ban zos Phưv Bí thư Thường trực Tỉnh uỷ, Tsar ban Tsưr tsix, Tsar ban Nội chính, seiz car Uỷ ban qênhz yuôx Tỉnh uỷ thiêz Giám đốc Công an tỉnh; uỷ viên zos têx lênhx sơưr thơưx chor sở, ban, ngênhx hâur tỉnh. Trơưk li Quyết tinhv nhiv kruôr tso tơưv, Ban chox kriê phax tar uô tuôr xuôv nhiêx txiêx tỉnh Sơn La đhâu thâuv yênhx lix, zuôr tso tơưv cui tinhv uô hâux lưv; cxiv tsa tsaz yênhx, tsưr ziv uô nuv chiê fuô uô têx luôs hâux lưv co./.

(Thu Thuỳ-Riê Lâux cxeik, nhênhv)

Nhiv kruôr đhâu, Ban Chox kriê tso nyar siêz jông tỉnh Lai Châu sik côngv đros Ban chox kriê tso nyar siêz jông huyện Tam Đường tsưr tsix Tsaz yênhx hênhr kruôk thiêz tso tơưv Tso nyar siêz jông shông 2022. Tưz muôx 400 ntâu lênhx nênhs zos canr bôv, công nhân viên chức, lox tôngv thiêz pêx xênhv tuôx tso nyar. Đhâu tsaz yênhx tưz txêik tâu muôx 360 taz viv nyar (ndê 90 taz viv nyar pir li tsưr ziv tâu tỉnh tso tơưv choz zok), paz muôx nzir têx nyar chiê chơưv paz trâu chor nênhs moz. Ndaz ndơưv jiês no, 3 tập thể, 21 lênhx nênhs thiêz 2 ziv chuôz zis  tâu Tsênhv qơư Hôiv Chữ thập đỏ Việt Nam, Chủ tịch Ủy ban tỉnh, Hôiv Chữ thập đỏ tỉnh khơưk muôz ntơưr kruôk uô tâu jông hâur hâux lưv tso nyar thiêz hêik sơưr đơưk tso nyar siêz jông shông 2022./.

(BáoLC-Lik Thox cxêik nhênhv)