Moz Covid-19 ntơưv tỉnh Điện Biên tsênhv huôv xênhz phêv liv. Nhiv no, nganhx y tế tiv phaz tsênhv cêv kuôk iz qơư muôx moz huôv xênhz phêv liv ntơưv tsêr cơưv Cao đăng sư phạm tỉnh Điện Biên. Pos Nguyễn Thị Tuyết Mai-hiệu trưởng tsêr cơuv puz pâuz: tas nro nênhs moz zos 61 lênhx, puôr lênhx zos shux xênhz. Nênhs moz qir chuôz ndê txox hnuz 19/2 thâuv muôx 3 lênhx shux xênhz trâus moz. Nhiv no, tas nro têx lênhx nênhs moz F0 đros 150 lênhx F1 tsênhv tâu cêv kuôk hâur tsêr cơưv chiê kho moz. Tsêr cơưv cux heik 5 lênhx cưk kriê thiêz lênhx nênhs sik hlôngr chiê phưx vưv nênhs moz F0 thiêz F1 li hâux lưv nox hâuk, xênhz huôx. Thôngz sâu hâur tas nro tỉnh Điện Biên, xav txix hâur shôngk shông 2022 txos nhiv no muôx 5 cxênhz ntâu lênhx nênhs trâus moz Covid-19. Nênhs moz tuôs zos 3 lênhx, puôr lênhx zos nênhs moz tưz muôx moz hnhar uô ntêx co./.

(Vũ Lợi-Txâur Vax cxeik nhênhv)

Txix moz Covid-19 huôv xênhz phiv liv, hnuz 21/2, 59 hâur hur si 609 luz tsêr cơưv nhoz tỉnh Sơn La tưz tso têx shux xênhz tax so tsi tuôx cơưv ntơưr trâu tsêr cơưv. Hâur co, muôx 37 tsêr cơưv phưv thôngz tax tso shux xênhz so ntơưr thiêz cơưv trơưk tsưr ziv muôz têx jax ntơưr cơưv trâu shux xênhz uô hâur tsêr; 7 luz tsêr cơưv phưv thôngz kriê thiêz cơưv đhâu hâur meir tính, meir hu xor tôngx; 15 luz tsêr cơưv cxênhx nhuôs zâu tso shux xênhz so ntơưr.  Trơưk li thôngz sâu, txos nhiv no, ngênhx zoz zux Sơn La tưz muôx 1.500 lênhx canr bôv, cưk kriê ntơưr, shux xênhz trâul moz Covid-19 nhoz cxuô cxênhx cơưv txix nhuôs zâu txos cxênhx 3 thiêz zoz zux thường xuyên; 16 cxênhz ntâu tus zos têx lênhx tâu nhoz jê đros chor nênhs moz./.

 (Lê Hạnh-Riê Lâux cxeik, nhênhv) 

Ntux no njiv ntêr hâur têx hnuz đhâu tưz uô ntâu tsiêx cxu nhoz iz cxiê tiv phaz hâur thax tsav Tây Bắc trâus tuôs no, ntâu mênhv chêx tsoz chos trâus zênhr shar, njuôs xav ruôr hiêv lok kinh têr yênhx tỷ đeiv.

Ntơưv Sơn La, txos zar hnuz keix hnuz 21/2, ntux no njiv thiêz muôx đâuk tê tưz uô 393 tul tsiêx cxu trâus tuôs; hâur co muôx 200 ntâu tul nhux đas, zuôr xar 100 tul nhux tưv thiêz mê nhuôs tưv; chor tsênhv yuôr zos mê nhuôs nhux, yik thiêz mê nhuôv buô. Đrâuv co, ntux no njiv cux uô ruôr hiêv 65 cir njês; 40 tsoz ntông tếch lox; 120 tsoz txir trâuv nhux chos tâu 2 shông; 50 tsoz cà phê chos tâu 5 shông....Njuôs xav ruôr hiêv tas nro muôx nhos 6,5 tỷ đeiv. Tỉnh Yên Bái nhiv kruôr sâu jênhv têx tsiêx cxu trâus tuôs no ntơưv têx xã Minh Tiến thiêz Trúc Lâu, huyện Lục Yên. Tsênhz mênhx, chor nhux tưv nhux đas trâus tuôs no zos 3 tul. Txix têx njuôs pov jêx tưv zuôr tror grês kis, ntux no njiv ntêr hâur têx hnuz zuôr txos, nganhx kôngz nuv tỉnh Yên Bái tsênhv sir jos đros têx tiv phaz cxơưz tiês yax mông, vênhv tôngv, heik kriê tsôngv box uô jông têx tsưr ziv phax tar no trâu tsoz chos, tsiêx tu zus./.

(Lê Hạnh-Txâur Vax cxeik nhênhv)

Jê tưv grêk kis 0 tưv, uô trâu thax tsav Hoàng Liên Sơn muôx đâuk tê khor đơưz pâus, hâur co muôx đơưv trôngz Ô Quy Hồ hâur thax tsav xã Sơn Bình, huyện Tam Đường, tỉnh Lai Châu. Đâuk tê khor đơưz pâus lo sâuv têx shôngz ntông, poz jêz uô trâu lênhx nênhs muk lol đhâu cêr đrêk yênhx paz njiê seiz, cxeik đuôz uô si. Hnuz 21/2, tưz muôx lok six chôngz lênhx thiêz têx yêz muk txix Sa Pa (Lào Cai) thiêz tỉnh Lai Châu lok đhâu đơưv trôngz Ô Quy Hồ chiê seiz njiê têx đâuk tê. Trung tá Nguyễn Tú Anh, Phưv Tsar phongx Cảnh sát zoz thôngz, Công an tỉnh Lai Châu heik pâuz: Taz viv tưz hux jos đros têx lưv lươngv muôx vax huôv ntơưv qơư tso lênhx nênhs qênhz yuôx thiêz seiz shuôs ntơưv thax tsav đơưv trôngz co chiê heik, kriê lênhx nênhs cheix yêz muk lol cov taz por truôx tuk trâu lênhx tiz nênhs thiêz têx yêz thâuv muk đhâu ntu cêr no. Mông txix Tsênhv qơư njuôk ntux yar ntux nas tỉnh Lai Châu heik pâuz, hâur têx hnuz đhâu, sâuv thax tsav lok six no njiv hênhr. Hâur chor hnuz zuôr txos, ntâu suôv qơư zuôr ziv no njiv hênhr đuô thiêz, lar heik zos thâuv hmo ntux thiêz zôngx ziv muôx đâuk tê. Trơưk li njuôk xav, jiês ntux no njiv nor zuôr no ntêr txos tas hnuz 23/2./.             

                                       (TTTB-Riê Lâux cxeik, nhênhv)