Zar hnuz kêix 21/2, Đại sứ Hoa Kỳ ntơưv Việt Nam Marc E. Knapper đros đoanx côngz xưv Đại sứ Hoa Kỳ, Cơ quan huôv tsar ntiêx têz Hoa Kỳ đros Tsưr tsix FHI 360 tưz chuôr yuô thiêz uô hâux lưv ntơưv Lào Cai. Zơưv Trịnh Xuân Trường-Chủ tịch Ủy ban tỉnh Lào Cai hêik Đại sứ Hoa Kỳ ntơưv Việt Nam chuôz cxaz piêr pâuz, cxơưz cxiz têx doanh nghiệp Hoa Kỳ tuôx Lào Cai chiê nriêr pâuz thiêz yưv pênhr; tror hêik chor tsưr tsix, nênhs siêz jông paz trâu Lào Cai têx nhiêx txiêx chiê hlôngr yiêz đuô cêr, vax tsêr cxuô zav, txo grêk yêiz pluôs, cxiv tsa jêx jok yiêz. Uô tsâus ntâu txos Hoa Kỳ li Tsưr tsix Vòng tay Thái Bình tưz paz trâu Lào Cai Dự án “Paz trâu chor nênhs trâus nziêk đas muôs tror lok uô nênhx đros côngv thôngx” ntu 2021-2025. Đại sứ Hoa Kỳ ntơưv Việt Nam hêik tỉnh Lào Cai tsuv tror sir jos chox kriê thiêz tsưr tsix sik côngv jông hâur côngz xưv phax, tar nanv zuôr muôs lênhx nênhs. shông 2023 oz têz qơưk chiv nhênhv 10 shông Hnuz kriz uô chor tos sik côngv cxix cxuô Hoa Kỳ-Việt Nam, Đại sứ vav tiêk oz têz qơưk zuôr tror sir jos cov cêr coangz siv tâu uô truôx jông đuô./.

                                                              VOV-Vũ Lợi-Lik Thox cxêik nhênhv

Zos qơư chos ntâu ntông nox txir thax tsav faz Bắc, sơưr tiv 2 tas nro têz qơưk, đros mênhv chêx zos 80 cxênhz hecta, tỉnh Sơn La tsênhv ndar txos cxiv tsa thiêz huôv tsar thax tsav chos ntâu tsoz, zôngv tsưr ziv chos, tsoz phưz, sâu đê chiê muôz siêz tsơưr lươngv xiv huv. Shông 2022, tỉnh muôs tơưv têx xiv huv, zav nox tax tsiv grê 163 tsov ntâu USD, đros ntâu xiv huv muôx tsơưr lươngv li: txir trâuv nhux 9 cxênhz tênhr, tsơưz 4 cxênhz 500 ntâu tênhr; 3 cxênhz 700 ntâu tênhr txir lưv tsiz zâu; kok ntông 91 cxênhz ntâu tênhr....Têx xiv huv tâu têx niêv ciêz ntâuk grê siêz, huv đros thiêz zoz qơưx niêv ciêz hâur thiêz saz đrâuv têz qơưk. Shông no, Sơn La tso tơưv tsưr ziv muôs tơưv 184 tsov USD, hâur co tsiv grê xiv huv ntông nox txir muôs tơưv tax 25 tsov ntâu USD./.

                                                                 Trấn Long-Txâur Vax cxeik nhênhv

Ntu đhâu, hâux lưv nziêk đas muôs têx hax huv paz đas jos, zav nox pâuz tsik tsênhz qơư uô, tsik tâu Bôv Y têr tso chêi muôs tưz zos kror muôx yưv ntơưv ntâu thax tsav qơư. Taz sik, cux tsênhv muôx chôngz lênhx nênhs njênhs siêz uô trơưk. Niêv tix Nguyễn Thị Thu Trang, nhoz phường Thanh Trường, thành phố Điện Biên Phủ, tỉnh Điện Biên puz pâuz: Niêv tix niêv tâu njuôk shuôk tiêk trâus moz trưx phax siêz txix iz đraz shông 2021 tsênhv nhoz trâu ntu trâus moz xuz thơưx. Txos zar kaz shông 2022, niêv tix niêv cxaz chuôz trâu iz chor nênhs sik thav sâuv Internet thiêz zuôr lok six ntâu têx hax huv zav nox paz đas jos pâuz tsik tsênhz qơư uô tas muôx yênhx puô triệu đêiv nhiêx txiêx. Nênhs moz tâu heiek pâuz tsưr ziv sir zôngv têx hax huv no, tsik thav nox nzir tuk đaz tsi thiêz tsik tâu chơưv kho moz lơưr tsêr kho moz tưz heiek kriê, uô li co mak zuôr chơưv kho tâu jông moz trưx phax xưz. Taz sik txix thâuv kaz shông 2022 txos hli 2 shông no, đhâu tsik so sir zôngv chir hax huv no, niêv tix niêv trâus pôngz đas jos ntâu thiêz tưz trâus tuôs./.

                                                                 Vũ Lợi-Lik Thox cxêik nhênhv

Thax tsav tuôr tsês chiv xênhz đrox tsuôk Nà Hẩu đar 16 cxênhz hecta ntâu, nhoz sâuv thax tsav 4 xã: Nà Hẩu, Đại Sơn, Mỏ VCàng thiêz Phong Dụ Thượng, huyện Văn Yên, tỉnh Yên Bái. Nhoz hâur thax tsav muôx 4 cxênhz 500 hecta jôngr chos, xã Nà Hẩu muôx 460 ntâu ziv chuôz zis tsôngv box Hmôngz nhoz uô nênhx. Chiê por vêv jông têx jôngr lâuk, txix nzor pox nhuôk tưz tso tơưv têx cui tênhv lok hâux lưv por vêv jôngr thiêz tâu côngv thôngx seiz tsiv grê. Iz hâur tex co zos uô phongz cxưx txiv côngv jôngr. Hnuz no tưz tâu huôv tsar yênhx ntênhs phêv tsiêz jôngr Nà Hẩu cheix ntux yiêz niêx shông đros ntâu phongz cxưx li: txi côngv jôngr, thor ntux nas jông, jôngr ntông huôv tsar jông, sâu tâu chiv cheix jông....Zơưv Shôngx A Xà, tsôngv box nhoz jos Bản Tát, xã Nà Hẩu puz pâuz: “Lơưr nênhs Hmôngz li phongz cxưx txix thâuv ntêx txos nhiv no tưz muôx phongz cxưx txiv côngv jôngr. Niêx shông txir nênhz zuôr hu chiê tsưx phưv por vêv jôngr ntông, hâur đêx. Zos lênhx tưs cxoz xưv uô cxâuv, ntor luôx jôngr mak zuôr trâus muôx moz muôx gênhs”./.