Ntơưv jiês njiz njêx muôs thiêz khơưk muôz giải “Pov chir Suối Reo tỉnh Sơn La” shông 2022, Cơ quan Đaix nta suôz Việt Nam ntơưv thax tsav Tây Bắc tax tâu 8 giải, đros 1 giải A, 2 giải B, 3 giải C thiêz 2 giải khuyến khích. Ntơưv jiês njiz njêx muôs, zơưv Nguyễn Hữu Đông, Bí Thư Tỉnh ủy Sơn La tưz muôx luk phôngv jông txos chor cơ quan pov chir thiêz chor nênhs sâu pov chir ndaz ndơưv Hnuz Pov chir cách mạng Việt Nam 21/6, thôngx  cxix ntâuk gri siêz txos chor cơ quan pov chir tỉnh thiêz Trung ương nhoz sâuv thax tsav li têx hâux lưv yax mông. Tiv zix, chor nênhs uô pov chir sâuv thax tsav tsik so huôv tsar thiêz txơưx uô hâux lưv đuô đros muôx cxix cxuô cxuô zav pov tsir li: Pov tsir nta suôz, xa đuôz, pov tsir điện tử… Chor nênhs uô pov tsir ntơưv thax tsav qơư tsik so zos chor lưx lươngv uô ntêx hlo sâuv cxuô luôs hâux lưv sâu xor xưv, muôx phênhv paz trâu tỉnh  huôv tsar. Ndaz ndơưv jiês no, Ban tsưr tsix giải “Pov tsir Suối Reo tỉnh Sơn La” shông 2021-2022 tưz khơưk muôz 5 giải A, 10 giải B, 15 giải C thiêz 25 giải khuyến khích trâu chor nênhs sâu xor xưv nhoz cxuô zav pov tsir li: Pov pov tsir điện tử, đuôz pov tsir, nta suôz, xa đuôz. VOV faz Bắc tax tâu 1 giải A thiêz 7 giải B, C thiêz khuyến khích./.

(Lê Hạnh-Lik Thox cxêik nhênhv)

HĐND tỉnh Lào Cai khoá 16 nhiv kruôr tsưr tsix cơưv jiês tiv 5 chiê đơưk tu têx luôs hâux lưv huôv xênhz jiês 2 hâur six cxiv 2021-2026 tâu HĐND tỉnh Lào Cai tsưr tsix cơưv trơưk li cui tinhv. Ntơưv jiês cơưv no, chor đại biểu HĐND tỉnh Lào Cai tưz thôngx ziv choz pênhr huôv tsar uô têx côngz trênhx, luôs hâux lưv uz no, xav hur si chor pênhr co zos 3.413 tyv đeiv. Seiz lok HĐND tỉnh têx Nghị quyết 01, 03 lok cui tinhv, tsưr ziv phênhz pênhr nhiêx txiêx têz qơưk uô têz qơưk têx tsaz yênhx thiêz T.Ư têx quyết tinhv uô têx tsaz yênhx, hâux lưv têz qơưk, chor cơ quan cấp tỉnh tâu phênhz 212 tyv đeiv; Uỷ ban cấp huyện tâu phênhz 3.201 tyv đeiv; chor huyện pluôs (Mường Khương, Bát Xát, Bắc Hà, Si Ma Cai) tâu phênhz ntâu đuô, zos txix 400-600 tyv đeiv iz huyện; chor huyện Văn bàn, Bảo Yên phênhz 300 ntâu tyv đeiv iz huyện; thị xã Sa Pa tâu phênhz zuôr xar 250 tyv đeiv; huyện Bảo Thắng tâu phênhz 116 tyv đeiv, TP Lào Cai tâu phênhz 51 tyv đeiv./.

 (DTMN-Lâux cxeik, nhênhv) 

  Lơưr Sở Lox tôngv-Saz pênhz thiêz Xar hôiv tỉnh Lai Châu, shông 2021, tas nro tỉnh muôx 15 lênhx nhuôs zâu trâus pôngz đêx. Tiv zix, hâur 5 luz hli hâur shôngk shông 2022, chor nhuôs zâu trâus pôngz đêx chuôz ndê đros muôx 11 lênhx. Qênhx shênhx no tsênhv hêik tơưv txos tsik ngaz tuk trâu chor nhuôs zâu hâur chêix so sor, tiv zix zos ntu no tsênhv zos chêix ntux nas. Pos Nguyễn Thị Thanh Hải, Phưv Trưởng Phòng, Phax tar txiêz nanv thiêz Por vêv tsoz phưz chor nhuôs zâu, Sở Lox tôngv, Saz pênhz hiêz Xar hôiv tỉnh Lai Châu puz pâuz, qir tiv tsik so njiz nhoz chor txuz nhuôs zâu trâus pôngz đêx zos tiv chor nhuôs tsik tâu pâuz uô luôv đêx, txux chi, tsưr ziv phax, tar trâus pôngz đêx kik; chor nhuôs tsik tâu pâuz chơưv paz trâus nênhs trâus pôngz đêx; chor nênhs lâul tsik uô jông sêiz shuôk têx nhuôs thâuv uô nênhx nhoz hâur têx qơư tsik ngaz tuk…. Đhâu chor txuz muôx yưv co, phongx hêik trâu cxuô cấp chính quyền thax tsav qơư pâuz sir jos uô côngz xưv yax mông, chor chuôz zis muôx mê nhuôs zâu tsuv sir jos gra siêz txơưx jênhv thiêz sik đros côngv têk uô cê chiê paz txo grêk tsơưs qênhx shênhx chor nhuôs zâu trâus pôngz đêx, taz por qênhx liv jông tiv zix trâu chor nhuôs zâu./.

                                                                              (DTMN-Cxêik nhênhv)

Six hơưv đhâu, Công an huyện Văn Chấn, tỉnh Yên Bái qênhz pov hâur thax tsav muôx iz cxiê lênhx nênhs tsưr tsix tưr txiêx txix tsưr ziv tso tưv siz đrâuk, uô tsi truôx tuk thax tsav qơư nhoz, sơưr đơưr heik ntâu txos. Tsênhv tsênhz, thâuv 5 six 30 phênhz tas cik hnuz 14/6, lưv lươngv muôx vax huôv huyện Văn Chấn tưz ntêk cxov chor nênhs tso tưv siz đrâuk tưr txiêx li heik sâuv ntơưv xã Lương Sơn, huyện Văn Chấn. Ntơưv qơư, lưv lươngv muôx vax huôv ntêk tâu 3 lênhx nênhs, sâu tsês muôx 13 tsov đeiv ntâu, 2 tus tưv tso siz đrâuk, 2 luz yêz lox thiêz iz cxiê zav chuôz zênhx txơưr đuô cik txos. 3 lênhx nênhs no krêz lênhk tiêk, zos Muôk Xênhv Phàng, xênhz 1988, zos lênhx tsưr tus tưv siz đrâuk, Phàng Xênhv Phang xênhz shông 1994 nhoz jok Tà Xùa, xã Bản Công, huyện Trạm Tấu thiêz Lu Xênhv Lik, xênhz shông 1985, nhoz jok Nậm Pằng, xã Nậm Có, huyện Mù Cang Chải. Đhâu tror qênhz yuôx, hnuz 20/6, cơ quan Cảnh sát qênhz yuôx, công an huyện Văn Chấn, tỉnh Yên Bái tưz tso tơưv quyết tinhv xơưz xưv, ntêk nzir 19 lênhx nênhs lok sâuv zâuv tưr txiêx. Nhiv no txuz nuv co tsênhv tror tâu công an huyện Văn Chấn qênhz yuôx, uô tsênhz mênhx./.

(Trịnh Xuân-Riê Lâux cxeik, nhênhv)