Gri trox yêz, trox uz no tưz uô ntâu zav hax huv zuôr trâul txos nhoz tỉnh ntus đriv Lai Châu tsar ndê siêz. Tsôngv pêx xênhv nhoz no luz nênhx tưz lok six txov nhêv, nhiv no ziv trâul txov đuô thiêz thâuv gri têx hax huv uz no tsar ndê. Tix lâus Sở Xênhv Cưr, heir nênhs Hmôngz nhoz jok Phan Chu Hoa, xã Nùng Nàng, huyện Tam đường, tỉnh Lai Châu chuôz zis muôx 6 lênhx nênhs. Iz chas chuôz zis li phênhv sâu tâu txix uô liêx têz, mak hur tiz si puôr lênhx khov lok sâuv pox niêv li hâux lưv khơưk sâu têx khâuz cak uz no muôs thiêz tix lâus tsar yêz meir thâux xa kruô muk lol hâur TP Lai Châu li phênhv sâu tâu xưz. Thâuv ntêx, iz hlik 2 niêv txir muôx phênhv sâu txix 7-8 tsov đeiv, tsês tsi tâu iz đeik hlo taz sik cux txâuk nox. Nhiv no gri têx trox yêz tsar ndê siêz, iz chas lês uô têx hâux lưv li heik sâuv, thâuv lok txos tsêr tix lâus 2 niêv txir tsuv huôk njôngr six hơưv chos nzir iz kro mê njik têx jâuz tâuv, zus nzir keiz ok thiêz sir zôngv cxênhx txuôs xưz:“Trox yêz nhiv no tsar ndê siêz, viv li cux lok six txov nhêv. Cur chuôz zis phênhv ntâu cux chiv chir zuk uô trâu zuk zôngv thiêz nox xưz. Thâuv ntêx iz pluôk nox tsuôk tas 10 cxênhz zuôr jâuz têx, taz sik nhiv no mak tas ntâu đuô, 20-30 cxênhz đeiv thiêx txâuk. Luôs hâux lưv zuôr muôs huv uz no nhiv nor cux lok six phiv liv, khưr nhiêx lok cux li ntơư, viv li cur chuôz zis tsuôk zos sir jos nox hâuk cxênhx txuôs xưz”./.

 (Khắc Kiên-Riê Lâux cxeik, nhênhv)

Hâur tsưr ziv huôv tsar chos yuôx njuôz reik đros ju lix ntu 2022-2025, tỉnh Lào Cao zuôr cxơưz tiês hâux lưv cxiv tsa thax tsav ndis shuôk uô si reik đros tsiv uô yuôx njuôz taz por têx theox chênhv tos tiêv kruô ndis shuôk uô si. Lơưr co, tỉnh Lào Cao cxiv tsa 3 tsưr ziv ndis shuôk zos vênhx huôv- thax tsav chos yuôx njuôz, tsoz phưz đas jos thiêz têx xiv huv kôngz nuv nto bê, nhoz faz Tây muôx: Lào Cai-SaPa-Bát Xát-Lào Cai đros têx xiv huv yuôx tsoz phưz đas jos....nhoz faz Đông Bắc muôx: Lào Cai-Bắc Hà-Si Ma Cai- Mường Khương-Lào Cai đros xiv huv yuôx zos uô zav nox; faz Đông muôx: Bảo Yên-Bắc Hà-Văn Bàn tsiv uô yuôx njuôz uô trox. Tỉnh no cux zuôr zaz zâuv lênhx nênhs yưv pênhr cxiv tsa qơư, tsêr meir tsiv uô, por coar yuôx njuôz chêx chôngk, uô tâu xiv huv muôx tsơưr lươngv...huv đros nênhs sir zôngv li zoz qơưx./.

(An Kiên-Txâur Vax cxeik nhênhv)

Zar hnuz kêix 22/6, Ban chox kriê uô dưv anr yưv pênhr cxiv tsa krêz uô đar yar yêz za Điện Biên thiêz dưv anr zuôr ar luôv plas, paz yêik txar qơư nhoz trâu têx chuôz zis zuôr qơư uô qơư tsav yêz za Điện Biên tror cơưv đơưk têx phiv liv, sik thôngx ziv lok ntâu faz tsưr ziv hâur fuô uô dưv anr. Trơưk li Uỷ ban tỉnh Điện Biên heik pâuz, xav txos hnuz 21/6, ntơưv qơư tưz thiêz tsênhv chox kriê têx sở, ngênhx sik hux jos truôx đros ACV, VATM hâur fuô uô hâux lưv bax yưv pênhr thiêz fuô uô têx luôs hâux lưv cxiv tsa côngz trênhx chiê tâu trơưk li tsưr ziv tso tơưv. Zơưv Nguyễn Đức Hùng, Phưv Tổng Giám đốc ACV heik pâuz: Iz cxiê phiv liv uô ntêx cik txos zuôr ar luôv plas, tưz tâu cxuô ban, ngênhx hâur tỉnh hux jos truôx đros ACV chiê đơưk tu zênhx max. Đros thiêz zos tsưr yưv pênhr uô, ACV chos luk zuôr uô tiêr têx côngz trênhx trơưk li cui tinhv. Taz sik nhiv no tsênhv yuôr iz cxiê têx phiv liv cik txos 4 chuôz zis nhoz jê qơư zuôr cxiv uô qơư tsav yêz za co, lơưr tsi xar yêik txar, ACV tsênhv heik tỉnh, đros Uỷ ban TP Điện Biên Phủ  nzor đros đơưk têx phiv liv co chiê  cxiz sei cxiv uô têx côngz trênhx./.

 (Vũ Lợi-Riê Lâux cxeik, nhênhv)

Thâuv 8 six 15 phênhz tsâus ntux hnuz 20/6, ntơưv jos Co Chàm, xã Lóng Luông, huyện Vân Hồ, tỉnh Sơn La, Công an huyện Vân Hồ đros Công an huyện Mộc Châu (Sơn La) thiêz phongx cảnh sát zaoz thôngz, Công an tỉnh Sơn La ntês tâu 2 lênhx nênhs zos Ngô Văn Hùng xênhz shông 1975 thiez Nguyễn Quang Tới xênhz shông 1988 puôr lênhx nhoz xã Việt Lập, huyện Tân Yên, tỉnh Bắc Giang viv muôv muôs zax zênhz. Chuôz zênhx sâu tâu muôx 958 ntâu gam zax zênhz poz jêz, 6 cxênhz ntâu njiêr zax zênhz shơư yuôx, 1 traz fov chiv chir uô, 4 luz điện thoại di động, 31 tsov đeiv, đros ntâu chuôz zênhx txơưr muôx lênhx coaz. Nhiv no hâux lưv no tror tâu qênhz yuôx uô cov tsênhz mênhx./.

(CTVTTTB-Txâur Vax cxêik nhênhv)