70 shông đhâu hnuz Quỳnh Nhai tâu tiêx tuk-suôv qơư muôx ntâu kror jông nhoz 2 saz ntus đêx Sông Đax tsênhv ziv hnuz ziv muôx ntâu hlôngr yiêz, sir jos cov yênhx huyện tox siêz jông jav xuz thơưx hâur tỉnh Sơn La lok shông 2025. Đros thiêz 10 cxênhz ntâu ha pak đêx tênhv Sơn La hâur thax tsav 9 xã, no zos iz kro jông chiê tsôngv pêx xênhv Quỳnh Nhai huôv tsar tu zus têx shuôz njêl. Tas nro huyện muôx 36 doanh nghiệp, 79 HTX, hâur co muôx 46 HTX shuôz njêl đros trâu 7 cxênhz ntâu tu zus njêl, tax 1.700 tênhr iz shông, đros trâu ntâu xiv huv jông, muôx suôz bê to nhoz thax tsav pak đêx. Iz chas co, têx ntông nox txir cux hloz lox jông njuôz vor tox trôngz câuv har hâur Quỳnh Nhai. Shông 2018, Quỳnh Nhai tâu côngk nhav zos huyện pluôs, tsôngv pêx xênhv luz nênhx tâu gra siêz, têx chuôz zis pluôs shông 2021 txo grêk yuôr 8% ntâu. Heik ntơưv ntênhs Chiv nhênhv 70 shông hnuz Quỳnh Nhai tâu tiêx tuk tas cik hnuz 24/10, zơưv Hoàng Quốc Khánh, Phưv Bí thư Tỉnh ủy, Chủ tịch Ủy ban tỉnh Sơn La heik:“Huyện tsuv uô cov tiêr cxix luôs têx côngz trênhx kinh tế-XH reik đros krêz uô têx muôx jông chiê hu zâuv yưv pênhr trâu têx luôs hâux lưv tu zus, tsiv uô shuôz njêl, ju lix…sâuv pak đêx tênhv Sơn La; Moz siêz huôv tsar vênhx huôv xã hội huv đros trâu huôv tsar kinh tế, jux juk gra luz nênhx trâu tsôngv pêx xênhv”./.

                                                      (Lê Hạnh-Riê Lâux cxeik, nhênhv)

Hôiv nôngx mênhx cxuô cấp sâuv thax tsav tỉnh Yên Bái tưz thiêz tsênhv sir jos đros đrêiv, paz, kruôz kriê trâu hôiv viên nôngx mênhx jux juk sir zôngv công nghệ sôr hâur uô nox, kinh doanh. Khov co, pôx nhuôs chor kôngz nuv uô tâu tâu muôx zôngx ziv đuô thiêz paz trâu phênhv sâu tâu siêz đuô. Tsuôk txix luz mêir điện thoại, pox Triệu Thị Kiên nhoz jok Hồ Sen, xar Bạch Hà, huyện yên Bình, tỉnh Yên Bái tưz hêik pâuz muôs zuk chuôz zis têx hax huv txir lưk jôngr tơưr njuôz, txir chuôz thox Đài Loan trâu tsôngv kruô nhoz đêz jê. Txos nhiv no, xav tas cxuô kror, hâux lưv muôx têx hax huv no tưz paz sâu tâu liv muôx 200 ntâu triệu đêiv./.

(BáoYenbai-Lik Thox cxêik nhênhv)

Thâuv muôx nhos 10 six 30 phênhz tas cik hnuz 23/10, thâuv tsênhv taz tov muk uô côngz xưv txix Công an xã Co Mạ lok trâu thị trấn Thuận Châu, huyện Thuận Châu (Sơn La), Trung tá Lò Văn Ức, Tsar Công an xã Co Mạ pov Cxiêx Xênhv Vưx, xênhz shông 1987, nhoz jok Tiêx Las, xã Co Mạ, huyện Thuận Châu (Sơn La) tsênhv jâuv ntơưv ntus cêr. Trung tá Lò Văn Ức thiêx đrêk yêz thiêz nus, seiz pov Cxiêx pox niêv tsênhv taz tov moz plaz hênhr tưz zuôr xênhz zus mê nhuôv, muôx têx zuôr muk tsi tâu txos tsêr kho moz, Trung tá Lò Văn Ức tưz zênhx max đros Cxiêx Xênhv Vưx paz chơưv Cxiêx pox niêv xênhz zus tâu iz tus nhuôv tuz muôx 2 cir ntâu thiêz đros hu yêz đrav tsêr kho moz đa khoa huyện Thuận Châu tuôx thâux Cxiêx Xênhv Vưx pox niêv, mê nhuôv muk tsêr kho moz chiê tâu tsoz phưz đas jos jông./.

 (CTV Cao Thiên-Riê Lâux cxeik, nhênhv)

Ntu đhâu, moz tơưv poz sâuv tơưr grêix nhoz têx nhux tưv tưz uô hiêv lok kinh têr trâu nênhs tu zus sâuv thax tsav TP Điện Biên Phủ, tỉnh Điện Biên. Nhiv no, moz tơưv poz sâuv tơưr grêix tsik tâu muôx yuôx chiê chơưv kho, viv li cxax yuôx vắc xin cux zos kror tsưr ziv phax tar caz moz jông tiv zix. Txos nhiv no, TP. Điện Biên Phủ tưz tâu Chi cục Thú y cungz muôz trâu 2.700 côngz yuôx vắc xin phax moz tơưv poz sâuv tơưr grêix trâu chor nhux tưv. Taz viv thú y đros chor phường, xar tsêx trung yax kriê, hêik nênhs tu zus đăngk cir cxax yuôx phax moz cov cxix cxuô, huv six hơưv./.

(Báo ĐB-Lik Thox cxêik nhênhv)